✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (سلاح التوأم)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
لا تخافي يا توأمي...
روحي تشعر بروحك...
اعلم أنك في أمان لكن لن يدوم لك هذا الأمان...
#آمنة
===============================
Part 34
عنوان البارت: #اقتربنا_من_الهدف...
آمنة...
اجه باشق من غرفه التحقيق بعد ما كله لابو مهدي اعترف لان كل شيء نعرف و هو ضل وجه ينطي الألوان ميعرف شنو يحجي بعد...
دخل باشق للغرفة الي بيها اني و عمو...
باشق: اكو شيء ديصير من وره ظهري استاذ عدنان؟؟...
عدنان(بتعجب): شنو قصدك...
باشق: انت صدك دتلاحقه لابو مهدي؟؟..
عدنان: ههه وانت صدكت كلامه؟؟..
باشق: استاذ عدنان اني هسه حتى بنفسي اشك أتمنى تقدر شغلي اذا صدم دتلاحقة ترى تنجر رجلك بالتحقيق اذا تعرف شيء احجي...
عدنان: شوف استاذ باشق اني يوم الصدك ما وصلت لاحد و انوخذ حق اخويه و انت اعرف واحد بقضيته ما سويت اي شيء و كلت الك اذا تذكر يوم الي خابرتني علمود التهديز الي وصل الك كتلك عوف القضية و اني متنازل عنها مو معنها اني كل شي ما اريد و الحمدلله اسمي لامع بين الدول...
مو علمود واحد ناجح هنا اريد اخرب سمعتي بين الدول و الشركات العالمية و اروح ااذي مرة الثانية انتقي كلامك استاذ باشق اني هنا اجيت علمود هذني الي هنه بناتي مثل ما بنات اخويه و احبهن حتى اكثر من نفسي و من تشوفني هيج ساكت معناها اني الي يد بالموضوع...
لا انت غلطان اني ساكت لان اني انسان ما احب ابين عصبيتي على الآخرين مثل حضرتك و اذا وجودي منرفزك فهذا بحثاً اخر نلكى غير ضابط يشتغل على قضية خطف بنت اخوية و اني حالياً هذا الشيء الوحيد الي هامني عايف كل شغلي علمودهن تاليها هيج تتهمني شكراً على ثقتك العاليه...
آمنة.. الي عجبني بعمو انو هو كان كلش هادي ابد ما عصب على باشق حتى كلامه حلو و باشق شفته استحى من تفسه بعد كلام عمو و اني كنت منتطرة كلام عمو من شفته...
هيج الصراحة حتى اني هم ضجت من نفسي لان فكرت بعمو بسوء بس كلمه باشق صحيحة حالياً الواحد حتى بنفسه يشك...
طلع باشق من يمنا اني رحت حظنت عمو هو هم حظني و بعدني عنه و لزم وجهي بين ايده...
عدنان: اني لو جنت اريد انتقم جان ما اخذتكم و عفت البلد كله علمود متعيشون بمجتمع ميرحمكم...
آمنة: عمو اني هذا كلامك كلة ادري بي و اعرفه بس غيري ميعرفه...
عدنان: اني دا اكلج حتى لاتشكين بيوم بيه اني ابوكم الثاني معقولة ااذيكم...
آمنة: عمو مرات متصير اذيه نتخيل انو اذا تصرفنا اي تصرف رح نحمي الي نحبهم بس ممكن هذا التصرف ينقلب ضدنا...
عدنان: يوم الي ردت احميكم اخذتكم ويايه و ما بقيتكم هنا لان لو مبقيكم جان تأذيتوا اكثر من هسه...
آمنة: عمو لتهتم لكلام باشق هو من حجه هيج لان هو محقق و لازم يحقق ويه الجميع...
عدنان: حبيبتي اني مقدر موقفه...
آمنة: صدك عمو ما سئلتك عن ليزا شلونها؟..
عدنان: رح تجي هليومين خصوصاً من عرفت انو أمينة مخطوفة...
آمنة: خوش لعد اني محتاجتها...
عدنان: ان شاء الله...
أنت تقرأ
(سلاح التوأم)...
רומנטיקהسلاح التوأم... منذ ذلك اليوم قَطعنا عهداً على أنفسنا بأن ننتقم من قَتَلتْ أَبينا... . . . قصة (سلاح التوأم)... بقلمي انا الكاتبة نمارق ميثم #الكاتبة_نمارق_الاسدي #الكاتبة_نمارق_ميثم #الكاتبة_N تنويه🚫: القصة من وحي الخيال ولا تمد للواقع بصلة وان كان...
