ERI'S P.O.V
Agad kong iminulat ang mga mata ko at laking gulat ko na lang ng bukas na ang ilaw sa kusina.
"Ayos ka lang?" Tanong ni Cohen na ikinagulat ko, hindi naman agad ako nakasagot.
"A-ah oo."
"Kanina ka pa kasi nakatulala at ang putla mo, nakakita ka ba ng multo?" Tanong pa n'ya.
"Ah wala, kanina ka pa ba?" Pagtatanong ko rin sa kan'ya.
"Medyo, nagising lang ako kasi na iihi ako." Sagot naman ni Cohen.
"Ah sorry natanong ko pa."
"Hindi, okay lang 'yun." Si Cohen.
"Kakagising mo lang? Ibig sabihin hindi ka kumatok kanina sa kwarto?" Pagtatanong ko pa.
"Ha? Kumatok? Hindi ako kumakatok doon a, simula kanina pagkatapos nating kumain di na ako lumabas ng kwarto." Sagot naman ni Cohen at nagtataka.
Napaisip naman ako, kung hindi si Cohen 'yun, sino kaya yun? Sino yung nakausap ko? Yung nakausap ni Jeralene?
"Okay ka lang ba talaga?" Tanong pa ni Cohen.
"Ah oo, bagong gising lang din kasi ako, baka napanaginipan ko lang 'yun kanina." Sabi ko naman.
"Ah, ano palang gagawin mo dito?" Tanong p n'ya.
"Uminom ako ng tubig."
"Uminom? E wala ka namang ginamit na baso, pagbaba ko dito nakatulala ka na, sige na nga uminom ka na d'yan, nahihibang ka na 'yan." Biro naman ni Cohen.
Pero nakainom na ako kanina 'di ba.
Uminom na lang ulit ako, 'yung basong ginamit ko kanina, nandoon pa din sa pwesto n'ya, ano bang nangyayari?
"Tara na, sumabay ka na sa'kin." Sabi naman ni Cohen.
Kaya ayun sumabay na nga ako hanggang sa makarating na ako sa kwarto namin. Tulog pa din yung mga girls. Humiga na ako at sa pagkakataong ito, dinalaw na ako ng antok.
.
.
.
RUTH'S P.O.V
Bigla akong nagising dahil nakaramdam ako ng lamig. Agad kong kinuha yung cellphone ko para tingnan kung anong oras na, alas tres na pala.
Matutulog na sana ako kaso yung kumot ko wala, nalaglag pala.
Sinilip ko muna yung kumot sa gilid ng higaan at laking gulat ko ng makita ko yung sunog na kamay, may kung ano sa ilalim ng higaan ko na ikinatakot ko.
Agad akong kumurap at agad yung nawala, hindi ko alam kung anong meron sa ilalim.
Dahan dahan akong dumapa sa higaan ko, sisilipin ko kung ano 'yun. Dahan dahan akong sumilip pero wala naman, guni guni ko lang siguro 'yun.
Agad kong kinuha yung kumot at laking gulat ko na lang ng may humawak sa kamay ko. Yun 'yung sunog na kamay, agad naman akong hinila nito kaya nalaglag ako sa higaan.
Nasa ilalim pa rin s'ya ng higaan, sunog 'yung mukha n'ya at nanlilisik 'yung mga mata.
Agad kong ipinikit ang mga mata ko at sumigaw.
"Aaaaaaahhhhh!" Malakas kong sigaw.
"Gumising ka nga! Hoy!" Boses ni Lily na ikinagulat ko at napabangon ng wala sa oras.
"Multoooo!" Sigaw ko ng malakas at napaupo ako mula sa pag kakahiga.
"Huh? Anong sinasabi mo? Multo?" Kunot noong sabi ni Akisha.
YOU ARE READING
Haunted House 2: The Forest (COMPLETED)
HorrorHindi pa natatapos ang lahat, imposibleng maulit yung mga nangyari dati pero posible ding maulit yun. Napag-planuhan nyong mag-bakasyon at sa gitna pa ng kagubatan. Hindi kayo ligtas kahit saan. May papatay sayo o ikaw ang mamamatay. Iaalay ka lang...
