اسكريبتات ❤🖤

عـ❣ـہآلمـ❣ـہي آلخـ❣ـہآصـ❣ـہ

_ انتي موراكيش حاجه غير القاعده دي؟ قومي اعمليلك اي شغله
= بصوت هادئ و هي بتدخل اوضتها  انا خلصت شغل البيت و مفيش حاجه اعملها 

* انا ورد عندي 22 سنه،  في كليه تربيه،  انطوائيه و معنديش صحاب خالص لاني بخاف من الناس فقررت اني اعيش في عالم تاني،  عالم ليا و بس،  مفيش فيه حد يضايقني و لا يخوفني، عالمي الخاص،  عآلمـ آلروآيـﮯآت 💖

كنت ماشيه في الجامعه كالعاده حضنه كتبي و باصه في الارض،  بحاول اركز علي دقات قلبي و انظم تنفسي علي قد ما اقدر و سمعت بنتين و هما بيتكلموا

• اهي الست الغامضه وصلت،  مش عارفه شيفه نفسها و مش بتكلم حد علي ايه
- علي رأيك، اومال لو كانت حلوه شويه،  هي مش شايفه نفسها عامله ازاي
• دا زمان الارض بتدعي عليها من الحموله الزايده و فضلوا يضحكوا،  مشيت بسرعه و انا بمنع دموعي انها تنزل،  روحت المدرج استني المحاضره هناك علي الاقل محدش يجرحني زي ما بيعملوا دايما
فتحت الروايه اللي معايا و بدأت اقرأ و انسي الواقع و ادخل عالمي الخاص
خلصت المحاضرات و روحت المكتبه عند عمو ابراهيم،  قد ايه بحب الشخص دا،  حنين و بيقدر يضحكني و بيعاملني كأني بنته بالظبط، دخلت بس ملقتهوش قاعد زي كل مره
=عمو ابراهيم،  انت فين يا راجل يا طيب
_ هو تعبان و مجاش انهارده اقدر اساعدك
لفيت عشان اشوف صاحب الصوت لقيت شاب قمر و عيونه بلون السما و..  ايه اللي بعمله دا  استغفر الله العظيم نزلت عيني بسرعه
=ايوه،  كنت عايزه روايه
فعلا اخدت الروايه و روحت في اكتر مكان بستريح فيه
قعدت علي كرسي قصاد البحر و بدأت اتنفس بصوت عالي اكني بشكيله
" بحس ساعات ان البحر بيفهمني، يمكن كلنا بنستريح قدام البحر و بنحس بالامان عشان عشنا في الميه تسع شهور في رحم الام،  عشان كدا لما بنشوفه بنحس بنفس الاحساس الامان و الحب و الدفئ،  بحس كتير ان البحر حزين و بيتالم بس بيبان هادي زي ما احنا بنحاول نبان اغلب الاحيان و بيكون جوانا بركان من الغضب،  الناس بتقول البحر غدار و دا صحيح،  لان البحر اتعلم الغدر من البشر،  من كتر الغدر و الكدب اللي حوالينا حتي البحر مسلمش مننا"  كتبت الكلام دا في النوت بتاعتي و فتحت الروايه و بدأت اقرأ بعد حوالي ساعه رجعت البيت و دا بيكون تاني أسوء شيء في اليوم بعد طلوعي الشارع و مواجهة الناس
_أهلا بالهانم،  انتي شرفتي؟ 
دخلت اوضتي من غير ولا كلمه،  اصل هتكلم مع مين و كل اللي حواليا مش فهمني حتي اقرب الناس ليا،  غيرت و صليت و قرأت قرآن و بعدين فتحت واتس لاقيت كميه رسايل بدأت اقرأ فيهم و انا ببتسم
"ساعات بنحس بالفرح و السعاده مع ناس مقبلنهاش و لو مره في حياتنا،  كلمتها قادره تلمس قلوبنا و احساسنا،  و مع أن بتبعدنا مسافات بس قلوبنا اقرب من اللي ساكنين معانا تحت سقف واحد " كل صدقاتي علي السوشيال ميديا ناجحه،  لان كل واحد بيبين اللي حابب يبينه للقدامه،  محدش هيهتم بالشكل او نبره الصوت او شكل وشك هنا،  هنا الجوهر هو اللي بيطلع مش المظهر،  و عشان كدا انا بجد بحب السوشيال ميديا جدا
**********
عدي اسبوع و نفس الروتين بيتكرر،  الناس،  الاهانه،  كسره قلبي ،  الهدوء و اللي الاغلب شايفه برود، يمكن اللي مش بيتكرر هي الصفحات اللي بقراها دا اللي بيغير يومي،  خلصت محاضرات و روحت اجيب روايه جديده بدل اللي خلصتها
