حوريتي الجزء الثاني (قيد التعديل)

البارت الرابع

البارت الرابع _الجزء الثاني

لاخير في حياة يحياها المرء بغير قلب ,ولاخير في قلب يخفق بغير حب. ❤️

مساءً اجتمع عائله انور و عائله زياد في قصر عائله فهد رحب فهد بالجميع و كانت بجانبه زوجته "كارما" مبتسمه برقه كما اسمها زياد من قبل ثلاثون سنه ايقونه الدلال وقف بجانبهم مراد بابتسامه رسميه متحفظه بينما في الأعلى في غرفه ياسمين جلست الأربع الفتيات

قالت ياسمين بحنق :

_بت انا مش عايزه انزل ولا اتعرف علي حد

قالت يارا و هي جلسه على السرير بأريحية :

_ما تنزلي و بتطلي توحد بقا

قذفتها ياسمين بحده بينما ضحك جوري و مليكه فقالت ياسمين بحده :

_هيهيهيهيه ايه اللي بيضحك

قالت مليكه و تحاول كتم ضحكتها :

_nothing
(لا شئ)

قالت جوري بمشاكسه:

_كلميني عربي ياختي مكنوش اربع سنين تعليم برا اللي قلبوا لسانك يا Princess

قالت مليكه  :

_انت مالك يا غلسه

قالت ياسمين :

_يا ستي مقولناش حاجه بس تخيلي تتجوزي واحد بكرش و يقولك و هو لابس الفنله الحملات فين الفطار يا وليه تقوليلي
"sorry فوزي I don't know how to prepare food.
فيلا نطلب من برا
هيقولك انت بتشتمني يا وليه و يرمي عليكِ يمين الطلاق و ترجعي تقولي لـ جوري هتيلي حقي من الحيوان دا يا جوررراااي و جو محاكم الاسره دا

قالت مليكه بتقزز :

_ايه يا ياسمين هو انا معقول اتجوز واحد يقولي يا وليه دا يا اهلا بالعنوسه

خرج صوت ضحكاتهم بينما قالت مليكه بخجل و هي تعتدل:

_بنات عايزه احكلكوا على حاجه

نظر الجميع لها بخبث و جلسنا في دائره حولها في سرعه البرق و قال كل منهم في نفس الوقت :

_احكي

قالت مليكه  بارتباك و هي تعض على شفتيها بخجل :

_كنت ماشيه في شركه عشان زي ما انتوا عارفين ان عندى مكتب ديكور و كان في شركه طالبه مني اني اجي و روحت و اتفقت مع صاحب الشركه على شغل ما بينا و كنت خارجه ف خبطت في واحد اسمو أكرم و اتأسف و عزمني على قهوه و الصراحه انا معجبه بيه اصلوا جنتل مان اووي بس مش هشوفه تاني إعجاب عابر و السلام

قالت الفتيات بحماس :

_موكااااا وقعععتت

كادت تبكي من فرط الحرج ف مليكه ايقونه الخجل و الرقه حقا قالت يارا بمرح :