(سلاح التوأم)...

Part 40_2(#إعتذار )...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسدي

#الكاتبة_نمارق_ميثم

#الكاتبة_N

ليس الإعتذار كافياً..
هناك جروح قد تبقى تنزف إلى مدى الحياة..
او حتى تولد حياة جديدة...

#أمينة

===============================

Part 40_2

عنوان البارت: #إعتذار...

ما اعرف منين ابلش و احجي عن حياتي الي مالها معنى بس شي واحد مخليني احب الحياة هي مهنتي الي فعلاً تعبت يله وصلت الها و مو يوم او يومين لا تعب سنين هسه حصلت ثماره...

عندي ثقه بربي و بنفسي انو دائما كاتب الي الاحسن من كل هذا صح ما شفت شيء حلو بحياتي بس يوم الي شفت بي ياسه تغيرت نظرتي للحياة و خصوصاً من تعرفت عليها....

لكن الفرق بينا لا مجتمعي و لا مجتمعها و لا مجتمع الي عايشين بي رح يقبل على انو نكون مع بعض ليش لان اني استاذها و هي طالبتي هو هذا وحده فرق يخليني افكر مئة مرة يله افكر بيها...

اكذب على نفسي لو كلت ما احبها و اكذب اكثر لو اكول متعجبني شخصيتها و اسلوبها بالحياة و رقتها و نزاكتها...
بس اني وياها بينا حواجز هواي لذلك قررت انو احط حد الها و الي علمود مصير شي اندم عليه اني لو هي...

اليوم طلعت من وقت للجامعة عندي امتحان على مرحلتها و هي صار الها اسبوعين ماخذه اجازه و كل شي ما اعرف عنها لان اني بعدت التواصل وياها...

وصلت للجامعة انتبهت صديقتها واكفه باب الجامعه ما رحت اجذب على نفسي لو اكول ما ضل بالي عليها...

بلش الامتحان و قبل لا اوزع الاسئله دخلت هي و صديقتها و جانت لابسه اسود و عيونها مورمه ضل بالي عليها أكثر ضلت تمتحن و كل شويه تعاين عليه اني ما تحملت نظراتها رحت بالاخير كعدت حتى بعد متكدر تعاين عليه...

خلص الامتحان و هي اول وحده طلعت شفت السؤال الاول صح حلها بس باقي الأسئلة ما شفتهن اخذت الأوراق و رحت لغرفتي بعدها عندي محاضرة خليت الأوراق على المكتب و رحت للمحاضرة...

من خلصت المحاضرة رجعت الأوراق اريد اصححهن طلبت من السكرتير يجيبلي جاي لان ما شربت جاي الصبح هو اصلا منو يسويلي جاي الصبح وحدي عايش منو يفكر يسويلي غير اني اسوي لنفسي...

جابلي الجاي و اني اخذت اوراق الطلاب اشوفهن و اخذت قلم كلت اصحح بيهن...
كاعد اصحح أوراق الطلاب اندكت الباب و انفتحت بدون ما اكول ادخل شلت راسي لكيتها واكفه و لابسه اسود و وجهها منفخ من كثر البجي صفنت عليها اول مره اشوفها هيج من بدأ الدوام لحد هسه ما اريد اسئلها شبيج اكو شيء بداخلي يمنعني خصوصاً بعد الكلام الي كلته الها قبل شهر...