=السلام عليكم،  عامل ايه يا راجل يا طيب،  الف سلامة عليك
_ و عليكم السلام يا بنتي،  انتي عامله ايه، عرفتي منين اني كنت تعبان
=الحمد لله،  جيت من اسبوع و عرفت من الشاب اللي كان هنا
_ اه ،  دا تميم ابني
=و انا اقول برضو هو جايب الحلاوه دي كلها منين 😉 اتاريه شبهك 😅
~كلهم بيقولوا اني حلو و قمر، بس مكنتش متخيل اني حلو للدرجه دي
لفيت ورايا لقيته ساند بكتفه علي الباب و علي وشه ابتسامه ، في الوقت دا كان الدم كله ساب جسمي و طلع في خدودي، أخدت الروايه و انا حطاها علي وشي و ماشيه و هو بيبص للروايه و يضحك بس مش عارفه ليه، و اكتشفت دا لما عرفت ان العالم كله مصمم يكسفني انهارده، الروايه اسمها احببتك من النظره الاولي ، و الاسم معبر جدا عن الموقف
اخدتها و قعدت قصاد البحر غمضت عيني و فضلت اتنفس بهدوء و فجأه صورته جت في عقلي، ابتسمت تلقائي، بس ايه دا انا ببتسم ليه، مفكرتش كتير و بدأت اقرأ في الروايه
************
عدي شهر و انا منزلتش من البيت خالص، كانت طاقتي خلصت، مكنش فيا حيل إني ارد علي حد او البس وش البرود، حتي الحاجه الوحيده اللي كنت بحب اعملها و هي الروايات،  مبقاش بابا يديني فلوس زي الاول بعد ما ماما اشتكت اني علي طول بقرأ الروايات دي و اني مش فالحه في شئ تاني، بقيت انزل علي الفون و اقرأ اون لاين، كل اللي مزعلني اني مبقتش اشوف عمو ابراهيم، كان هو الوحيد اللي بيطيب بخاطري ، علي طول في اوضي مش بطلع بحجه ان الامتحانات قربت و لازم اذاكر ، و طبعا وجودي زي عدمه فمش فارق معاهم كتير
" ساعات بحس اني مش بنتهم، ان بابا و ماما لقيني و انا صغيره، بقف كتير قصاد المرايه و اشوف الشبه بينا بس انا مش شبهم اوي، لا في الشكل و لا حتي في الحجم، عشان كدا كنت انا محور ضحكهم في البيت ، من خلال كلامهم اللي كان سكاكين في قلبي، انتي تخينه، انتي عجل، انتي طايقه نفسك ازاي، انا لو منك اموت نفسي، و بعد كل كلمه صوت الضحك يملا المكان بحاول ابتسم عشان اعدي الموقف، بس محدش لاحظ نظره الحزن اللي في عيوني، كسره قلبي بكل حرف، و لو مره عيط او حولت اعبر انهم بياذوني نفسيا، يقولوا حساسه و نكديه و مش بتحب الهزار، عشان كدا وصلت للمرحله دي من البرود، ساعات كتير ببقي عايزه اعيط اووووي، جوايا كلام كتير اوي نفسي احكي لحد، نفسي افضل اتكلم و اعيط و اخرج كل اللي في قلبي لحد ميزعقش و لا يخوفني منه، و بعد كدا يخدني في حضنه، يطمني و يقولي مش هسيبك، انا هفضل معاكي لأخر العمر، بس زي ما بيقولوا اني لازم افوق من كل دا، لانه موجود في الروايات و بس " في اللحظه دي حسيت بالدموع بتنزل من عيني لحد ما بلت الورقه اللي بكتب فيها، قفلت النوت و قومت اصلي و اكمل مذاكره
***************
انهارده  اخر يوم في الامتحانات، لبست دريس كحلي و خمار اوف وايت، بحب الالوان الغامقه في اللبس،  مع أن الفاتحه بتكون احلي كتير لانها بتتناسب مع لون بشرتي،  بس الالوان الغامقه هي اللي بتزين حياتي و قلبي،  فاكيد هتزين شكلي برضو، بتوحي بالغموض و اللي بقي جزء اساسي من حياتي،  روحت الجامعه و كالعاده سمعت التريقه عليا،  بس لحظه انا دموعي بقت بارده هي كمان،  يمكن عشان اتعود اني ادريها و امنعها من النزول مبقتش عيوني بتدمع اصلا،  خلصت الامتحان و انا ماشيه سمعت حد بينادي عليا،  اتجاهلت الصوت و مشيت بسرعه و فجأه لقيت ضوء الشمس اختفي من الشخص اللي وقف قصادي
