Haunted House 2: The Forest (COMPLETED)

CHAPTER 6 - ALAY

RED'S P.O.V

Nandito na nga kami sa kabilang bahay nung lola ni Kai. Mamaya pa kami pupuntang palengke ang lakas pa kasi ng ulan e.

Baka gabihin na rin kami ng uwi kasi hihintayin pa namin 'yung makakasama nung lola ni Kai dito. Mga pinsan n'ya yata 'yun saka Tito. Hindi ko alam, basta 'yun 'yung napakinggan ko e.

Malakas 'yung signal dito pero hindi ko pa rin ma message si Aiden. Kasi mahina yung signal n'ya at hindi pa rin s'ya makaka reply.

Naboboring na ako.

Pero yung naka chat ni Kai na Yuna, buti may signal 'yun. Nakapunta na naman siguro 'yun doon kay na Aiden.

Maganda din yung bahay dito, pero mas malaki 'yung doon.

.
.
.

CALVIN'S P.O.V

Sobrang lakas ng ulan at nandito ako sa loob ng isang kwarto. Nakatali ang mga paa at kamay ko. Nakapiring din ako at may masking tape yung bunganga ko.

Naramdaman kong may pumasok dahil narinig ko 'yung mga yabag nito at naramdaman ko 'yung papalapit sa akin.

Agad s'yang lumapit at sinimulang tanggalin yung piring sa mga mata ko at masking tape sa bibig ko. Hanggang sa tuluyan ko na nga s'yang nakita.

Babae s'ya at may dala s'yang pagkain.

"Papakainin kita kay-" Hindi n'ya natuloy ang sasabihin n'ya nang mag salita ako.

"Papakainin mo pa ako e, papatayin n'yo din naman ako 'di ba? Bakit hindi n'yo na lang gawin 'yun." Kunot noo kong sabi

"Sorry, pero hindi pa ngayon yung araw e, 'yung mga kaibigan mo nandoon sa basement, huwag kang mag alala dahil lahat kayo mamatay, iaalay namin kayo sa demonyo at susunugin namin kayo ng buhay." Sabi nito na ikinagulat ko.

Anong ibig niyang sabihin? Iaalay nila kami sa demonyo?

"Huwag lang kayo manlaban para hindi kayo masaktan, pero kung gagawa kayo ng hindi maganda, mauuna ko na kayong patayin bago pa namin kayo ialay." Nakangising sabi nito.

"Sa Biyernes pa naman 'yun mangyayari, bago mag alas dose ng hating gabi dapat na ialay na namin kayo, sampung tao lang naman 'yung kailangan namin, anim na kayo at apat na lang ang kulang, pero mas maganda kung madami kayo." Sabi pa nito na ikinagalit ko.

"Nawala na ako sa mood pakainin ka, kainin mo na lang 'yan kung kaya mo, ako pala si Rebecca." Pagpapakilala n'ya at lumabas ng kwarto habang natawa.

May pagkakataon pa kaming tumakas kung sa biyernes pa 'yun mangyayari, dahil martes palang ngayon.

Nasa basement lang naman sina Lester pero, sabi n'ya anim daw kaming nandito. Ako, si Lester, Jhiciel, Cleo, Harvey. Sino yung isa, hindi kaya si Angela 'yun? Shit.

Mahihirapan din kaming lumabas dito, dahil bago nila ako kinulong dito nakita kong madami sila.

Yung dalawang matandang lalaki, 'yung isang matandang babae, 'yung tatlong babae, si Rebecca na 'yung isa doon. Tapos may dalawa pang lalaki. Hindi ko alam kung may iba pa silang kasamahan.

Pero bago pa nila ako ipasok dito, narinig ko yung pangalan nung isa pang babae.

Si Pearl.

Tapos ngayon yung Rebecca. Kailangan ko ng gumawa ng plano para makaalis dito.

.
.

HAILEY'S P.O.V

Tanghali na pero napaka boring parin, wala kaming magawa. Ang lakas pa din ng ulan at nakakain na rin kami.

Maya maya pa may kumatok at pinag buksan 'yun ni Jeralene, si Yuna ulit 'yun at may dala s'yang ulam.

"Kumusta kayo? May dala akong ulam." Bati ni Yuna.

"Kumain na kami e, pero salamat." Si Jeralene.

"Nahuli pala ako hehe." Si Yuna.

"Kakain ulit ako." Sabi naman ni Ruth.

"Mukhang masarap nga 'yan." Si Darius.

So ayun, kumain ulit yung iba, ako hindi na busog na kasi ako sa kinain ko kanina.

"Kwento ka ulit about doon sa mga babaeng sinusunog dito, gusto ko pang malaman 'yung about sa kanila." Sabi naman ni Naomi.

"Yun nga, sinusunog sila dito kasi iaalay daw sila sa demonyo tuwing biyernes ng gabi at bilog dapat 'yung buwan, sampung katao 'yung dapat nilang ma ialay." Panimula ni Yuna.

"Bago mag alas dose ng gabi dapat naialay na nila at nasunog na 'yung mga alay, dahil kung hindi sila ang masusunog pag sapit ng alas dose ng gabi. Nakipag kasundo kasi sila sa demonyo e, kung wala silang ma iaalay 'yung sarili na mismo nila ang masusunog ng kusa." Dugtong pa ni Yuna kaya naman natakot ako sa kwento n'ya.

"Sabi na totoo yung mga nababasa ko eh." Si Naomi.

"Halimbawa kung, pito lang yung na ialay nila paano yun?" Tanong ni Jennie, akalain mo 'yun interesado rin pala siya sa mga ganitong topic.

"Dapat sampo, kasi wala ding mangyayari, masusunog lang din sila at dapat sampo o higit pa yung ma ialay nila." Sagot naman ni Yuna.

Napatango naman si Jennie.

"Meron din yung mga naka bigting mga patay sa puno sa gitna ng kagubatan." Banggit ni Naomi.

"Sabi ng lola ko totoo daw yon, may na ikwento na din s'yang gano'n sa'kin e." Si Yuna.

"Teka, meron pa bang gumagawa nung mga, iaalay yung mga tao tas susunugin nila?" Tanong naman ni Aiden.

"Hindi ko lang alam, pero siguro naubos na sila dahil sa wala silang ma ialay na mga tao, nasunog na sila at namatay, at saka matagal na 'yun, wala naman na sigurong gumagawa ng gano'n." Sabi naman ni Yuna.

Madami pa silang pinag ke-kwentuhan at nakinig lang ako hanggang sa pauwi na ulit si Yuna.

"Mamayang alas tres dadalhan ko kayo ng meryenda." Sabi ni Yuna.

"Libre ba yan?" Tanong ni Ruth.

"Oo, minsan lang kayo dito e." Ngiting sabi naman ni Yuna.

Tapos ayun nag paalam na siya at umalis na.

Ang tagal nina Kai anong oras kaya sila makaka uwi.

ITUTULOY