اسكريبتات ❤🖤

ولنا لقاء آخر ✨💛

_صباح الورد يا حبيبتي
- الو .. صباح الخير
_ أنتِ لسه نايمه ، انهارده اول يوم في كليتك ، قومي كدا و فوقي و روحي كليتك و خدي أول خطوه في حلمك و اوعي تخافي أو تتوتري ، انا معاكي دايما
-حاضر يا حبيبي ، ربنا يحفظك ليا يا أدهم و منحرمش منك ابدا يا رب ، هترجع امتي
_ اسبوع بالكتير و هكون عندك
*اول يوم في الكليه ، كنت مخططه له من فتره بس كل تخطيطي راح علي الارض ، ربنا يجازي  اللي كان السبب ، و هو.. احم انا ، بالاخص عقلي ، سهرت بليل كتير كنت بفكر في شخص و نمت من التفكير ، صليت و فطرت و اخد الدوا و نزلت ، و العالم متفق علي تأخيري ، الطريق زحمه و معاناه ، وصلت الكليه و انا مش شايفه قدامي بجري بسرعه و بعدل الشنطه
_منك لله يا عبدالله ... آاااه
خبطت في عمود لا مش عمود دا باب ماشي من غير بيت
- انا آسف مخدش بالي
بتوتر _ حصل خير
* بقا أول حد أقابله انت ، سنه سعيده بإذن الله ، دا انا نمت بفكر فيك تطلعلي الصبح ، دا دكتور عبد الله ، و انا داخله الكليه هنا عشان خاطره اصلا ، بيدي كورس للثانويه و كنت بسمعه ، اول مره سمعته فيها كنت منهاره حرفيا و لقيت الفيديو بعنوان أضحك من قبل ما افتحه ابتسمت تلقائي و توالت الفيديوهات و كان ليه فضل اني اكمل الثانويه علي خير و اخش كليه الطب ، حلم طفولتي و حلم ماما الله يرحمها ، بدون وعي مني انجذبت له ، اول مره اشوفه في الحقيقه من دقيقتين ، كنت مستغربه نفسي في الاول و ازاي انا ممكن احب حد ، بس دا اللي حصل .
_ادهم ، وحشتيني
- انتي اكتر يا يقين ، كلها كام يوم و هكون عندك ، ايه اخبار اول يوم
_ كان كويس ، بس اخدنا حاجات قد الثانويه مرتين تلاته ، دا انا لو تنين مجنح مش هاخد دا كله
- ههه ، ربنا يعينك يا قلبي ، لسه بنقول يا هادي ، اخدي دواكي
_لسه هاخده
-طيب يا حبيبتي ، خديه و خلي بالك من نفسك  ، مع السلامه
*مر شهرين في الكليه اتعرفت علي مريم ، و عندنا ميد تيرم كمان اسبوع ، و طلع أن زنقه الامتحانات دي حتي في طب .
_صباح الفل يا مريوم ، عامله ايه
*صباح النور يا يقين ، الحمد لله ، يقين هو باب التحويل لتجاره قفل صح
_ههه ، تجاره ايه يا بنتي ، دا اول امتحان يعني لسه قدامك السنه طويله
*انا مالي و مال الفسيولوجي و الهستولوجي و الباثولوجي ؟! انا كائن بيتولوجي شتولوجي و بحب رواياتولوجي
_هههه ، فصلت يا مريم كفايه الله يحفظك ، بجد شكرا ليك انا كنت متوتره بس دلوقتي التوتر اتبخر
*يقين قلبي ، مفيش روايه كدا و لا كدا ؟!
