اسكريبتات ❤🖤

عوض أيامي ✨🖤

_بكرا تتجوزي و مش هتعمري في بيتك ، و لما يجيلي انا اللي هخليه يكسر رقبتك قدامي
*بعياط: بس انا معملتش حاجه لدا كله ، كل دا عشان مسلمتش عليه
_و انت هتطلعي لي بدين جديد ، دا الراجل قد ابوكي شايفه نفسك حلوه اوي عشان الناس تبصلك ، دول بيسلموا عليكِ تأديه واجب بس مش اكتر مش عشان سواد عيونك ، اختفي من قدامي الساعه دي بدل ما اقوم اكسر عضمك
*بس دا مش دين جديد دا..
_قولت قومي عشان مقومش اموتك دلوقتي
  قومت بصعوبه مش عارفه رجلي شالتني ازاي ، عرفت الطريق لوحدها ، لأوضتي اللي شاهده علي كل كسره قلب حصلتلي، هو ليه كل المشاكل دي مكنتش بتحصل ايام ما كنت بعيد عن ربنا ، بقا الناس تحارب اللي يقرب منه و كل ما تبعد عنه تبقي محبوب بزياده ، يعني سبت الاغاني بقيت ست الشيخه ، صليت ال٥ فروض بقيت إرها**بية ، رحت المسجد يبقي انت متحالف مع الجماعات ، بقينا في وضع صعب جدا ، كل اللي حصل دا عشان مسلمتش علي ابن عم والدي ، الدنيا قامت و مش هتعد، ازاي اعمل كدا و انا اصغر منه بسنين ، جرحت رجولته ، يمكن يتعلم أنه ميسلمش علي حريم تاني ، لو علي النيه الحسنه فالنبي صلوات ربي و سلامه عليه كان اطهر البشر ، و مع ذلك مكنش بيسلم ، يبقي الموضوع مش موضوع نيه ، دا دين و منهج المفروض نمشي عليه ، عيطت كتير اوي ، حسيت بوجع اوي في قلبي اللحظه دي ، حسيت انها اخر لحظاتي، نمت من كتر العياط و حسيت اني مش هقوم تاني ، صحيت علي أذان الفجر ، كان صوت المؤذن لسه جديد اول مره اسمعه ، بس حسيت أن صوته بيعيط مش بيأذن ، قومت صليت و قرأت قرآن و لبست عشان الكليه
_رايحه فين يا ابله
*رايحه الكليه لان عندي محاضرات مهمه
_ كليه ايه اللي ريحاها، انت مفكره نفسك هتفلحي، فكرك أن دا التعليم ، التعليم انك تطبخي و تعرفي تقبلي ، مش تعملي فيها شيخه و تقولي مبسلمش..... قال جملته الاخيره باستهزاء واضح ، كتمت دموعي و نزلت ، لقيت دموعي نزلت لوحدها بمجرد ما قفلت الباب ، نزلت و مبقتش شايفه قدامي كنت هقع و انا نازله في طرف الفستان
=حاسبي ، انت كويسه
_...
لقيت صوت حد فوقني قبل ما اقع ،  رحت الكليه ، كنت فاقده تركيزي في اليوم دا بس كنت بحاول استوعب ، خلصت وانا مروحه حسيت بصداع جامد و دوخه
قعدت علي كرسي في الطريق علي ما اكون كويسه
_متعيطيش يا حبيبتي ، انت عملتي اللي عليكِ
*ب بس انا نقصت ٣ درجات و انت هتضربيني
_انا اضربك يا أروي ، و بعدين انت ممتازه و المره اللي الجايه هتجيبي الدرجه النهائيه باذن الله
حضنتها* انا بحبك اووووي يا ماما
_و انا بحبك يا روح ماما ، عايزه ايه بقا حلو بمناسبه الامتحان
*احم عايزه العروسه اللي شوفناها اول امبارح في المحل
فتحت شنطتها _و هو كذلك ايه رأيك بقا
*بحبك اووووي
  سمعت الحوار اللي كان بينهم ابتسمت تلقائي بس بعد لحظات حسيت بوجع جامد في قلبي لما افتكرت طفولتي
_بابا ، انا جبت ١٨ من ٢٠ و المدرسه قالت شاطره
*و مين جاب الدرجه النهائيه
_٣ من الفصل
*و انت متجبيهاش ليه ، ناقصه ايد و لا رجل
_بس في كتير ناقصيين
*مش مهم ، انت مش شاطره في حاجه غير في الأكل و النوم بس
_ي يعني مش هتجبلي هديه زي صاحبتي
*هديه هه علي ايه علي فشلك
    دمعه نزلت غصب عني و في الوقت دا كان دماغي وجعني جامد ، مسكت رأسي بألم و غمضت عيني لعل الصداع يخف شويه
_مالك حبيبتي ، انت كويسه
*ايوه
_دماغك واجعك
*صداع جامد و دايخه
_اكلتي طيب
    سؤالها محدش بيسألهولي إلا إسراء بس ، محدش مهتم باكلي و حتي انا
*لا
_يبقي دا اللي مخليكي حاسه بدوخه
  طلعت بسكوت من الشنطه و مايه و صممت اني اكله
_دلوقتي احسن
*ايوه ، شكرا ليكِ
_علي ايه يا قمري ،  اسمك ايه بقا
*افنان ، و حضرتك
بضحك _ حضرتي آيه ، انا تقريبا  عمرك بس اتجوزت في الكليه
* عاشت الاسامي ، بنتك ؟
_ايوه ، أروي
  حبيتها اوي من اول ما شوفتها ، النقاب منور وشها و حسيت ليها بالقبول ، فضلنا نتكلم لحد ما حد جه اخدها، ممكن يكون جوزها ، مشيت روحت و دخلت اوضتي تفاديا لحدوث أي مناقشات ....