_يا آنسه...  قطعتي نفسي  ،  كان ساند ركبته بايده و بيتنفس بسرعه من آثر الجري
- حضرتك تعرفني
_ رفع رأسه و بصلي،  مش فكراني
ايه دا هو،  بس ايه اللي جابه هنا،  مشيت بسرعه و لانه كان وقت خروج الطلاب فاختفيت بسرعه بين البنات،  فضلت ماشيه مش عارفه انا رايحه فين،  لحد ما رجلي خدتني للمكتبه،  الظاهر من كتر ما اتعودت علي المرواح هناك عرفت سكتها خلاص،  دخلت و كان عمو ابراهيم بيقرأ في كتاب اول ما شافني قام بسرعه و هو مبتسم
_اهلا يا بنتي،  ايه الغيبه الطويله دي،  حصل حاجه
- ازيك يا عمو،  لا محصلش حاجه بس كان عندي امتحانات و كنت مشغوله شويه
_ ربنا يوفقك يارب  ،  بطلتي تقرأي
حسيت بالاحراج لاني مش معايا فلوس اشتري روايه زي زمان
- لا،  بس مش بقرأ كتير زي الاول
_ جالي تشكيله روايات جديده و لقيت روايه حلوه اوي و هتعجبك
- اسمها ايه و انا هنزلها علي الفون
_ اسمها رفيقه دربي، مد ايده و جابها من الرف،  دي بقا هديه مني ليكي
- بس... اا هنزلها و اقرأها
_ مفيش اعذار،  النسخه دي ليكي مخصوص
- شكرا يا عمو، ربنا يحفظك
مشيت و انا مبسوطه اوي بسبب الروايه، روحت قعدت قصاد البحر و فضلت بصاله فتره طويله و بعدين فتحت الروايه اقرأها، اندمجت فيها و محستش بالوقت، الليل كان داخل، يا خبر اتأخرت قومت بسرعه و أخدت الروايه و حطيت النوت بتاعتي فيها و مشيت بسرعه، و انا مروحه سمعت شابين ماشيين ورايا
• ما تحن يا جن
~ الجميل ماشي لوحده ليه
سرعت اكتر و انا خايفه اوي، مسكت في طرف خماري و انا بحاول اشجع نفسي
• الحلو تقلان علينا
فجأه حسيت حد بيمسك ايدي، خوفت جدا و بدأت اعيط
_ سيب ايدي، عايز مني ايه رميت الروايه او وقعت مني من خوفي و بدأت افك ايدي منه لحد ما لقيت ايدي سابت و اللي كان ماسكها رجع لورا من آثر الضربه اللي اخدها في وشه، بصيت لقيته هو، فضل يضرب فيهم و انا في الوقت دا خايفه و مصدومه من اللي حصل، اخدت الروايه من الارض و شنطتي و مشيت بسرعه، روحت البيت و من حسن حظي مكنش حد في الصاله جريت علي اوضتي و قعدت اعيط، مش عارفه ليه بس كنت بتخيل لو مكنش جه في اللحظه دي كان ايه اللي هيحصل، قومت اتوضيت و صليت و قعدت علي الفون، قومت اجيب النوت عشان اكتب اللي في بالي اللحظه دي بس ملقتهاش، فضلت ادور زي اللي ضاع منها ابنها الصغير، بس للاسف وقعت مني لما الروايه وقعت، قعدت علي السرير اعيط، ما هو انا مش بعرف اواجه اي مشكله، عشان كدا بعيط و بس، دي كان فيها كل حاجه عني، اسراري اللي محدش يعرفها و حزني و دموع فشلت اني ادريها معلمه علي الورق، مأساة عشتها و كتبتها فيها، كل شيء، في الوقت دا حسيت بشعور السمكه لما تطلع من الميه، احساس الخوف و عدم الامان و اللي اخره الموووت
************
عدت الايام و بعد شهر من طلوع النتيجه لقيت باب اوضتي بيخبط  ، كنت مستغربه، يمكن دي اول مره يخبطواعليا و يحسوا ان في حد عايش معاهم، فتحت لقيت بابا
