اسكريبتات ❤🖤

عوضي أنت 💕

_الانسه اللي لبسه خمار أبيض
- 😳انا
_ ايوه،  اتفضلي اطلعي برا
حسيت إني عايزه اعيط او الارض تتشق و تبلعني او اختفي اصلا
*انا وتين في 3 تربيه قسم لغه عربيه،  بحب القراءة و الشعر جدا و دا اللي شجعني علي اني اختار القسم دا
_امتي اخلص المحاضره بقا عشان كميه الذنوب دي يا ربي،  يلا بقا عايزه اكمل باقي الروايه يا ظلمه
وتين بصوت منخفض نسبيا: اخرس بقا مش وقت تفكير خالص ركز ابوس ايدك
عقلها: اركز في ايه، انا مالي ادرس كلام ناس ميته ليه دا حتي حرام نجيب في سيرتهم
وتين: اخرس بقا
"مكنتش واخده بالي إني بفكر بصوت عالي و طبعا الدكتور سمعني و افتكر اني بقوله هو و طبعا برضو منه لله عقلي "

_السلام عليكم و رحمه الله و بركاته
- و عليكم السلام ورحمة الله، حمد لله علي السلامه ، احضرلك الغدا
_شكرا يا ماما اتغديت
دخلت اوضتي و قعدت افتكر الموقف اللي حصل بينا من 4 سنين، موقف عادي بيحصل مع اي حد، ممكن يطلع من المحاضره بس انا منستش، انسي ازاي و انا تفكيري علي طول فيه، بشغل وقتي علي قد ما اقدر و برضو بلاقني تلقائي سرحت فيه، اول مره شوفته فيها لما دخل المدرج، شاب وسيم اكبر مني حوالي 5 سنين غضيت بصري بسرعه و استغفرت كتير بس لاقيت نفسي مشغوله بيه دعيت ربنا كتير انه يحفظ لي قلبي و مقعش في الحب بس للاسف وقعت، فبقيت ادعي انه يكون من نصيبي، و انهارده و بعد 4 سنين ميأستش يوم و لسه بدعي 💔، مش عارفه هشوفه ازاي او ازاي يفتكرني او هنتقابل فين و انا من بيتي للمدرسه اللي بشتغل فيها، بس كل اللي اعرفه ان ربنا مش ممكن يكسر بخاطري ابدا و هيجبرني 🤍
________
مرت الايام و كالعاده اخلص مدرسه و بعدين اروح انام و اقوم اقرأ و اقعد مع مامتي او نتكلم انا و مريم
" مريم صحبتي من ثانوي، بحبها جدا، دخلنا نفس الكليه و مع بعض في المدرسه و باذن الله مكملين مع بعض 💜  "
*عدت الايام و انا بدعي ربنا و في يوم في المدرسه شوفته اه والله مكنتش مصدقه بس الفرحه مبتكملش 💔
"خلصت حصصي اليوم دا و انا مروحه شوفت بنت جميله واقفه قصاد المدرسه روحتلها لان شكلها بدور علي حد
_السلام عليكم ورحمة الله وبركاته 
-و عليكم السلام
_ مستنيه حد يا قمر
بكل براءه- ايوه،  مستنيه بابا بس مش عارفه اتاخر ليه
_ زمانه جي يا حبيبتي  ،  هستناه معاكي عشان متفضليش لوحدك ،  اسمك ايه بقا
- اسمي وتين
_😊 انا كمان اسمي وتين، ايه رأيك تاكلي شوكولاته علي ما بابا يجي
- شكرا يا طنط وتين
_ العفو حبيبتي ❤️
" فضلنا نتكلم و نضحك لحد ما لقيت حد وقف قصادي رفعت راسي لقيته  هو،  متغيرش كتير في ال4 سنين دول زي اول مره شوفته فيها سرحت غصب عني افتكرت انها احلام اليقظه زي ما بيقولوا بس فوقت علي صوت وتين و هي بتمسك ايده
- بابا،  اتاخرت ليه كدا
_ها،  معلش يا حبيبتي الطريق كان زحمه
- شوفت طنط وتين،  دي فضلت معايا عشان مفضلش لوحدي و جابتلي شوكولا كمان
