_اقولك علي سر خطير
*قولي
بهمس_انا اللي قتلت موفاسا
*اقولك علي سر أخطر
_ايه دي لسه جديده ! قول
بهمس *انا اللي هطلقك قريب
_اا ، كدا يا سديم ! انا عارفه انك مبقتش تحبني و انك شوفت واحده غيري ، انا حاسه
*لا إله إلا الله ، كملي ، و أخذ يقلد طريقتها *انا هروح عند ماما و مش قاعده هنا تاني اهئ اهئ اهئ
_سديممممم
*قلبه
_احم ، انا دلوقتي واخده وضع الخناق ، ليه تقولي قلبه و عيونه ، بعد ما نخلص نبقي نحب في بعض ، خليك معايا علي نفس الخط كدا
*من عيوني حاضر ، بزعيق
*عايزه ايه يا مغفره
_هعيط ، والله اعيط و ألم عليك العماره كلها ، بتزعق لي ، بتزعق لمغفره حبيبتك
*يا شيخه منه لله الانفصام اللي بيجيلك دا ، مش انت اللي قولتي هنتخانق دلوقتي
_يعني عايزنا نتخانق ، سأخبر الله بكل شئ ، لم يرفقوا بنا يا رسول الله
*يا بنت الحلال انا عملت لك حاجه دلوقتي ، خلاص حقك عليا
_ابدا ، مش هسامحك ، طلقني يا سديم
*استهدي بالله بس
_بقولك طلقني
*حاضر ، طيب الصبح علي ما المحاكم تفتح
_هتطلقني بعد دا كله ، بعد عشره العمر دي كلها
*يا حبيبتي انا اول مره شوفتك فيها من سنه اصلا ، عمر ايه اللي بتتكلمي عليه
_نسيت كل شئ بينا ، طيب واللي في بطني
*انت حامل يا مغفره؟!
_لا احنا مش لسه واكلين فشار من شويه ، ما هو اكيد في بطني دلوقتي ، طيب سيبك من اللي في بطني مش فاكر طبيخي مره
*الرز الشايط
_سيبك من الرز ، بص علي المكرونه
*معجنه ، و لما حبيتي تعمليها بالبشاميل عملتيها و البشاميل جنبها في الأطباق
_دي أحدث طريقه لعمايل المكرونه ، انت اش عرفك اصلا ، سيبك من المكرونه ، مش فاكر ولا مره غسلت فيها
*نص القمصان لونها اتغير من الكلور
_ وليه تشوف نص الكوبايه الفاضي ، شوف النص التاني
*ما اللي ربنا نجاه من الغسيل اتحرق من المكوه
_اعمل ايه يعني ، المكوه سخنت في ايدي ، ايه اتحرق يعني
*لا ابدا ، فداكي القمصان
_يعني مش فاكر اي شئ حلو ليا خالص
و هو يطبع قبله علي يديها و يضمها إليه *طبعا فاكر ، فاكر أنك أول من سرق قلبي مني ، فاكر أنك بترسمي الضحكه علي وشي وقت حزني ، فاكر إني لو وقعت هلاقي حضنك يساعني، عارف إني يوم ما ازعل هلاقي اللي يطبطب علي قلبي
و هي تضمه _بحبك اوي يا سديم
*قوليلي بقا عايزه ايه ، ايه سبب الخناقه
_اصل ...اصل الصراحه الروايات خلصت و عايزه روايه جديده
*بس كدا من عيوني
_تسلم عيونك حيث كدا بقا هاتلي مملكه البلاغه
*مين ياختي
_مملكه البلاغه يا سديم ، الله هتاخدني تجبلي آيس كريم كمان
*انا نطقت
_ انا قريتها في عيونك
قال ضاحكا*طيب يا ستي قومي البسي يلا
...................و بعد عده اشهر
*خير يا دكتوره طمنيني
+المدام حامل
_بجد يا دكتوره
+ايوه ،حامل في الشهر التاني
*ربنا يبشرك بكل خير يا دكتوره
+بس خلي بالك ، لان الهرمونات عندها ملخبطه، فكون هادي الفتره دي
*قصدك أن هرمونتها كانت كويسه الفتره اللي فاتت دي كلها
و بعد أن ذهبوا للمنزل
*بصي يا بنت الحلال ، انا رايح عند امي ، لما تخلفي و هرموناتك تتظبط ابقي كلميني ، انا مستحمل هرموناتك بالعافيه ، يجي البيه او الأبله اللي في باطنك و يبوظها اكتر ، لما يكبر و يتجوز ابقي كلميني ساعتها
_سديم ، رايح فين
*مش كنت عايزه تطلقي ، يلا علي المحكمة
_لم يستوصوا بنا خيرا يا رسول الله ، ساخبر الله بكل شئ
*اجبلك روايه
_كان خير زوج يا إلهي ، فأرزقه فتاه مثلي حتي تنعم بحبه
و عيناه تجول في المنزل ثم يسقط علي الاريكه
*فتاه مثلك ، يا إلهي
_سديم ، انت نمت من الفرحه ، طيب استني اجبلك البطانيه من جوا لتبرد
.......
#التقينا_صدفه2
#دعاء_سمير
#استغفروا
أنت تقرأ
اسكريبتات ❤🖤
Romansa"أحيانا الكتابة بتكون هي الصوت اللي مش بنقدر نخرجه، هي عبارة عن ضحكة وقت فرح، أو ابتسامة خجل بين اتنين، هى دمعة نزلت بعد فراق، أو عياط من القلب و محدش شافه، الكتابة تنفع في كل الأوقات و كل الأحوال"🖤 #دعاء_سمير
