Haunted House 2: The Forest (COMPLETED)

CHAPTER 1 - SHORT CUT

ODETTE'S P.O.V

Hapon na at pauwi na kami ni Pearl, dito kami dumaan sa may short cut.

Nakakatakot nga lang dahil ang daming puno at ang tataas pa. Medyo madilim na rin kasi palubog na yung araw.

Mas mabilis daw kung dito kami dadaan, pero kanina pa kami nag-lalakad at hindi pa rin kami maka-alis dito.

Walang mga bahay bahay ang makikita sa paligid, puro mga puno.

Tuluyan na nga kaming inabot ng dilim dito, natatakot na ako sobra, tanging liwanag lang ng buwan ang nag-bibigay ng liwanag sa amin para makita ang daan.

Napaka-tahimik ng buong paligid.

"Pearl malapit na ba tayo? Kanina pa tayo dito, natatakot na ako." Sambit ko.

Tahimik lang sya at patuloy lang kami sa pag-lalakad.

Parang may kakaiba, hanggang sa —

.
.
.

HAILEY'S P.O.V

Nandito ako sa kwarto ko at nakahiga. Gabi na naman, hindi ko pa din malimot limot yung mga nangyari nung gabing 'yun. Akala ko mamatay na ako pero ito buhay pa din, mahigit isang taon na rin.

Iniisip ko, paano kaya kung maulit yun? Mabubuhay pa kaya ako. S'yempre hindi na yun mauulit, kalokohan.

Pero nakakatakot, nakakatakot yung mga nangyari sa'min, nakita mo kung paano mamatay yung mga kasama mo sa harap mo.

Ayokong maulit yun.

Bakasyon nga ngayon at wala kaming mga pasok.

Nagpaplano sila kung saan magandang pumunta, ewan ko nga kung sasama ako eh. Nag-iisip pa ako at saka nagpaplano pa lang naman sila.

Nag open na lang ako sa messenger dahil wala akong magawa.

"Babe? Tulog ka na ba?" Message ni Kaizer sa'kin.

"Hindi pa, ikaw tutulog ka na? kumain ka na ba?" Reply ko naman sa kan'ya.

"Hindi pa rin at kakatapos ko lang din kumain, Ikaw?" Tanong naman n'ya.

"Oo kanina pa." Sagot ko.

"Babe, sasama ka ba?"  Tanong ulit n'ya.

"Saan?"

"Mag-babakasyon daw tayo doon sa lola nina Kai, sasama ka ba? Sina Red at Aiden kasama, pati yung iba." Reply n'ya na ikinagulat ko.

"Kailan daw ang alis?"

"Sa Monday na, ipagpapa-alam kita kay na Tita, sigurado naman akong papayag sila, hindi lang naman ito ang una nating napuntahan, ang dami na nating nagalaan at pinayagan ka naman 'di ba." 

"Ah sige, sasama ako."

"Bukas pupunta ako d'yan, mamili na rin tayo ng mga dadalhin natin, pati yung ibang mga ka-kailanganin natin." Reply pa n'ya.

"Sige, saan ba tayo doon? Anong gagawin natin pag-dating?" Tanong ko pa.

"Sabi nila camp daw sa tabi ng ilog, overnight daw doon sa gubat, parang kagaya nung pinuntahan natin."

"Ahh okay, may ilog pala doon."

"Yup, kaya mag ready ka na, excited na akong makita ka tomorrow, good night babe! I love you so much!" Paalam naman ni Kaizer.