Haunted House 2: The Forest (COMPLETED)

CHAPTER 3

ANGELA

Nandito na kami sa may tapat ng mataas na gate. Naka-padlock yun kaya hindi ko alam kung paano kami makakapasok. Aakyat na lang siguro, pero hindi parin nawawala yung kaba sa dib-dib ko.

"Aakyat tayo, ako na mauuna." Si Calvin.

"Pano pag dumating yung lalaki?" Ako. Kabadong kabado ako.

"Kaka-alis pa lang nya, wag kang kabahan, parang hindi tayo umaakyat sa bakod ah, parang magnanakaw lang tayo." Si Calvin.

"Pero iba to eh-" Ako.

"Makinig ka Angela, parang kagaya lang to ng ginagawa natin nina Lester, nag-nanakaw tayo, aakyat sa bakod, lalaban, makikipag-bugbugan kung kina-kailangan." Si Calvin.

Oo ganon yung ginagawa namin. Nag-aakyat kami sa mga bakod, nag-nanakaw, sanay din kami makipag-away. Sanay kami sa takbuhan pag hinabol kami ng mga pulis. Pero yun parang wala lang, pero dito kinakabahan ako sobra. Hindi naman kami pumapatay, nananakot lang. Parang binalik yun samin. Lalo na kagabi.

Pero sa ngayon kailangan muna naming maka-alis lahat dito.

Nag-simula na ngang umakyat si Calvin.

Aakyat na sana ako pero sa di kalayuan isang babae yung papalapit sa akin.

"Sino ka?" Sino kayo?!" Sya at biglang taas ng boses na mas ikinaba ng dib dib ko. Hindi naman sya matanda, hindi naman sya bata, kasing edad ko lang din.

"Nasaan yung mga kaibigan namin?" Pagtatanong ko.

"Ahh, kayo pala yung nakatakas, pwes ngayon hindi na kayo makakatakas." Sabi nya na ikinagulat ko, bigla syang nag-labas ng pocket knife. Hindi pa ako nakakaranas ng ganto pero sina Calvin, oo yata.

Hanggang pananakot lang ako at pang-tututok ng pamalo. Pero iba na to.

"Angela tumakbo ka na!" Rinig ko pang sigaw ni Calvin. Pero nabato lang ako sa kinatatayuan ko. Si Calvin sinusubukan naman nyang tumaas pero hindi ko na alam

Bigla ko na lang hinawakan yung kamay nya at pilit na inaagaw yung pocket knife sa kanya. Pinipigilan naman nya akong gawin yun kaya agad ko syang tinulak dahilan para matumba sya. Tuluyan na ngang naka-akyat si Calvin at agad syang lumapit sa akin. Sakto namang nandyan na din yung lalaking kumuha kay na Lester kagabi.

"Angela tumakbo ka na, humingi ka ng tulong at bumalik ka dito." Mahinang sabi sakin ni Calvin kaya mabilis akong tumakbo papalayo sa kanila.

Hindi ko na alam kung anong nangyari sa kanila basta tumakbo na lang ako ng mabilis.

CALVIN

Tuluyan ng nakalayo si Angela, nagulat na lang ako ng may pina-amoy na kung ano yung lalaki at tuluyan na akong nawalan ng malay.

HAILEY

Hapon na at nandito na nga kami, ang laki ng bahay ng lola nina Kai. Baka bukas siguro kami pumunta doon sa may ilog. Pahinga muna ngayon.

"Magandang hapon po Lola." Si Kai at nag-mano, kaya isa isa na kaming nag-mano sa kanya.

Kakaunti lang ang bahay dito at malayo ito sa labasan kung nasaan ang ang palengke na tinatawag nilang bayan. Syempre hindi maiiwasan ng mga tao na mag-tinginan sa amin kasi bago lang kami sa mga mata nila.

Pinapasok na nga kami ng lola ni Kai at ayun, sabay sabay kaming kumain at nag-usap usap para sa gagawin bukas. May mauuna na samin sa ilog, kasi yung iba pupunta pa sa bayan para bilhin pa yung ibang mga pagkain. Sina Red, Owen, Bryson at Dylan. Si Dylan na lang yung babaeng sasama sa kanila.