(سلاح التوأم)...

Part 16 (#الرقصة_1 )...

✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...

من قصة (سلاح التوأم)...

#الكاتبة_نمارق_الاسديق

#الكاتبة_نمارق_ميثم

#الكاتبة_N

لم تكن رقصتنا على موسيقى عادية✨...
بل كان الرقص على موسيقى نبضات قلبينا💓✨...

==============================

Part 16

عنوان البارت: #الرقصة_1...

آمنة... بعد ما خلصنا اكل و شربنا جاي دك موبايل باشق شالة حطه على اذنه وجهه احتقن...
باشق: جااااي اصبرلي...
سد الخط..
آمنة: وين رايح؟؟..
باشق: خابروني صار شيء جديد على القضية...
آمنة: اعلمني بكل شيء يصير ترى بعدني وياكم بالتيم...
باشق: هههه انتي و هذه حالتج!..
آمنة: شبيها حالتي عورة لو ما عندي ايد لو رحل كلها طلقه بكتفي...
باشق: ههههه ديله مع السلامة...
آمنة: الله وياك مالي خلك اكوم اسد الباب سدها وراك..
باشق: هههه ماشي...

آمنة.. طلع باشق من البيت لميت الماعين و دهلتهن بالغسالة المخصصة الهن...
بعدها رحت للصالة كلبت بالتلفزيون افففف ملل طفيته بلعت ادويتي و نمت بالصالة...

ما حسيت لحد ما سمعت صوت طكطكه كمت لكيت أمينة تلعب بالفون و تسوي اكل بس وجها احمر ما سئلتها شبيها عفتها و رحت لغرفتي نمت نومة مريحه اكثر...
مر اسبوع و نص على كعدتي بالبيت الجرح طاب و ضجت من كعده البيت و أمينة تطلع عادي اني هم كمت بدلت و مسويه قبل يوم بليل كعكة التايكر اخذتها و رحت للمركز...
آمنة: صباح الخير شونكم...
الكل سلم عليه و كعدت اقطع الهم بالكيكة مال سلامتي و فرحانين لان محد يجيبلهم اكل طيب هههه...
اجه باشق عزلت حصته رحت اله للغرفة حتى انطي الكيكة...
آمنة: شونك سيدي هذه الكيكه عزلتها الك...
باشق: شجابج مو كلت اسبوعين متجين...
آمنة: اهووو اختنكت من البيت اجيت اغير جو تفضل...
باشق: ما احب الكيك ما اريدها...
آمنة: مو بكيفك سيدي تفضل...
حطيتها على الميز و رحت اكمل تقسيم الكيكه للباقين رجعت للغرفة لكيته دياكلها و متونس بيها و يستلذ باكلها ما تحملت طكيتها بضحكة نز مني عاف الماعون ودار وجه...
آمنة: هههههههههههه بالعافية كملها كملها...
باشق: جنت دا اضوكها بس...
آمنة: هههههههههه ادري بيك...
باشق: ليش ضحكين...
آمنة: ههههههههه طيبه لو لا؟؟..
باشق: عاشت ايدج...
آمنة: بالعافيه... اكول صدك ما كتلي شصار بالقضية؟؟؟.
باشق: القضية مو هينه يحتاج الها شغل و احنا خطئنا من استعجلنا بالهجوم...
آمنة: انت استعجلت مادري ليش و ما ادخلت كلت انت تعرف احسن مني و عندك خبره اكثر...
باشق: ما جنت مصور القضية بهل الخطورة و هذولة مدعومين من سلطة اعلى...
آمنة: و الحل...
باشق: مادري لازم افكر اكثر...
آمنة: شوف من كنت بالخارج هم كان اكو تجار أعضاء و تجار ممنوعات بس هم كان الهم نفوذ دولي و محد كان يكدر غير على هذولة الي حديثين بالشغل بس هنا الواضح مثل هناك...
باشق: شلون يعني...
آمنة: يعني هناك اذا واحد بيهم من الي عدهم نفوذ انلزم الكل تخلى عنه و يروح بستين جهنم اما هنا مو احسن من الي بالخارج اكيد هم ينطون بعض...
باشق: الحل برايج...
آمنة: نضل نبحث عن رأس الحية و اكيد محد رح يوكف وياه اذا صارت بأيدينا ادله قوية عليه...
باشق: لازم نزرع عيون النا بكل مكان...
آمنة: هو هذا الصح.. شفت اليوم جيتي بيها فائدة هههه...
باشق: اييي عاشت ايدج على الكيكة و على الفكرة...
آمنة: العفو ولو.. يله اني ارجع للبيت ارتاح...
باشق: تمام على راحتج... هااا مو تنسين عرس اختي الخميس..
آمنة: تمام ان شاء الله...