_ احم، اشكري طنط وتين يلا
- شكرا يا طنط،  انا حبيتك اوي
~ العفو يا حبيبه طنط مع السلامه
السلام عليكم ورحمة الله وبركاته 
" مشيت و انا مغيبه،  بتحرك زي العروسه اللي بخيوط،  روحي طلعت مني لما سمعتها بتقوله بابا،  بقا بعد السنين دي اقابله و هو متجوز و مخلف كمان 💔،  وصلت البيت معرفش ازاي،  دخلت اوضتي و اول شيء عملته اتوضيت و صليت و دعيت ربنا،  يا رب انا قلبي وجعني اوي يا رب ريحني و اسعد قلبي،  يا رب انا مش زعلانه و لا معترضه علي قضاءك،  يا رب رضيني يا رب غصب عني دموعي نزلت مش عارفه اذا كانت عشان قابلته و لا عشان حبيته غصب عني و لا عشان قررت انساه بس اللي اعرفه إني ارتحت جدا بعد العياط "
* مرت الايام و قررت انسى بقيت اشتغل كتير حتي اني كنت باخد حصص عن زمايلي عشان مفكرش ابدا،  قابلت وتين تاني بجد حبيتها جدا يمكن عشان من ريحته ،  و في يوم و انا قاعده في البلكونه بشرب قهوه كالعاده و بشوف الغروب
_ يا من هواه اعزه و اذلني كيف السبيل الي وصالك دلني 💔
- الجميل قاعد لوحده ليه
_ 😮 يوسف،  جيت امتي
- وصلت امبارح بليل و قولت اعملهالك مفاجأه
" يوسف دا يبقي خالي و اخويا في الرضاعه،  متستغربوش هو اكبر مني بسنه،  بس هو اكتر من صحبي و اخويا،  بحب اتكلم معاه جدا لانه بيفهمني "
_ عامل ايه و اخبار السفر احكيلي
- امم،  تمام بس المهم انتي، مامتك بتقولي انك علي طول قاعده لوحدك و مبقتيش زي زمان
اتنهدت و رجعت بصيت للشمس تاني
_ زمان،  انا نفسي ارجع زي زمان بس
قول للزمان ارجع يا زمان 💔
- مالك يا وتين،  احكيلي
اتنهدت _ 4 سنين يا يوسف،  4 سنين و انا قلبي وجعني اوي،  غصب عني حبيت،  دعيت كتير والله اني انسي و اني مفكرش فيه،  مكنش بروح محاضرات آخر سنه عشان مشفهوش،  ذكرت و جبت امتياز و اشتغلت مدرسه و لسه منستش،  بقيت ادعي انه يكون من نصيبي و اني اشوفه،  تخيل اشوفه مع بنته،  الاقيه اتجوز و خلف، قلبي وجعني اوي يا يوسف،  حسيت ان الدنيا ضلمت قدامي ساعتها، طلع الحب صعب اوي و بيوجع 💔 لقيت دموعي نازله و دقات قلبي بقت عاليه لدرجه اني سمعاها،  الهوا بقا بارد
- دا كله في قلبك و ساكته،  مكلمتنيش ليه،  يمكن اقدر اساعدك
_ معرفتش اكلمك،  او مكنش فيا حيل اكلم حد و لا احكي لحد،  مسحت دموعي
_ المهم سيبك مني،  مش ناوي تفرحنا بيك
- اممم،  عندك عروسه حلوه
_ انا منفعش 😅،  ربنا يجازيكي خير يا تيته لازم يعني تخلفك،  لا و يا ريتها سكتت لازم ترضعني معاك،  يعني بكل المقاييس مش هينفع
- هههههههههه
_ انت مش ناوي تتنقب
- ها،  اتنقب ازاي يعني
_ يا بني انت فتنه والله،  مينفعش تمشي كدا اصلا، دا لو واحده شافت ضحكتك دي هتاخد ذنوب بسببك قد كدا 😅
- هههههه،  يعني معندكيش عروسه
_ لا و دي تيجي برضو،  عروستك متشاله متقلقش
- خلاص علي خير إن شاء الله  ،  خليها تأخد معاد من والدها عشان نعمل رؤيه شرعيه
