✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
إلى أين ذاهبون يا اختي💖...
اعتقد ذاهبون الى الجحيم بأرجلنا!!..
#التؤمان_أمينة_وآمنة
===============================
Part 26
عنوان البارت: #الوشم...
آمنة...
ضليت صافنه على اختي و على نفسي هذولة تجار الأعضاء ذولة وحوش ماعدهم رحمة معقولة وكعنا نفسنا بمطب اله اول ماله اخر...
راحت أمينة للشركة و من رجعت سولفت الي على كلام الحارس مادري احس اكو شيء بس مدا اعرف شنو هذا الشيء...
فكرت بالخطة الي رح نقتحم بيها بيت ضياء الدين و طبعاً بعد ملحة أمينة اجت ببالي هذه الفكرة انو نقتحم بيته بيوم الي يسلمون بي البضاعة...
اني و أمينة جهزنا كل شيء نحتاجه بعملية الاقتحام و هذه اول مره بحياتنا نسوي هيج تصرفات هههه...
من دخلنا لبيت ضياء الدين انصدمت من شفت البيت أظلم الشك بدأ يدك براسي بس كلت لا بجوز اني متوهمة...
أشرت لأمينة انو اني رح اصعد فوك بالطابق الثاني ادور و هي اشرت تبقى جوى تدور...
الطابق الثاني عالم ثاني عن الطابق الأرضي كأنما اشخاص غير الي بالطابق الجوى عايشين كله فخم و اثاث ملكي فتحت اول غرفة كانت مكتب و الأوراق مطشرة على المكتب دورت بيها كلها عقود مالكانات باسم ضياء الدين و اسم ثاني هم لفت نظري اسم (ضيف الله)...
رجعت الأوراق بمكانهن و طلعت من الغرفة دخلت لغرفة ثانية هم دورت بيها لكيت جرار مقفول حاولت افتحه انفتح بسرعة و قلبي صار يدك سريع كله عقود و بضائع عن تجارة الأعضاء البشرية...
ايدي صارت ترجف ما اعرف شنو اتصرف بس كل الي اعرفة لازم نطلع من هذا البيت لان حتى ريحة موتى كمت اشم ما اعرف شبيه...
دا اطلع من الغرفة فجأة تنلزم ايدي حسيت بقشعريرة سارت بكل جسمي عبالي اكو جثة لزمت ايدي بس منين الجثه ما ادري جسمي كزبر ما اريد ادير وجهي و اشوف منو...
فجأة نسحبت حيلل و ارتطمت بجسد احد رفعت عيني اجت بعيون ضياء الدين...
يمكن لو احد يذبحني ما يلكى قطرة دم بجسمي يبست بمكاني و هو مركز بعيني قلبي صار يدك سريع من الخوف ما اعرف شنو اتصرف...
دفعته حيل بس كدر يلزمني من ايدي قوي انشكت الردن مال التشيرت طلع الوشم مالتي عينه توجهت على وشم ايدي مال القمر صل يعاين على الوشم و على عيوني...
رجعت عليه دفعت وكعته بالكاع و اني ركضت ليجوى كلت لأمينة امشي نطلع منا بأقوى سرعة و ما نعاين ورانه صدك طلعنا ركض من البيت و عبرنا السياج و وصلنا ركض للسيارة سقتها بسرعة جنونية ما اعرف شنو اسمي هذا الرعب الي عشته قبل شويه بس رعب بمعنى الحقيقي طلعت بسيارة اهم شيء محد يلاحقنا...
أمينة كالت ماكو محد يلاحقنا و كفت السياره يم حديقة بسرعة بدلنا ملابسنا السود...
أمينة: فهميني شنو الي صار؟..
آمنة: يمكن انكشفنا...
أمينة: شلون عرفتي...
آمنة: أمينة يمكن كل الي عشنا قبل كم يوم لعبة...
أمينة: شنو قصدددج فهممميني لتضلين تحجين الالغاز...
آمنة: أمينة احنا كنا بكمين قبل شوية لان شافني ضياء الدين... طلعت تشيرتي المشكوك... هذا هو شكه...
أمينة: حاول يسويلج شيء...
آمنة: لا ما كدر...
أمينة: شافج...
آمنة: لا بس الوشم...
أمينة: الحل شنو...
آمنة: ما أدري...
أمينة: يعني نرجع منين ما اجينا...
آمنة: ما رح يغير شيء بالعكس رح نثبت التهمة علينا...
أمينة: امشي نرجع للبيت راسي مصدع...
آمنة: تمام...
أنت تقرأ
(سلاح التوأم)...
Romanceسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