_ ورد عايز اتكلم معاكي
- اتفضل يا بابا
_ في عريس متقدملك، هو جي بليل هو و اهله
- بس يا بابا
_ مفيش بس، مصدقت الاقي حد يبصلك، هو شاب محترم، توفقي عليه و دا اخر كلام عندي
- حاضر، حاضر عايز حاجه تانيه
_ لا
خرج من الاوضه و انا قعدت مكاني، سندت علي السرير و فضلت باصه للسقف و كأن شريط حياتي بيمر قدام عيوني، كل اللي عشته و شلته في قلبي بيظهر قدام عيني لحد ما حسيت دموعي بتنزل بغزاره، قومت غسلت وشي و قرأت قرآن و بعد المغرب لبست دريس بني و خمار بيج و فضلت قاعده لحد ما بابا نداني
دخلت قعدت باصه في الارض، ايه دا السجاده دي الوانها جميله اوي، ازاي مكنتش باخد بالي ان فيها ورد جميل اوي كدا
_ ممكن نشتري زيها في بيتنا
الصوت دا مش غريب عليا، رفعت وشي
- انت، بتعمل ايه هنا
_ جاي عشان اتجوزك، ايه رأيك قالها و هو بيبتسم
- بس ليه انا، في كتير احلي مني، انت تستاهل واحده احسن مني بكتير
_ و انا بالنسبالي انتي انسب بنت في العالم، اما اختارتك ليه فدا بعد كتب الكتاب هقولهولك، قولتي ايه
- بصيت في الارض تاني، موافقه، اول مره احس الاحساس دا، قلبي بيدق جامد و مبسوطه اوي
_ اللهم صل علي النبي، بركات دعاكي يا امي، بعدين طلع نوت من جيبه، ايه  دا، دي بتاعتي لقيته بيقول
_ وقعت منك يوم الحادثه، و معرفتش اجبها لك
- شكرا، اخدتها و دخلت اوضتي فضلت احضن فيها جامد، بس يا نهار ابيض، ليكون قرأ اللي فيها، يا رب لا
*****
عدي 4 شهور علي خطوبتنا و انهارده كتب الكتاب
"بارك الله لكما و بارك عليكما"
حضني جامد و قالي
_ اخيرا بقيتي مراتي، مبروك عليا انتي
اول مره احس بالامان و الحب في وجود شخص
- الله يبارك فيك قولتها و انا ببتسم و يمكن دي كانت اول مره ابتسم من شهور
_ كنت سألتيني اشمعنا اخترتك انتي، عشان انتي اجمل بنت شفتها عنيا، اجمل قلب قابلته، عرفت من والدي انك طيبه اوي و قد ايه كنتي واقفه معاه لما والدتي ماتت، و دا اللي شوفته بعيوني اول مره جيتي فيها المكتبه، مشوفتش في برائتك اللي بقت نادره في الزمن دا، هدوئك شدني ليكي اكتر، كل دا يتلخص في اني بحبك يا ورد
كنت بسمع و انا ببتسم و اعيط في نفس الوقت، كنت طايره في السما و اول مره احب عالم الواقع، عالم الواقع اللي كان نتيجه تمسكي بعالم الروايات، عرفت في الوقت دا ان الروايات دي مش مجرد قصص خياليه، هي عباره عن حياتنا اللي بنعشها بس بالشكل اللي شيفينه بعيون قلبنا
******
عدي 5 سنين علي جوازنا، احلي 5 سنين في عمري كله، تميم عوضني عن كل اللي مريت بيه، للاسف طلع قرأ كل مذكراتي، حكيت كل اللي حسيت بيه في حياتي، عيط لحد ما دموعي جفت، خرجت كل اللي في قلبي،  حضني و طمني،  حسيت انه عوض ربنا ليا عن كل شيء  ،  تميم هو قدري الحلو من الدنيا
- بتعملي ايه يا وردي
_ بحكي لهم حكايتنا يا حبيبي 
- بحبك يا اجمل ورد في حياتي 🤗
_ بحبك يا تميمي 😘
" تميم و انت التميمه التي تحفظني من هذا العالم القاسي و تشعرني بالأمان دائما ما دامت قريبه من قلبي "  ♡
" و يأتي العوض احيانا علي هيئه شخص يُنسينا ما قاسيناه ،  و لن  ينسي الله حظنا من السعاده "♕

* اول مره اكتب اسكربت، رأيكوا يهمني جدا، و قولوا اكمل كتابه ولا لا 🥺

#عالمي_الخاص
#دعاء_سمير