Haunted House 2: The Forest (COMPLETED)

CHAPTER 13

AIDEN

Biglang namatay yung tawag, kaya agad tumawag si Jeralene kay na Hailey, pero walang signal doon sina Hailey.

"Kailangan nyo ng umalis dito, iaalay nila kayo sa demonyo at bukas ng gabi yun magaganap bago mag hating gabi." Si Yuna.

"Ibig sabihin totoo yung sinasabi ni Angela, yung kinuha yung mga kaibigan nya, tapos ngayon tayo naman yung balak nilang kunin." Ako.

"Kailangan nating bumalik doon at pigilan ang masama nilang balak." Si Jeralene.

"Pero madaming mapapahamak sa inyo." Si Yuna.

"Kung sana sinabi mong mangyayari to, walang mapapahamak!" Sigaw ni Jeralene kay Yuna kaya natahimik naman si Yuna.

"Kumalma ka Jeralene." Si Kai.

"Kumalma?! Anong kumalma? Halos mamatay kami ni Aiden dito dahil sa Yuna na yan, kakalma pa, ngayon lahat tayo nasa panganib na, sina Hailey nasa panganib doon, nag hiwalay hiwalay pa sila! Isa ka pa eh, bakit ba hindi nyo sila sinama dito, bakit sinabi mong mag-hintay sila doon?! Jusq naman!" Sigaw ni Jeralene kay Kai at kitang kita yung panginginig sa kamay ni Jeralene.

Hahawakan na sya ni Kai pero agad lumayo si Jeralene at lumapit sya samin ni Red.

"Wag mo nga akong hawakan! Akala ko magiging maayos na, pero malaking gulo pala tong nangyayari!" Sigaw ni Jeralene.

"Sige, kasalanan ko na, sa tingin mo ba gusto ko tong nangyayari?" Si Kai.

"Bakit? Ako yung may kasalanan? Ako ba? Diba hindi? Bakit sakin mo tinatanong? Itanong mo dyan kay Yuna, gagawin pa kaming pain, para iaalay sa mga demonyo demonyo na yan!" Galit na sabi ni Jeralene.

"Kasabwat kasi yang si Yuna nung Pearl na yun, lahat tayo pinahamak nyan! Niloloko lang tayo nyan at tama nga yung sinabi ni Darius, nasaan na ngayon si Darius, wala diba? Hindi pa yun nakakauwi dahil kinuha na din yun nung mga lalaki!" Pagpapatuloy pa ni Jeralene.

"Yuna, pumunta tayo doon sa sinasabing bahay doon sa may shortcut, sigurado akong doon nila dadalhin yung iba, gagawa tayo ng paraan." Si Kai.

Tumango naman si Yuna at umalis na nga sila. Nag simula namang humagulgol ng iyak si Jeralene.

"Wag ka ng umiyak, alam ko hindi pa huli ang lahat, gagawa din tayo ng paraan, pero sa ngayon, kailangan muna nating mahanap sina Lily." Ako.

"Si-sige." Si Jeralene at pinunasan ang luha nya.

YUNA

Sobra na tong nangyayari, matatapos din ang lahat at kasama ako doon. Pero hindi ko muna iisipin yun. Kailangan namin silang mapigilan.

"Sorry pinahamak ko kayong lahat." Ako.

"May kasalanan din ako." Si Kai.

"Ano ng plano mo sa girlfriend mo?" Pang aasar ko.

"Aisshh, galit lang yun, magiging okay din kami, sa ngayon kailangan muna nating mag plano, magiging okay lang naman si Jeralene doon, kasama naman nya sina Aiden at Red." Si Kai.

"Paano tayo makakapunta doon sa may shortcut? May malapit ba tayong pwedeng daanan?" Pag iiba ng usapan ni Kai.

"Oo may alam akong daan." Sagot ko.

"Kailangan nating mailigtas yung mga nandoon, tapos susunugin natin yung buong bahay na yun." Si Kai.

"Hindi magiging madali yun." Ako.

"Oo alam ko, pero susubukan natin." Si Kai.

Napatango naman ako.

HAILEY