_ من عيوني،  مبارك ،  يلا ندخل لان الجو بارد و انت عارف مناعتي ضعيفه
- يلا ياختي
" فرحت لما حكيت ليوسف و فرحت اكتر لما عرفت انه هيتجوز هو و مريم،  معنديش اغلي منها عشان ادهاله،  اكتر اتنين بحبهم هيتجوزوا انهارده  خلاص 🤍 "
* مريم اخدت اجازه من المدرسه عشان جوازها،  و بقيت انا اللي شايله حصصها،  و في يوم لما رجعت من المدرسه
_ السلام عليكم ورحمة الله وبركاته  ،  عامله ايه يا امي
- و عليكم السلام ورحمة الله وبركاته  ،  الحمد لله يا وتين ،  اقعدي عايزاكي
_ خير يا ماما
- في عريس متقدملك و جي كمان يومين عشان يشوفك و مصمم انه يقبلك
_ حاضر يا ماما،  هصلي استخاره واللي في الخير يقدمه ربنا
- ربنا يريح قلبك وبالك يارب و يرزقك بابن الحلال اللي يسعدك
_ يا رب يا ماما،  عن اذنك
" يمكن دي اول مره اوافق اني اقابل عريس،  بس هرفض ليه ما خلاص،  صليت استخاره و حسيت براحه غريبه و قلبي هدى،  حسيت إن قلبي سكن مكانه و مبقاش بيوجعني،  جه يوم الرؤيه و كنت متوتره لانها اول مره "
_السلام عليكم ورحمة الله وبركاته
- و عليكم السلام ورحمة الله وبركاته
"صوته مش غريب،  فوقي يا وتين و اهدي و بطلي تفكير بقا،  رفعت راسي و شوفته،  كان قاعد بيبتسم و بيبصلي،  قلبي اتهز لحظتها" 
_ ااا،  حضرتك ازاي هنا و بتعمل ايه
- جي اخطبك
_ بس ازاي و حضرتك متجوز
- هقولك كل شيء  بس اهدي و هفهمك
« انا يونس،  دكتور في الجامعه و عندي شركه والدي بشتغل فيها حاليا،  والدي و والدتي متوفين،  اما بخصوص متجوز دي ، 
ابتسم،  وتين تبقي بنت اخويا،  بس بتقولي بابا،  لان والدها اتوفي و مامتها حامل فيها و انا من يومها و انا باباها،  تحبي تسألي اي سؤال  » 
" في الوقت دا كنت حاسه نفسي طايره من الفرحه،  الدنيا بقت وردي و المكان اتملئ فرشات "
_ اه ظلمتي الواد اهه و فضلتي تقولي هنسي هنسي و انتي واحده مهزأه اصلا، فين الاسترونج اندبندت وومن هه راحت فين
- اخرس بقا
~ اخرس،  تاني يا وتين
- 🤦🏼‍♀️ مش انت والله
~ هنكتب الكتاب امتي
- ها،  يا بابا 
" جريت علي برا و انا رجلي مش شيلاني من الكسوف،  الايام عدت ببطئ لحد يوم كتب الكتاب،  اصل انا قد كلمتي و موفقتش،  تؤتؤ انا وافقت بالثلث كمان و مش هنعمل فتره خطوبه كتب كتاب علي طول "
« بارك الله لكما وبارك عليكما وجمع بينكما في خير»
_ مبارك عليا انتي يا وتيني
- الله يبارك فيك
_ تعرفني انك دعوتي من 4 سنين،  في قيامي و صيامي كنتي انتي دعوتي،  سميت وتين علي اسمك عشان منساكيش ابدا
- ااا،  حضنته و انا مش عارفه عملت كدا ازاي،  عيوني دمعت من الفرحه و دي اول مره من سنين
_ ربنا يباركلي فيكي
- و يباركلي فيك
_ ايه حكايه اخرس بقا
- دا موضوع يطول شرحه 😅😅

" كنت الداء لقلبي و الدواء،  فكلما اردت الشفاء منك تقربت منك اكثر 🤍"

♕رأيكوا يهمني 🥺

#عوضي_أنت 💕
#بقلمي_دعاء_سمير💞