_يا شيخه بقولك امتحانات تقوليلي روايه ، بس متقلقيش بعد الامتحانات في اسكريبت هيعجبك
*هو دا الكلام ، يلا علي المدرج
_يلا ، قدامي
ـــــــ
_اخيرا خلصنا امتحانات، كفاره يا يقين
*هههه ، كفاره ايه بس هو احنا خارجين من سجن ، و بعدين لسه في فاينال
_فاينال ايه ، متفقناش علي كدا ، انا عايزه اتجوز مليش في التعليم
+و انا موجود يا قمر 😉
_يقين ، اجرررري
*هههه ، خلاص بعدنا ، دا لسانك دا هيوديكِ في داهيه
_و انا مالي يا لمبي ، يعني انا اللي قولتله اسمع كلامي
* هههه مع السلامه بقا لاني وصلت
_سلام يا قمري ، اكتبِ الاسكريبت انهارده
*باذن الله ربنا يسهل
   طلعت صليت و اكلت و اخدت الدوا و فضلت اكتب اكتر من ساعتين نزلته و جالي كومنتات حلوه كتير
"دائما ما ينظروا إلي الابتسامه علي وجهي و لا أحد يبالي بتلك الأنهار في عيني 💔"
منها كومنتات كتير ناس بتتمني تبقي زي ، بس انا محبش حد ابدا يشوف اللي شوفته في حياتي ، الناس بتحسدني علي اللي انا فيه ، دكتوره و كاتبه ، بس محدش عارف حاجه عني و عن اللي شوفته عشان اوصل لدا ، محدش عارف انا خسرت ايه عشان اكون هنا ....
_مالك يا حبيبتي ، و صوتك ماله
*لا ابدا تعبانه شويه و مش هقدر انزل
_الف سلامه يا روحي ، يومي هيكون  وحش من غيرك
*و انا والله هفتقدك اوي
   كان اليوم ممل من غير مريم خصوصا اني معرفش حد غيرها ، خلصت السيكشن و قعدت في الجنينه طلعت النوت و فضلت ارسم ، رسمت بنت ماسكه القمر في ايد و الايد التانيه ماسكه حبيبها و قاعدين فوق سحابتين لونهم بنفسجي في وسط غيوم كتير لونها ابيض و حواليهم نجوم كتير لونهم بنفسجي فاتح
_لو الغيمه مطرت البنت هتقع
  اتخضيت لما سمعت صوت حد جنبي و كان دكتور عبد الله ، قومت بسرعه و لميت حاجتي و انا ماشيه وقفت للحظه
*مستحيل حبيبها يخليها تقع طول ما هي ماسكه ايده
  مشيت بسرعه مش عارفه قولت كدا ليه بس كنت حابه ارد ، رحت المكتبه جبت قواميس و فضلت اذاكر هناك و محستش بالوقت لحد ما سمعت صوت باب المكتبه بيتقفل نزلت بسرعه عشان اطلع بس كان الباب اتقفل
_يقين اهدي و متخافيش ، كله هيكون بخير ، هتعرفي تطلعي ، متعيطيش
فضلت اكلم نفسي عشان أهدي لحد ما سمعت صوت جاي من الباب التاني كنت خايفه روحت و لقيت حد بيحاول يفتحه
_احنا كدا اتحبسنا هنا
لف و طلع هو ، و كأن القدر مصمم يجمعني بيه ، كل ما حاول اهرب منه بنتجمع و لما كان نفسي اشوفه معرفتش
*انتِ هنا ازاي ، و بتعملي ايه
_ك كنت بذاكر و سمعت صوت الباب بيقفل بس ملحقتش انزل و محدش سمعني
*مش راضي يفتح ، هكلم اخويا يكلم حد و يتصرف
دا وقتك انت كمان تفصل شحن
_كدا هنفضل هنا
*متعيطيش و هنطلع اكيد في حل
قعدت مكاني مش عارفه اعمل ايه ، في الأوقات اللي بكون خايفه فيها بفضل اكتب
"وجدت الف سبب لكرهك و مازال قلبي ينبض بحبك ، و كأن قلبي اسير له و كأني عبد عندك "
  مخدش بالي أنه بيبصلي و بيبص للكلام اللي بكتبه
_بتحبيه اوي كدا !
*ه هو مين ؟!
