(سلاح التوأم)...

Part 22 (#اشتقت_له)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسدي

#الكاتبة_نمارق_ميثم

#الكاتبة_N

اشتياقي لك 💖...
لايعني التحكم بي✨💘...

#آمنة

===============================

Part 22

عنوان البارت: #اشتقت_له...

آمنة...

اليوم كعدت الصبح و فتحت السجلات و لكيت اكو بريد إلكتروني جديد بالشركة هلكد حاولت افتحه ما فتح لحد ما كتبت اسم أمينة..
فتحته ولكيت كله صور أمينة من تضحك لو من دتشتغل لو من دسولف ويه الموظفين..
صفنت منو ممكن يسوي هذا البريد...
عفته و كمت سويت اكل اكلت اتصلت عليه أمينة كالت رح يرحون لبيت ضياء الدين لان رجع من السفر واكو شغل لازم يكملوا حتى يسلموا...
ما اقتنعت بالموضوع اني بس مشيتها ما حطيت انه...
باشق طول هذه الفترة ما محاجيني ولا حتى فكر انو يدز الي شيء يمكن نساني او حتى ميتذكر منو آمنة غير انو اني اذيته...
حسيت على روحي بدأت اغفي نعست...
عيوني متنفتح مال نوم حسيت احد واكف يمي كوه ركزت هذا باشق شنو جابه هنا لا لا اني داحلم ميجيني باشق...
فزيت لكيت البيت فارغ محد اكو يعني صدك كنت احلم اففففف كعدت بجيت من جديد ليش ديجيني طيفه شنو يريد مني مكافي اذه قلبي...

كمت رحت لغرفة أمينة بعدها ما راجعه دكيت عليها ماكو متجاوب ضل بالي يمها هلمرة هي خلت بالي يمها مو اني خليت بالها عليه هههه...
لليل يله رجعت بس وجها اصفر و متحجي شيء عزاا متت بدمي معقولة ضياء الدين سوالها شيء رحت الها للغرفة كاعده على جربايتها و صافنه...
آمنة: أمينة وين كنتي؟...
أمينة.....
آمنة: أمينة احجي وياج...
أمينة: ما قبل يطلعني من بيته الا نتعشه وحدنا...
آمنة: وشصار شبيج هيج صافنه سوالج شيء...
أمينة: نظراته...
آمنة: شبيهن...
أمينة: احسن يردن يخترقني...
آمنة: ايي..
أمينة: باس ايدي و شكرني لان قبلت ابقى وياه...
آمنة: يعني..
أمينة: ما اريده ما اريده يحبني رح أذي هوااي...
آمنة: هو راد الاذية..
أمينة: ما اكدر أذى...
آمنة: حبيتي؟؟...
أمينة: ما اعرف شنو الحب حتى احب...
آمنة... ضليت يمها لازمة ايدها امدها بقوة لان اني احتاج منها قوة..
أمينة دائما استمد منها قوتي لان هي عودتني على قوتها و قليل هي تضعف و من كانت تضعف من تأزمت حالتها بعد مقتل بابا اني كنت امدها بالقوة...
ضلت حاضنتني ونايمة  بحضني لحد ما حسيت بيها غفت نيمتها عدل و كمت اسويلنا اكل رغم انو ما اعرف اطبخ بس كلت اجرب حظي صدك سويت عجينه كل فكري دا اسوي بيتزا اشو العجينه ساعتين و ما انتفخت كلت يجوز هي تبقى هيج...
فرشتها بالصينيه و رشيت عليها المواد ودخلتها الفرن انتظرتها لحد ما استوت طلعتها محجرة متنكص حتى ما حركتها بالشوي ليش هيج ضليت صافنه عليها إلا شويه ابجي حطيتها على جهه و احترمت نفسي و سويت شوربه كعدت أمينة و سويه اكلنا خلصنا اكل راحت بغرفتها مادري ليش يمكن تريد تبقى وحدها طلعت فلم رومانسي و ضليت اشوف و ابجي تخيلت باشق يجي للبيت و يتعتذر مني و يكلي احبج و ننهي الموضوع كله و اتذكر هو ميعتذر مني لان جذب عليه و ابجي من جديد...