اسكريبتات ❤🖤

التقينا صدفة 3

_ سديم قلبي، عايزة أطلب منك طلب
*عيون سديم، اطلبي يا مغفرتي
_ احم، عايزة أتعلم السواقة
*و دا من ايه يا قلبي، هي الروايات خلصت تاني
_مش بهزر يا سديم، بجد عايزة أتعلم السواقة
*طيب من عيوني، بس لما تولدي و تقومي بالسلامة
_ما هو أنا عايزة أتعلم السواقة عشان لما أولد
*دا علي أساس أنك أنت اللي هتسوقي يومها
_اومال، هسوق و أصوت مع بعض، بس علمني بس
*بس يا مغفرة
بعيون دامعة _ بالله عليك يا سديم
*لا متعيطيش، حاضر يا عيوني، حضري نفسك بكرا
و هي تحتضنه بسعادة_ بحبكككك
★★★★★★★★★★★
*صباح الورد يا مغفرتي، جاهزة
_ايوة يلا، بس استني اجيب الشنطة
*شنطة ايه دي
ببراءة_ شنطة الاكل يا سديم
*هو احنا رايحيين رحلة
_مش هتعلم السواقة، هي دي حاجة سهلة، و بعدين بنتك اللي عايزة تأكل مش انا
*يا رب الصبر من عندك، قدامي يا قدري
_أنت مضايق يا حبيبي
*لا أبداً، مغفرة أنت شايفة من النقاب
_دا على أساس إني بشوف و أنا مش لبساه
*الله أكبر، و عايزة تتعلمي السواقة، اللهم لك الحمد
_أنت مبسوط انى مش بشوف و بتحمد ربنا كمان
*أنا بحمد ربنا عشان مأمن على العربية
_يعني ايه مأمن على العربية
*هتعرفي يعني ايه لما نرجع بخير....
*جاهزة؟!
_هبهرك
*ربنا يستر، بصي هتدوسي بنزين و بعدين تدوري و تفضلي دايسة شوية على البنزين لحد ما تسخن
_تمام و بعدين
*و بعدين هتطلعي بالعربية بالراحة، هتحطي رجلك على دواسة الدبرياچ و تطلعي أول و تبدأي تشيلي رجلك من الدبرياچ بالراحة و تحطي التانية على البنزين
_هو أنا هعمل دا كله لوحدي
*لا ازاى هنزل اجيب اتنين يساعدوكي
_أنت بتهزر يا سديم، أنا تعبت بجد
*تعبتي من مجرد الشرح، مغفرة اعترفي أنت حد قالك تموتيني صح
ببراءة _أنا يا حبيبي، طيب خلاص هجرب كدا و تبقي تساعدني
.... و بعد عدة محاولات فاشلة و سديم يكتم ضحكه
بغضب _العربية مش راضية تشتغل ليه، هي بايظة؟!
*و هي هتشتغل ازاى و أنت لسه مشغلتيهاش
_ما انا دوست على البنزين زي ما قولتلي
*و بالنسبة للمفتاح اللي لسه في ايدك
بذهول _ايه دا، هو احنا بنحط المفتاح كمان
*يا رب الصبر من عندك، والله هتشل على ايدك
_بعد الشر عليك يا سديم قلبي
....
_اخيرااااا، اشتغلت
*الحمد لله، اطلعي يلا
_اطلع اروح فين،
*اطلعي بالعربية يا سديم زي ما علمتك
_بس دي صعبة
*جربي بس و هتعرفي صدقيني
و بعد مرور ما يقرب من نصف ساعة
*شوفتي بقا عرفتي ازاي
_بس اخذت وقت كتير
*هيقل بعد كدا يا مغفرتي، امشي بالراحة يلا و متقلقيش
_بحبك بجد يا سديم، ربنا يحفظك ليا
*و يحفظك ليا يا مغفرتي، ها مقولتليش بقا عايزة تسوقي ليه
_بصراحة عشان يوم المحكمة مركبش معاك و اسوق لوحدي
باهتمام*محكمة ايه؟!