_اللي بتكتبي له
* مش بحبه لا  ، مش هنسي هو عمل ايه ، عيطت في الوقت دا
_طيب اهدي بس مالك
*ه هو سبب موتها ، مش هنسي اللي عمله فيها .. انهارت من العياط
_خلاص كفايه عياط طيب ، لو حابه تحكي انا سمعك
*ه هو موتها ، كان بيضربها دايما و هي ماتت بسببه ، ه هي كانت بتحبني اوي ، سبتني لوحدي ، و هو برغم اللي عمله بلاقي نفسي بترحم عليه ، انا بكرهه بس قلبي مش مصدق دا ، كنت بشوفها بتتالم من جسمها في أثر الضرب و كانت تخدني في حضنها و تقولي متخافيش أنا كويسه و هي كانت بتعيط ، سبتني في اكتر وقت محتجاها فيه عشان كدا بكرهه ، مش باقي لي غير ادهم  و بس ، مليش حد بسببه ، قضيت لحظات عمري و نجاحي و دخولي الكليه لوحدي بسببه ، شيلت حزن علي قلبي اكبر من سني لحد ما حسيت اني عجزت برضو بسببه ، و في الآخر لسه بحبه ، طيب ازاي و هو السبب في موت امي ، و بعد دا كله الناس بتحسدني علي اللي انا فيه ، انا كنت نفسي ابقي بنت طبيعيه حتي لو مش هيكون عندي مواهب بس اكون في بيت كله حب و موده ورحمه
   عيطت كتير اوي و هو كمان عينيه دمعت ساعتها
_انا آسف إني فكرتك ، امسحي دموعك
*و هو انا نسيت عشان افتكر ، ش شكرا انك سمعتني ، بس هنطلع من هنا ازاي
*جالي فكره ، انت عندك فيس صح ، ممكن ابعت من عندك للاكونت بتاع اخويا و اقدر أكلمه
  و دا اللي حصل و جه و طلعنا و كل يوم افتكر اللي حصل اندم إني دخلت المكتبه .
_بتسمعي ايه يا مريم
*اغنيه لسه جديده
_اغنيه ، يا خساره تربيتي فيك يا مريم ، هو انا قصرت معاكي في حاجه طيب
*هههه ، طب خلاص غنيلي انتِ
_احم احم ، لا مش هغني اقولك فكره احلي هقرأ قرآن منها اكون سمعت الورد و كمان بدل الاغاني بتاعتك دي
* وانا موافقه
    انا مش قريبه من ربنا اوي ، يعني بلبس طرحه طويله علي دريسات ، لاني بشوف ان البنت بتفقد كلمه انثى و هي لبسه بنطلون ، اومال سابوا ايه للولاد ، مش بسمع اغاني الحمد لله ، من زمان مش بحبها ، الاغاني عباره عن تلوث سمعي علي هيئه كلمات ، بملئ وقتي باناشيد دينيه و قرآن ، بس نفسي أقرب اكتر  ، عايزه اروح له "
بدأت أقرأ في سوره يوسف لحد ما وصلت لآيه
"قال إنما اشكوٱ بثّي و حزني الي الله و أعلم من الله ما لا تعلمون "
وقتها دموعي نزلت الآية دي بتريح قلبي و سوره يوسف عامه ، مفيش مره زعلت و قرأتها و فضلت علي حزني ، فتحت عيوني و مسحت دموعي لقيت دكتور عبد الله ماشي قريب مننا و بيبصلي و كان في كام بنت حوليا
_كملي قراءه وقفتي ليه سمعت صوت البنت و افتكرت اللي حصل يوم المكتبه نزلت وشي بسرعه
_وقت تاني معلش يا قمري عشان عندي سيكشن
     مرت الايام و خلصت اول سنه و هطلع رحله تبع الكليه ٤ ايام في السخنه ، بعد محايلات مع ادهم وافق اروح ، رحت انا و مريم ، كل حاجه كانت تمام لحد ما ....