مرت الايام و نفس اللي بيحصل ،  نقد دائم بينتهي بجمله "ابقي قابليني لو نفعتي"
_بابا انا نازله
*علي فين العزم
_عندي تسميع مع المعلمه و بعدين درس في المسجد
*ما هو دا اللي دمر دماغك
  نزلت و لاول مره معيطتش ، خلصت التسميع و المعلمه اعتذرت عن الدرس ، حبيت اتمشي شويه ، كلمت إسراء لأنها مجتش الكليه بقالها اكتر من اسبوعين عشان نتمشي مع بعض ، هي اللي بتهون عليا و تطبطب علي قلبي من كل اللي انا فيه
_ السلام عليكم ورحمه الله وبركاته ، عامله ايه يا ياسو
*الحمدلله يا قلبي ، انت اخبارك ايه
_كويسه ، فاضيه نتقابل
*انا حاليا رايحه عياده الاطفال ، ممكن بعدها
_ليه في حاجه
*آدم يا ستي سخن و تعبان
_طيب انا هجيلك انت فين
*متتعبيش نفسك
_تعب ايه بس ، انت فين
*خلاص قربت اوصل عياده """
_تمام هقابلك هناك
   وصلت و اتقابلنا ، أدم اللي كان منعها من نزول الكليه ، هي اكبر مني بسنه بس احنا صحاب جدا ، معرفتش غيرها ، لأنها ماليه ايامي و كافيه قلبي بوجودها ، و احنا قاعدين في الاستراحه لقيت بنت صغيره جايه عليا و مامتها معاها
_افنان صح ، عامله ايه ، مش فكراني
* آيه ، حضنتها اوي ، أنا كويسه انت اخبارك ايه
_الحمد لله بخير ، أنت عندك حد تعبان
*ابن صحبتي و انا جايه معاها ، انت هنا ليه
_الست أروي مغلباني و مش بترضي تأكل و دا بيأثر علي تركيزها
*الف سلامه عليها ، فرحت اوي اني شوفتك تاني
+السلام عليكم ورحمه الله ، خلصتي يا أم أروي عشان نمشي
   كان صوت شاب ، تقريبا نفس اللي كان معاها المره اللي فاتت ، بس صوته مش غريب عني سمعته قبل كدا ، بس فين مقدرتش اعرف
_ايوه، مع السلامه يا افنان
*هتوحشيني
   حضنتها و اخدنا ارقام التلفونات و مشيت ، كشفنا علي آدم و اتمشينا و اتكلمنا كتير ، و زي كل مره كلامها بيطيب بخاطري و يجبرني، روحت اليوم دا كان كويس و عدي علي خير ، بس اللي شغلني سمعت صوت الشاب دا فين ، بس  عرفت دا نفس الشاب اللي نبهني قبل ما أقع ، مفكرتش كتير و نمت ..... جت الامتحانات و عدت علي خير الحمد لله و اتخرجت
_ هتفضلي قاعده لي كدا كتير ، مش هتتجوزي
*لما نصيبي يجي هتجوز
_و هو حد هيبصلك و انت عامله فيها ست الشيخه
*عمر الطاعه ما تمنع رزق ، و الجواز رزق
   بقيت بملئ وقتي بالقرآن ، كنت علي تواصل مع آيه و حبيتها اكتر من الاول ، كنت برفض عرسان كتير لانهم مش زي ، طريقتنا مش زي بعض لحد ما بابا في يوم ....