_احم...لما نطلق يا سديم، اومال مثلا اركب معاك
*مثلا، فين الكرامة
_ايوة، كرمتي متسمحش
*هسألك و تجاوبي بصراحة، أنت وخداني تخليص حق صح، يعني حد من عيلتنا قتل حد من عندكوا فقولتي اتجوزه و اموته بالبطئ
بضحك_ليه بتقول كدا بس، أنا اتجوزتك عشان حور و عشان السواقةو امممم و بس
*حور مين؟!
_بنتنا، عشان كان نفسي أخلف بنت اسمها حور
*يعني دي كل الأسباب
و هي تنظر له_تؤتؤ، في سبب قبل دا كله، عشان بحبك
بفزع*طيب بصي قدامك عشان متبقاش آخر حاجة قولتيها
بضحك_لا تقلق
   و بعد مرور ما يقرب من ساعتين
*يلا بقا كفاية كدا انهارده
_كدا اسوق عادي
*لا لسه، بس ممكن تسوقي على طريق فاضي مش زحمة
_خلاص خليني اسوق و احنا مروحين
*طيب بس تمشي بالراحة
_حاضر
....
*حسبيييي.... و بعد رفع فرامل اليد
بزعيق*كنا هنموت يا مغفرة، مش قولت مشي بالراحة
_أنا آسفه، مخدش بالي و بعدين هو اللي طلع مرة واحدة
*طيب، انزلي هسوق أنا عشان نروح للدكتورة بالمرة
.......
♕خير يا استاذ سديم، الجنين حالته كويسة، اما الأم حالتها النفسية مش تمام
*دا الأم جابت لي حالة نفسيه يا دكتور، مش تمام ازاي
_أنا جبت لك حالة نفسية، دا أنا نسمة، محدش بيسمع صوتي أصلا
♕ربنا يحفظكوا لبعض، يا ريت تجيبوا الادوية دي و تهتمي بصحتك الجسدية و النفسية
_تمام يا دكتور، شكراً لحضرتك
....
_سمعت الدكتورة، حالتي النفسية تعبانه
*ما هو من كتر العياط على الروايات، من انهاردة مفيش روايات تاني
بعيون دامعة_حتي الحاجة الوحيدة اللي بحبها عايز تحرمني منها، سأخبر الله بكل شيء
*اهدي طيب، خلاص هجبلك روايات
_سديم أنا اكتشفت شيء مهم
*ايه هو
_إن أنا الخير اللي عملته في حياتي كنت انت مكافأته
*يا قلب سديم، أنا كمان اكتشفت حاجة، إن ربنا عايز يغفر لي فاتجوزتك
_كدا يا سديم، اخص عليك، عايزة رواية
*خلصتي اللي جبتهم
_من زمااان
*كدا هفلس على فكرة
_واحدة بس
*طيب عايزة حاجة معينة
_امممم هاتلي منارات الحب
*يا سيدي يا سيدي
_احم.. تحب احضرلك العشا
*لااا، و ليه تتعبي نفسك، هعمله أنا
_حبيبي، إن شاء الله يسترك
*أنت كنت بتقعدي قدام جوامع و أنت صغيرة
_بيقولوا، قوم يلا يا أبو حور
*مش عايز الإسم دا يا مغفرة
_هي بنتي و لا بنتك
*بنتي طبعا
_كدا، طيب الغي رحلتي بقا، و احمل و اولد أنت و سمي أنت كمان، يلا اللي جاب لك يخلي لك
*أنا بقول إن اسم حور دا اسم عظمة كدا، دا أنا كانوا هيسموني حور بس آخر دقيقة بقيت سديم
بضحك_بجد!! اول مرة اعرف،بحبك يا سديم
*احبك بعدد حروف لغات العالم، احبك حتي يندثر القمر، و حتي تختفي الشمس من هذا العالم، احبك حتي تجمعنا الجنة

♕رأيكوا يهمني
#استغفروا
#دعاء_سمير
#إلتقينا_صدفة3