_مش هتنزلي يا مريم
-مش قدره يا يقين بجد
_طيب انا نازله
  نزلت فضلت علي البحر شوفت اطفال بيلعبوا بالكره و خبطت فيا، اشتقت لايام اللعب ، و بالفعل لعبت معاهم و اللي كان مطمني أن المكان بعيد نسبيا عن الفندق ، لعبت و حسيت اني فراشه ، وقتها خدت عهد إني أبدا صفحه جديده مع نفسي ، عرفت أننا لما بنكره حد احنا بنعاقب نفسنا مش اللي قدامنا ، عرفت أن كل شئ حصلي كان لحكمه من ربنا و أن ربنا هيعوضني ، تقبلت فكره موت ماما و أن بابا ملوش دخل و حسيت بالراحه و الهدوء اخيرا ، كنت حاسه نفسي فراشه و اللي كمل احساسي الطرحه البيضا و الدريس البيبي بلو اللي لبساه كنت مبسوطه اوي
_يقيييين
*ا ادهم
جريت عليه حضنته جامد ، كان وحشني اوي ، جه وقت ما كنت طايره من الفرحه فكمل فرحتي
*عامل ايه وحشتني اوي ، مقولتش ليه انك جي
_اتصلت عليكي ، عندي مأموريه هنا ٣ ايام و اتصلت عليك صحبتك ردت وقالت انك علي البحر
*وحشتني اووووي، خليك معايا شويه
_باذن الله هخلص المأمورية و هقعد معاكي شهر
*بجد ، ربنا ميحرمنيش منك ابدا ابدا
_ولا يحرمني منك يا يقين قلبي
...
رجعت الفندق و انا مبسوطه نمت الليله دي قريره العين صحيت من بدري جهزت الشنط عشان نروح ، لبست دريس كحلي و طرحه سيمون و نزلت مع البنات تحت لقيت الكل بيبصلي نظره مش فهماها، حسيت أن في حاجه غلط ، لقيت مريم
_مريم هو في ايه
*ها يقين ، مفيش حاجه
_مال شكلك و مخبيه الفون ليه
*و لا حاجه ، يقين استني بس هاتي الفون
   لقيت صورتي و انا حاضنه ادهم و مكتوب عليها "اهي اللي عامله نفسها قدوه للبنات " محستش غير بدموعي مغرقه وشي
_م مريم انت مش عارفاه دا ، دا ادهم اخويا ، حكيتلك عنه ، والله الكلام دا مش صح ، طيب ليه كدا ، هو اعراض الناس بقت سهله اوي كدا ، انا عمري ما أذيت حد ليه كدا .. قعدت في الأرض و مريم حضنتني 
*يقين اهدي ، انا عارفه كل دا و الله بس الناس مش بتسيب حد في حاله ، قومي يا يقين اغسلي وشك عشان هنتحرك كمان ساعه ، متحطيش في دماغك ، ربنا مش هيسيبك صدقيني ، والله حقك هيرجع ، انت علي طول بتقوليلي سيدنا يوسف حقه رجع بعد اكتر من ٤٠ سنه ، قومي لاني انا بستقوي بيكِ .
