(سلاح التوأم)...

Part 49_2 (#أحتاجك)...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسدي

#الكاتبة_نمارق_ميثم

#الكاتبة_N

أينما أذهب اجدك امامي...
اشعر و كأنك سندي في الحياة...

#آمنة...

===============================

Part 49_2

عنوان البارت: #أحتاجك...

آمنة...

بعد ما طلعوني من المستشفى احس اكر شغلات اذكرهن و مرات اتذكر انو كنت ويه رحيم بس من احاول اكثر اذكر رأسي ياذيني و ما ارجع اذكر لان اضوج...
مكلت باشق انو اني دا اذكر رحيم كلت اتذكر كل شيء يله احجي و حتى اذا كتله هيج ماعرف هو شنو سوه رحيم بس الي ادري بي انو اني كنت وياه...

بيوم كنت متمددة على السرير  مالتي بعد ما طلع باشق و يأس من انو يحاول يذكرني شويه و رجع دخل باشق بعد مباشرتاً رحيم من شفته انفاسي تسارعت و دقات قلبي بدات تسرع و انعاد شريط الخطف كله امامي مكمت اشوف اي شيء حطيت ايدي على عيوني و كل شي ذكرت و عطت بباشق و كتله هو الي خطفني...

اخذه باشق و اني راسي احسه رح ينفجر ما اعرف شنو ديصير بيه اغمى عليه و اخذوني للمستشفى و حسب كلام الطبيب شيء طبيعي الي صار ويايه لان فقدت ذاكرة و رجعت الي...
اجانا باشق للمستشفى و احس بعيونه يريد يفهم مني شنو الي صار و اني ماخذة عهد على نفسي اسولف اله كل شيء حتى لو نفسيتي متاذيه المهم احجي ما اسكت...

من رجعنا للبيت سولفت اله كل شيء هو راسن طلع و اني ضليت ابجي صعب هذا الشعور مهما انو كنت قويه بس المرأة من توصل لمرحلة الاعتداء او محاولة الاعتداء كله صعب عليها لان مهما يكون تبقى هي أنثى مشاعرها حساسه حتى لو كانت جلمود...

اعتكفت على نفسي لحد ما اجتي أمينة لهيت روحي وياها و ويه اسوري من سولفت الها ضلت تهدي بيه و تحاول تريحني و تغير من نفسيتي باي وسيلة..

باشق اختفى و ما اعرف عنه اي شيء بس محمد يجي يطمئن عليه و من اسئله عنه ميجاوبني حسيت انو هو ابتعد عني و بعد ميحبني تخبلت اكثر صرت ابجي هواي....
بعد الحادث صرت آمنة ثانية الكل متعجب عليها آمنة القوية الي محد يكدر يأذيها هسه صرت على اقل شيء اتحسس و ابجي و مو بجي عادي لا حتى اشهك...

ليزا حاولت ويايه بس اني ما انطيتها مجال او ماردت اتعالج اكول المن اتعالج و اني خسرت حتى حب حياتي يعني اني لو منطيه من نفسي مطول هواي بعلاجي ليزا بس اني رفضت رفض قاطع...

مر اسبوعين و اني تغيرت جذرياً حتى أمينة مصدومة مني و اني مصدومة من نفسي و باشق ما شفته و حتى محمد هم بعد ما اجه...