(سلاح التوأم)...

Part 24 (#تجارة_الأعضاء_البشرية)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسدي

#الكاتبة_نمارق_ميثم

#الكاتبة_N

مهما فعلت✨...
سيبقى قلبي ينبض لك💓✨...
حتى لو كنت الجاني💘✨...

#آمنة
===============================

Part 24

عنوان البارت: #تجارة_الأعضاء_البشرية...

آمنة...

رجعت دكيت هم ميفتح وصلن الدكات يمكن بالعشرين مرة يله فتح...
باشق: خيييررر...
آمنة: شتريد مني هاااا شتريد...
باشق: شبيج خبله؟...
آمنة: ليش هيج سويت؟..
باشق: ما سويت غير الازم يصير...
آمنة: منو انت حتى تتحكم بيه هااا...
ما جاوبني و طبك الاتصال بوجهي ما اريد ابجي لان هو الغلطان مو اني ضليت كاعده متوترة كلش كمت طلعت للحديقة الي يم بيتنا ضليت كاعده هناك للمغرب رجعت للبيت اخذت فوني لكيت كومة داك عليه رحيم و اخر شيء كاتب رسالة آمنة انتي وين بيتج جايج...
دكيت عليه...
رحيم: الوو وين انتي صار شكد من داك عليج و دزيت رسالة...
آمنة: رجعت للبيت...
رحيم: ادري بيج رجعتي للبيت بس وين بيتج حتى اجيج...
آمنة: ميحتاج تجي مابيه شيء لتعب نفسك...
رحيم: و القرآن يا آمنة اني ما كدرت اسوي شيء هذا اعلى مني الي اجه...
آمنة: العقيد باقر...
رحيم: شمعرفج بي؟؟..
آمنة: هه اني الي اعرفه بسيطه مصار شي...
رحيم: آمنة لتضوجين رح احاول الكى الج شغل بغير مركز...
آمنة: شكراً رحيم زحمتك ويايه...
رحيم: لا عيني لا زحمة ولا شي...
آمنة: ما اريد بعد اشتغل...
رحيم: ليش...
آمنة: اني طابت نفسي من هيج شغل تعبتك ويايه...
رحيم: عيب هيج تكلين انتي اطلبي و اني اسويلج...
آمنة: متقصر يله مع السلامه...
رحيم: الله وياج...

آمنة...
سديت الخط من رحيم و طكيتها ببجية اني من نوع ما اتحمل بسرعه ابجي اذا انغث...
طلبت اكل من بره و اجت امينة اكلنا سويه و هي ساكته تفكر و اني ساكته اكل بروحي...
اتصلنا على عمو و كال صارت مستجدات بسفرته و رح يتأخر بس يجي هو و ليزا احنا كيفنا حتى نلحك نخلص شغلنا قبل لا يجي عمو...
أمينة سولفت الي ديصير شيء بالشركة و مدتعرف شنو الموضوع لان محد يسولف او بالأحرى محد يعرف و حتى هذه السكرتيرة ماكو اخبار منها...
صرت ابحث اني بالايميل مال الشركة عن شيء يوصلنا شنو ديصير ماكو اي شيء و كدرت انو اسيطر على كاميرات مراقبة مال الشركة لان اني اعرف بهيج امور بس ما كلت لأمينة انو سيطرت على كاميرات الشركة....
صار ثاني يوم كعدت من الصبح للحديقة الي يمنها لعبت رياضه و غيرت عن نفسي شويه و رحت للأسواق اشتريت حاجات ورجعت للبيت أمينة طلعت للشركة بس ما كالت انو تطلع من وكت كلش...
سويت بيضة و حوه سويتها بالصلوات أمينة احسن مني بالطبخ لو اكتل نفسي ما اوصل لطبخ أمينة...
باشق ما اتصل و لا اني اتصلت عرفت لاكي وحدة غيري همه الرجال هيج راسن يلكون وحدة غير الي تحبهم و تحترمهم افففف ليش ضايجه اني طبه مرض هو وياها...
تذكرت من جابلي باجة ريوك برطمت بعدين تذكرت انو اني ماخذه عهد على نفسي ما ابجي علموده غسلت وجهي راسن...
سويت جاي و خليت البيضة على الطاولة و بلشت اكل دك تليفوني رحيم...
آمنة: سلام...
رحيم: شونج بذات...
آمنة: ترا البارحة حاجيتك...
رحيم: هههه شلونج يله تعالي عازمج على ريوك...
آمنة: والله صدك تحجي...
رحيم: اي والله من صدك احجي ليش بس لا ما متريكة بعدج...
آمنة: لا هذا الريوم كبالي بس البيضة محتركة و الجاي مرمر...
رحيم: ههههه يله انطيني عنوان بيتج جايج...
آمنة: ميحتاج رح اروح للأسواق الي التقينا بي اول مرة...
رحيم: هههه كيفج...
آمنة: باي...
كمت بدلت على السريع لبست الفستان الرصاصي الي اشتريته من طلعت للسوك ويه باشق عجبني البسه حسيت دا اغيضه بهذا الشيء عساس هو شنو رح يشوفني اففففف...
بدلت و رحت للأسواق لكيته واكف صعدت وياه بالسياره...
آمنة: هلو...
رحيم: هلوات يله يا مطعم تحبين نروح؟؟..
آمنة: كيفك اي شيء المهم اكل...
رحيم: شنو متعرفين طبخين...
آمنة: اي اختي طبخها اطيب مني بس بالشغل هي...
رحيم: ليش متشتغلين وياها لعد...
آمنة: عوفك من هذه السوالف اني طلعت اكل مو حتى اسولف...
رحيم: بس سالفه باقر ما نسيتها...
آمنة: يا سالفه...
رحيم: شمعرفج بباقر انتي بالخارج دارسه شلون عرفتي لباقر...
آمنة: يصير زوج اخت العقيد باشق الي كنت اشتغل يمه...
رحيم: اهاااا ازوجها يعني...
آمنة: ليش تعرفهم انت...
رحيم: اعرفهم كنت اشتغل وياهم بس انفصلوا من فسخت اخت باشق الخطوبه ويه باقر و اني عفتهم هم...
آمنة: فسخت بس اني حضرت عرسهم...
رحيم: اضاهر متصافين وراجعين...
آمنة: ليش فسخوا؟...
رحيم: باقر جان مزوج من وحدة انجبر يزوجها و عساس حامل و من عرفت اخت باشق انو متزوج قلبت الدنيا على راسه و فسخت الخطوبة...
آمنة: يعني هو طايح حظه؟؟؟...
رحيم: ههههه تكدرين تكولين هيج شيء...
آمنة: هي اتذكرها كانت ضايجه بيوم العرس سمكن انجبرت...
رحيم: الله العالم يله وصلنا انزلي...