_جايلك عريس انهارده بليل و أنا موافق و هتفق علي كتب كتاب علي طول
*بس لازم اشوفه و اقعد معاه
_بدل ما تحمدي ربنا أن حد بيبصلك قاعده تتشرطي عليا ، مفيش مجال للنقاش
   حتي الجواز ، يا رب ، اللهم اني وكلتك أمري فيسره لي و لا تخيب فيك رجائي ، صليت استخاره و حسيت اني هاديه ، لبست دريس كحلي و خمار اوف وايت و أخدت العصير و طلعت

_السلام عليكم ورحمه الله
*و عليكم السلام ورحمه الله وبركاته
_انا أيان ، مهندس، ٢٧ سنه ، حافظ لكتاب الله بفضل الله ، والدي و والدتي متوفيين مليش غير أخت واحده متجوزه و جوزها مسافر فأنا اللي برعاها
*انا افنان ، ٢٣ سنه ، خريجه علوم ، لسه بحفظ القرآن بس للاسف مختمتش
_باذن الله نعين بعض و تختمي قريبا
*باذن الله
   حسيت بقبول ، ضحكت من جوايا قال يعني لو رفضت حد هيسمعني ما هو اكيد هتجوزه، اتفقنا علي كتب كتاب كمان شهر و الفرح بعدها باسبوعين ، طلع اخو آيه ، اتفجئت اوي لما عرفت ، طلعت هي اللي رشحتني ليه ، و طلع ساكن معانا في نفس العماره من حوالي ٦ شهور ، كل حاجه تمت بسرعه ، اتجوزنا و كان كويس جدا معايا و بيعاملني بكل موده و رحمه ....
_خلصتي الاكل يا أفنان ، واقع من الجوع
*ايوه ، ثواني و هيكون عندك
    طلعت الاكل و انا بحط الشوربه وقع الطبق مني علي الارض
* اا انا اسفه همساحها بسرعه
_ يعني القميص اتحرق و قولت ماشي ، المكرونه عجنت و عدتها ، حتي تجهيز السفره ، الظاهر أن عمي ضحك عليا ، انا هقوله خد بنتك و هاخد فلوسي
*اا انا مكنش قصدي والله ، انا اسفه بجد ، بالله عليك ما تقوله ، انا وقعتها غصب عني ... قعدت مكاني و فضلت اعيط و كل اللي بيتردد في دماغي "بكرا تتجوزي ومش هتعمري في بيتك ، و لما يجيلي هخليه يكسر رقبتك " جسمي بيتنفض ، لقيته حاضني و فضل يمسح علي شعري
_انا كنت بهزر معاكِ والله ، انا عمري ما كنت هعمل كدا ابدا ، انت بقيتي بتجري في دمي يا أفنان عمري ما هفرط فيكِ ابدا ، مهما حصل ، انا كنت بضحك معاكي مش اكتر و مهما كان بينا مش هروح اقول لوالدك ، لانك دلوقتي بقيتي مراتي و بنتي ، شوفتي اب يشتكي من بنته لحد تاني ، أهدي بقا و بطلي عياط ، كدا الراجل هيطفش و يتجوز
      حسيت بالأمان ، كان كلامه قادر يسكن كل وجع في قلبي ، حسيت بعوض ربنا اوي ، كل كلمه اتقالت قبل كدا اتبخرت مع كلامه ، هديت و العاصفه اللي في قلبي هديت ، و سكنت مكاني
_انت نمتي ولا ايه
*انا أسفه
_ بس ، محصلش اي حاجه لدا كله اصلا ، قومي البسي و تعالي نتغدي برا
* بس الأكل جاهز
_يستني في التلاجه
  خرجنا و أكلنا برا ، وداني الملاهي و دخلنا السينما اتفرجنا علي فيلم كرتون ، و في الآخر رحنا محل ملابس اشتري لي ادناء بالنقاب بتاعه ، انا كنت طايره في السما أول ما شوفت النقاب حقيقي ، انا بقيت فراشه في بستان حبه ، فعلا العوض بيجي بالطريقه الأكثر استحاله ... عرفت بالصدفه أنه حلم بيا مره قبل جوازنا ، يوم ما سمعت المؤذن كان صوته ، كان ساب شغله و يومها حلم بيا و انا كمان في اليوم دا حلمت بيه ، بس وشه مكنش واضح ، كان مشوش بالنسبه لي ، ايان كان عوض عن كل شئ في حياتي
"ويأتي العوض بطريقة أكثر استحالة، ليُلاشي ما قد تسرب من شبح اليأس، ويُعيد بريق الأمل من جديد."

*رأيكوا يهمني جدااااا 🤭
#عوض_ايامي🦚
#استغفروا❤️
#دعاء_سمير🌨️