منقذتي

مَنِـقِذّتّيِّ(أّلَبِأّرتّ أّلسابع والعشريِن)

منقـــذتـــــي(البارت السابع والعشريِن)💜🌸

" اتجهت هايدي الي باب السياره والغضب يعتل وجهها فتحته ودخلت السياره وهند بجانبها ثم قادتها وذهبت بأقصي سرعتها .."
قاسم بصوتاً عالي : اوعي وشك وازاز العربيه
حازم بضحك: اي دا في اي
قاسم : مش موضوعنا لازم دلوقتي نروح الفندق اللي عمي حاجز فيه
حازم: ليه!!
قاسم: مفيش وقت هفهمك في الطريق ..ثم اشار الي تاكسي وركب فيه وبجواره حازم..."

                   {فـي الفنـدق}
- اتجه حازم وقاسم الي قسم الاستقبال لسؤالهم عن رقم الغرفه المقيم بها مصطفي وحينما علموا رقم الغرفه اتجهوا سريعاً للبحث عنها ..
قاسم: اهي هي دي الاوضه
حازم: غريبه هو الباب مفتوح لي
قاسم وقد راوده شعور القلق:  هنعرف دلوقتي
"اقتربو من الغرفه دخل قاسم يليه حازم كان يبحث بعينيه في كل مكان عن عمه او عن ابن عمه حتي وقعت عيناه علي ذاك الجالس علي الارض يستند علي الحائط ..ذهب قاسم إليه سريعاً وهو يحاول ان يفهم ما حدث ...
- ادهم اي اللي حصل في اي
"نظر إليه ادهم بوجهاً شاحب خالي من المشاعر وهو يتكلم بصوتاً غليظ بعض الشئ..
- اتخانقت انا وبابا
" من هول الصدمه نظر قاسم الي وجهه جيداً وعلم ان مصطفي قد صفعه بالفعل هو لم يسأل عن السبب قد يكون الامر سراً بينهم ولكن رق قلبه علي ادهم فوقف امامه وامسكه جيداً وكذلك حازم فعل نفس الشئ حتي استند ادهم عليهم و وقف في ذلك الوقت دخل مصطفي الغرفه وهو يقول ...
-اتمني تكون حضرت الشنط عشان نمشي
قاسم بصدمه: تمشوا تروحوا فين!!!
مصطفي:ازيك يا قاسم يابني انت هنا من امتي
قاسم: هو حضرتك كنت ناوي ترجع القاهره من غير ما تعرفنا !!
مصطفي بأبتسامه: لا اكيد كنا هنعدي عليكوا قبل ما نمشي
قاسم: عمي انا عاوزك علي انفراض ممكن!
مصطفي: اه طبعا اتفضل
"سار الاثنان خارج الغرفه "
مصطفي: ها يا قاسم كنت عاوزني في ايه!؟
قاسم: انا كنت طالب من حضرتك خدمه
مصطفي: اطلب اللي انت عاوزه يا قاسم وانا تحت امرك يابن اخويا
قاسم بتردد: انا عاوز اروح اخطب وكنت عاوز حضرتك يعني تأجل سفرك اسبوع او اتنين بس لحد ما نطلب ايدها ويوافقوا ونعمل خطوبه
مصطفي بفرحه: بجد يابني ومين سعيده الحظ دي
قاسم : انت عارفها كويس يا عمي
مصطفي: يبقا مفيش غيرها المحاميه
قاسم بضحك:  ايوة هيا
مصطفي بأبتسامه: والله يابني زين ما اخترت دي بنت ناس ومحترمه ربنا يقدملك اللي فيه الخير 
قاسم :يااارب.. هتأجل سفرك يا عمي!؟
مصطفي: اكيد هأجله يا قاسم هو انا عندي اغلي من ولاد اخويا بس هبعت ادهم يجيب عزه والدته لان لازم تحضر انت متعرفش بقالنا اد ايه مفرحناش يا قاسم وانت هتكون سبب سعادتنا يابني
قاسم بسعاده: ربنا يخليك لينا يا عمي
مصطفي: ان شاء الله يوافقوا واشوفك احلي عريس
قاسم بأبتسامه: ان شاء الله
مصطفي : طب اخدت معاد من والدها ولا لسه
قاسم: لسه
مصطفي: طب خلااص سيب الموضوع دا عليا
اكتفي قاسم بأبتسامه ..كان يدور في رأسه سؤال ولكن اخبر نفسه ان الوقت غير مناسب
لاحظ مصطفي التغيرات التي ظهرت علي وجه قاسم :  عايز تقول حاجه يا قاسم؟
تردد قاسم في الاجابه قليلاً ثم اخبره: كنت عايز اسأل حضرتك انت ليه اتخانقت مع ادهم لو السؤال مش في محلو فا انا مقصدش والله ابقا متطفل
مصطفي بأبتسامه: متطفل ازاي بس دا انت ابن اخويا يا قاسم يعني زيك زي ادهم عندي بالظبط هحكيلك بس حاليا الوقت مش مناسب عندنا تحضيرات تانيه ولا ايي يا عريس
ابتسم قاسم: فعلا عندنا تحضيرات تانيه
مصطفي : طب اييه مش يالا بينا بقا
قاسم :ايوه يالا
"اتجه مصطفي بصحبت قاسم الي الغرفه مره اخري ولكن تلك المره الابتسامه كانت تشرق علي وجه مصطفي حينما دخلو الغرفه نهض حازم بدوره ليتحدث ..
-ايه يا قاسم هنمشي
قاسم: اه يالا بينا ...ثم وجه حديثه الي مصطفي ..هستني منك تيلفون يا عمي
مصطفي بأبتسامه: قريب ان شاء الله
"تعجب كلاً من ادهم وحازم وبعد خروج حازم وقاسم ..
ادهم: بابا
مصطفي: ......
ادهم بندم: انا اسف
"نظر له مصطفي بحنان وفتح كلتا يديه وضمه بشده ثم ابعده قليلاً وهو يقول "
-انت ابني الوحيد يا ادهم ومقدرش ازعل منك يالا عايزك تفرفش بقا وتفك كدا وتجهز نفسك عشان هتروح تجيب مامتك علي هنا
ادهم بتعجب: اجيب ماما؟! مش احنا كنا رايحين!؟
مصطفي:  ايوه كنا هنمشي فعلا بس قاسم قالي انو هيخطب و انا مينفعش امشي واسيبه
ادهم: قاسم هيخطب!!!!
مصطفي بأبتسامه: اه عقبالك
ادهم : شكراً ..بس مقولتليش هيخطب مين
مصطفي: البت المحاميه اللي اترافعت عنه في القضيه
"احتل الغضب معالم وجه ادهم فأحسن قبضته وحاول السيطره علي نفسه وابتسم ثم انصرف من الغرفه قبل ان ينفجر من الغضب امام والده وسرعان ما ابتعد عن اعين الناس قليلاً حتي انفجرت نوبت الغضب وقال بصراخ ....قاااااسم انا حطيت عيني عليها قبلك انت مكنش ينفع تبصلها انا مش هرحمك ..مش هرحمك يا قاااسم هايدي دي بتاعتي وهتشوف انا هعمل اي.."