  سمعت كلامها و صوت عياطها حسيت أن ربنا عوضني ، لطف ربنا موجود دايما حوالينا ، بيجي في صاحب يطبطب علي قلبك لما الدنيا تيجي عليه ، كلامها أثر فيا و قررت مبينش ضعفي قدام حد ، قومت معاها غسلت وشي و دعيت ربنا أنه ياخد حقي و ركبت الباص و حطيت الهاند فري شغلت قرآن و فضلت سانده علي الشباك و مغمضه، غصب عني دموعي نزلت لما حسيت بالوحده ، شعور صعب ،  بالرغم من وجود مريم بس حاسه بوحده ، حواليا ناس كتير بس مفيش جوايا حد ، ساعات بكون تعبانه و عايزه اعيط اوي و لما بفتح الفون و اجي اشوف حد أكلمه مش بلاقي ، بعرف ساعتها أن مليش حد غير ربنا
_لو سمحت
*ايوه
_ ه هي كويسه
*ايوه ، بس تعبانه شويه
_ممكن نقف عند  صيدليه لو محتاجه دوا
*لا ابدا هي هتكون كويسه
  كان صوت مريم بتكلم حد ، عرفت من الصوت أنه دكتور عبد الله ، مستغربتش لانه مشرف الرحله و اكيد بيشوف الطلاب
    عدت فتره و خلالها حياتي اتعدلت إلي حد ما ، عرفت أن تعلقي بدكتور عبد الله بسبب عدم غضي للبصر ، عرفت كمان أنه هيسافر امريكا قريب ، لقيت أن دي انسب فرصه عشان أنساه ، دعيت ربنا كتير اوي اني انسي بس اللي كان بيحصل أني كنت بتعلق اكتر ، فبقيت ادعي أن ربنا يحفظ قلبي و يثبتني علي دينه ، لبست الخمار و كان افضل قرار في حياتي كلها ، لسه انا و مريم صحاب ، الحمد لله كل سنه امتياز في الكليه ، مرت ٥ سنين و معرفش عنه حاجه من ساعه سفره ، كنت بدعيله ، بقول عشان مجهوده اللي وصلني لحد هنا ، و انهارده انا في معرض الكتاب عشان اصدار اول روايه ورقيه ليا "و لنا لقاء آخر " و الكاتبه يقين يحي بقت معروفه ، كنت مبسوطه بس متوتره ، جه ناس كتير أغلبهم بنات من سني ، فرحت اوي بس حسيت أن ماما وحشتني اوي بعدت شويه و دموعي نزلت غصب عني ، طلعت النوت و كنت هكتب لقيت الرسمه بتاعت البنت و افتكرت كلامنا ساعتها
_لو الغيمه مطرت البنت هتقع
للحظه حسيت اني بتوهم و بسمع صوته بصيت حواليا لقيته واقف قصادي و بيبتسم
*اا انت بجد ، يعني ايه اللي جابك ، اقصد حمد لله علي السلامه، انا اتهبلت و لا ايه
  لقيته بيضحك و في لحظه لقيت ناس كتير اتجمعوا حواليه و انا قفلت النوت و كنت ماشيه
+سمعنا أنك هتخطب يا دوك
_و دا اللي هيحصل فعلا ، عشان كدا نزلت مصر
+و مين صحبه الحظ
_هتعرفوا حالا
  فجاءه لقيته وقف قدامي و لقيت ادهم جاي و معاه واحد شكله شيخ
_تتجوزيني ؟!
*....
_يقين تتجوزيني و انا اوعدك مش هسيب ايدك لو الغيمه مطرت
*....
-شكلها مكسوفه ، علي بركه الله يا عبد الله
*ادهم انت بتقول ايه
_صوتك طلع اهه ، ها ردي بقا
*...
_اكتب الكتاب يا شيخنا ، السكوت علامه الرضا
كنت لبسه دريس فضي و خمار اوف وايت ، كتبنا الكتاب في قاعه في المعرض كان محضرها ، ادهم جابلي الدفتر عشان أوقع ، كنت مبسوطه اوي اليوم دا و مكنتش مصدقه نفسي
_مبارك عليا أنتِ
*الله يبارك فيك
لقيته حضني و باسني من جبيني
_تعرفي كان نفسي اعمل كدا من امتي
*احم ، من امتي
_من يوم المكتبه ، لما خرجت من غير قلبي ❤️
*احم ، مينفعش الكلام دا يا حضرت
_انا جوزك يا هانم
*أسفه ، نسيت 😁
و بعد شهر اتجوزنا و ساعدني كتير في اخر سنه
   عرفت أن من ترك شيئا لله عوضه الله خيرا منه ، لما كنت بحبه مجليش اما لما سبته لربنا جالي ، كان عندي يقين كبير في ربنا و ربنا عوضني خير و حاشا لله أن يكسر قلب عبد لجأ إليه
#ولنا_لقاء_آخر🤍
#دعاء_سمير🌚
#استغفروا✨