✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
لقائي معكِ✨...
لا يعني بداية جديدة هادئة💓✨...
ربما تكون بداية معارك و حروب سأشنها عليك💓...
#أمينة
================================
Part 38_2
عنوان البارت: #الحفلة...
آمنة...
ملينا البيت نفاخات ورديات و زرق و ختارت ليزا لون ابيض لطفلها و الذهبي لطفل أمينة بحيث صارن اربع الوان يجنن و الزينات صارت ملونه هم هذه الالوان و اختارت الكيكة مقسومه نص ابيض و نص ذهبي بس كبيره الكيكة...
فرق ثلاث اشهر بين ليزا و أمينة يعني ليزا مابقى شي على ولادتها بس أمينة بعد ثلاث اشهر يله تولد...
كانت فكرة ليزا انو يجيبون كبسولات اثنين وحده بيد أمينة و الثانيه بيد ليزا و يمهن قدح شفاف بي ماي و يذبون الكبسولة بي و اذا صارت ازرق معناها ولد و اذا صارت وردي معناها بنت...
تجهزت اني و بدلت لأمينة شكد قنعتها كوه قبلت تكوم ويانا بالحفلة وإلا متريد اصلاً تشوف عالم بس لازم اطلعها من قوقعتها الي ما اعرف شوكت ناويه تطلع منها مرات تحسسني انو هي قتلت ضياء الدين...
ليزا اشترت فستان ذهبي لأمينة بس عاندت و لبست فستان اسود قصير للركب من يم الصدر بي سده و رده و يجي عليه حزام ذهبي طلعت تجنن و شسورت الها شعرها و اخذته من الجوانب و لزمته بماشات و خليت عليه فيونكه سوده بيها ايطار ذهبي و مكياج بسيط بعد ما حصلت كتله منها يله قبلت احط الها مكياج كوه صبغت ايدها ذهبي و خليتها تلبس حذاء ذهبي بي كعب انركع براسي و لبست حذاء اسود فلات لان هي حامل كومه انكتلت بيومها بس كله يهون لخاطر الطفل اني ساكته و متحمله...
اني لبست فستان سمائي شيفون بي اكمام لحد نهايه المعصم بس شفافه تبين ايدي و الظهر مفتوح و الصدر بي تطريز ورد لون وردي صغار كلش احب التطريز على الملابس لذلك احبه هذا الفستان و لبست حذاء وردي يشبه لون الوردات و شعري سويته ظفيرة هندية...
رنا ما قبلت تطلع للحفلة لان لحد هسه تعاني من رهاب المجتمع تخاف تختلط بأحد كتلها محمد رح يجي هم ما قبلت تطلع ما حبيت اضغط عليها و هي مصار الها هواي من طالعه من الازمة الي كانا بيها...
ليزا كانت لابسه فستان فضي طويل مال حوامل كلش حلو و بي اكمام بأمر من عمو اكيد هههه و شعرها لافته طالعه كلش حلوه...
البيت امتلئ ناس و الكل اسلم عليهم علمود عمو يعرفهم عليه...
ليزا و أمينة كاعدين على مكان سويه وحده بصف الثانية كاعدات حبابات هههه طكيت الهن كم صوره...
أنت تقرأ
(سلاح التوأم)...
Romansسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