………{في منزل هايدي }………
هدير: اي يا بنات كنتو فين
هند: كنا بنجيب شويه حاجات كدا من...
هدير بتعجب: منين!
هايدي: من مكتبي
هند بأبتسامه : ايوه كنا بنجيب شويه اوراق من مكتبها
هدير: طب يالا غيرو هدومكو وتعالو عشان تتغدو
هند: ماشي هنغير ونيجي علطول
"فور دخول هايدي غرفتها ارتمت علي الفراش بدون حراك فتعجبت هند من تصرفها وقالت..
-هايدي انتي كويسه؟
هايدي بصوت ناعس:ايوه بس عايزه انام شويه
هند بشك:طب حصل حاجه لما كان قاسم عندك في الاوضه
"عندما ذكرت هند اسم قاسم نهضت هايدي من الفراش سريعاً ونظرت إليها ..
-انتي كنتي عارفه انو جايلي؟
"ابتلعت هند ما تبقي بحلقها بصعوبه واومأت برأسها بمعني اه "
هايدي: انتي متخيله حجم الموقف المحرج اللي انا اتحطيت فيه النهارده مع البني ادم دا
هند: هو حصل حاجه ؟
هايدي: لا ...بس مش عايزه اسمع اسمه تاني ولا اعرفه تاني
"في اثناء حديثهم تلقت هايدي رساله علي هاتفها لتمسك هند الهاتف وتري اذا كان شئ مهم ام لا لتجد الرساله من قاسم فا اندهشت ونظرت لهايدي ...
-الرساله من قاسم
هايدي بتردد: وريني كدا باعت اي
هند :بيقولك عامله اي دلوقتي
هايدي بتذمر: مش رده ثم ان هو يبعتلي رساله اصلا ليه
هند بضحك علي تصرفات اختها: بيحبك مثلا
هايدي بتذمر اكبر: هاتي كدا الموبايل دا ...كانت ستغلق الهاتف ولكن وصلتها رساله اخره مضمونها "عايز اشوفگ"ولكن هذه المره لم تكن الرساله من قاسم ....!

……{في منزل قاسم}……
"كان قاسم يدلف الي البيت وهو يتحدث في الهاتف ...
قاسم: تمام
المتصل: ……
قاسم: اهم حاجه عايز شغل مظبوط
المتصل: ...…
قاسم: عايزو يبقا اكبر كافيه في المكان
المتصل: ...…
قاسم: ماشي سلام.
"اقتربت منه مجده وهي تبتسم ابتسامه رضا ..."
-والله زمان يابن امجد مشوفتكش بتتكلم بالسعاده دي
"اقترب منها قاسم وقبل يدها بحب وهو يقول ..
-انا اسعد خلق الله
مجده بأبتسامه: يارب دايما اشوفك فرحان وسعيد انت واخوك
قاسم: ياارب ...بصي بقا ياستي عايزك تقعدي كدا وتسيبي كل حاجه وتركزي معايا
مجده: خير يابني في حاجه
قاسم بأبتسامه ابرزت اسنانه البيضاء: انا قررت اخطب
مجده بفرحه: دا يبقا يوم المني مبروك مقدماً يا حبيبي
قاسم بمزاح: مش تعرفي مين الاول
مجده بسعاده: من غير ما اعرف يا قاسم كل مجايبك حلوه يابني وانا معاك من ايدك دي لايدك دي وكمان عايزه اقولك علي حاجه كان لازم اقولهالك من زمان بس الفرصه مسمحتش
قاسم: قولي ياست الكل
❤️……………………………❤️
ودي كانت نهااايـة البارت الـ 27 يا حلويـن 💜
تصويت بقا باللـه عليكـوا وانتو معديين 🙂💔
بقولكووا ايه لسه كاتبه حتت اسكريبت هيعجبكوا اوي روحوا شوفو دلوقتي 👆💙
"اشوفگــووا في باارت جديد وتگــونووا بخيـر يارب "
سلاااام 🖤
للكاتــبة: - "رغــدةحســن -ورد- "❤️🌸