اسكريبتات ❤🖤

أنس &قدس 💕

_بابا انا همشي لاني تعبانه شويه
- اوصلك
_لا ، عشان محدش ياخد باله ، هاخد تاكسي
*نزلت وانا قلبي بيوجعني اوي ، حسيت ان حد جايب سكينه و بيطعن فيه من غير رحمه ، كل ما يدق بتوجع اكتر ، هو ليه الناس بتعلقنا بوهم ، مجرد كلمه ممكن نبني عليها حياه كامله ، يمكن لو مكنتش اتقالت كان كل شئ فضل زي ما هو ، من صغرنا و العيله كلها بتقول قدس لانس ليه لما كبرنا كل دا اتغير ياريت فضلنا صغيرين زي ما احنا 💔
«انا قدس عندي ٢٧ سنه ، دكتوره اطفال ، بحب الاطفال جدا  بيقولوا اني في براءتهم ، بحب القراءه و بكتب خواطر و بحب القهوه جدا  »
* وصلت البيت معرفش ازاي ، دخلت اوضتي و فضلت فيها باقي اليوم ما بين صلاه و دعاء و عياط ، مش عارفه اذا كان عشان قلبي و لا عشان عشمت نفسي بحاجه مش ليا او يمكن عشان حبيت من الاول ، حقيقي اي تعلق بغير الله مذله
_ خلصت صلاه و فضلت علي السرير بحاول انام بس الذكريات بتظهر مره تانيه قدام عيني بتجلد قلبي من غير اي رحمه ولا شفقه
*يعني إيه بحبك؟!
-سمعتي الكلمة دي فين يا قدس
*سمعت جدو بيقولها لتيتة، بس معناها إيه؟!
- لما تكبري هتعرفي
* أنا كبيرة، قولي يا أنس بقى
_ بحبك يعني مقدرش أعيش من غيرك، يعني وجودك عامل لحياتي معنى ولو غبت عني مفيش حياة من غيرك، بحبك يعني روحك بقت ساكنة جوايا مش مجرد شخصين مع بعض، بحبك يعني اوعي تسبيني لأي سبب حتى لو أنا اللي طلبت، بحبك ليها معاني كبيرة اوي يا قدس
_ ياه ، دا كله في كلمة واحدة بس، انا بحبك يا أنس زي ما جدو بيحب تيته
*ههه ، بتحبيني مره واحده و انا كمان بحبك ، مزعله ماما ليه بقا
_ مش مزعلاها ، بس هي عايزه تلبسني الطرحه و بتقول اني كبرت و مينفعش اقعد اتكلم معاك كتير
* ماما خايفه عليكي يا قدس ، و بعدين انتي زعلانه ليه انك هتلبسي الطرحه ، دا انتي هتكوني اميره فيها و هتبقي جميله خالص
_يعني انت عايزني البسها
* مش انا اللي عايز كدا ، ربنا اللي امرنا بكدا و لازم نسمع الكلام ، و بعدين كلها كام سنه و تدخلي ثانوي و ساعتها تلبسي الخمار لا خمار ايه النقاب إن شاء الله و تبقي دكتوره قد الدنيا
_ و انت لما تكبر هتلبس نقاب بردو
*هههه نقاب ايه بس ، لا انا هكون شاب حلو من غير نقاب ، النقاب للبنات بس و باذن الله اكون دكتور اطفال
_ يا رب تكبر و تبقي شاب بس مش حلو عشان مضربش البنات
* ههه و تضربيهم ليه
_ عشان جدو  قال ان لما نكبر هنتجوز و ساعتها هضرب اي بنت تكلمك غيري
*( كنت بريئه ، كان أنس بالنسبه لي مش ابن عمي و بس ، كان اخويا الكبير و كان انا بس علي هيئه انسان ، هو اللي جابلي اول طرحه و اول خمار و فرحته اللي شوفتها في عينه لما لبست النقاب عمري ما هنساها ، كان بيخاف عليا زي بنته ، كنا بنتكلم علي احلامنا لما نكبر ، هو اكبر مني ب٤ سنين ، كان حلمه انه يكون دكتور اطفال و اني اكون دكتوره نفسيه ، اتخليت عن حلمي عشان احقق حلمه ، اصل هو حلمي فالنسبه لي دا كان حلمي انا كمان ، كان شاطر جدا و الكل كان متوقع انه هيجيب طب بس عمي مات قبل الامتحانات باسبوعين و مقدرش يجيب طب ، جاب كليه تجاره ، انهارده كان خطوبته  علي زميلته في الكليه ، و كان خروج روحي مني 💔)
_بابا ممكن اتكلم مع حضرتك
- اقعدي يا قدس ، عايزه ايه حبيبتي
_ هو يعني ، قصدي ، بابا انا جيلي شغل في اسكندريه في مستشفي كويسه و مرتب كويس و بصراحه انا حابه اشتغل هناك
- بس انتي عارفه رأي في الموضوع دا
_ بالله عليك يا بابا وافق 🥺
- طيب اهدي بتعيطي ليه دلوقتي ، اسم المستشفي ايه و هتسكني فين
_ مستشفي *** ، ليا واحده صحبتي شغاله هناك و واخده شقه هقعد معاها
- طيب جهزي حاجتك ، و هخلي انس يوصلك ، عنده شغل هناك
_ شكرا يا احلي بابا ، لا مش عايزه يوصلني ، انا مبقتش صغيره و بعدين هاخد القطر
- لازم يوصلك عشان اكون مطمن عليكي
_ يا بابا بالله عليك ، و بعدين فرحه باقي عليه شهر  يعني اكيد مشغول
- خلاص ماشي ، بس هجي اوصلك لحد المحطه
_ انت تؤمر يا حبيبي
" كل اللي كان في دماغي اني محضرش فرحه ، كنت عايزه ابعد خالص فتره ، ارمم قلبي من جديد ، ارجع اقوي من الاول تاني ، دا غلطي انا و اخدت العقاب بصوره قاسيه فلازم انا اللي ادويه بنفسي "