منقذتي

مَنِقِذّتّيِّ(أّلَبِأّرتّ ألثاني عشر)

منقـــذتـــــي(البارت الثاني عشر )💜🌸

"في صباح يوم جديد هايدي كانت بتحاول تجمع ادله كافيه ضد عامر في الوقت دا رن الموبايل بتاعها من رقم غريب: -
هايدي:الوو
المتصل: ازيك
هايدي: بخير مين حضرتك!
المتصل: معقول معرفتيش صوتي
هايدي: سوري مش واخده بالي
المتصل: انا ادهم
هايدي: اه ادهم ازيك
ادهم: لسه فاكره تسألي مخلاص بقا
هايدي بضحك: مكنتش واخده بالي والله بس قولي جبت رقمي منين
ادهم: من بابا
هايدي: وياتري بقا عمو مصطفي عارف
ادهم بضحك: لا طبعا هو انتي ناويه تقوليله ولا ايه
هايدي بضحك: بفكر
ادهم بضحك: لا صلي عالنبي كدا انا كنت بطمن وهقفل....ثم اغلق الخط
هايدي في نفسها: مجنوون وربي

"رن الموبايل مره اخر برقم غريب "
هايدي بضحك:كنت عارفه انك هترن تاني
المتصل: اسمعي يا شاطره لو خايفه علي روحك بجد سيبي قضيه قاسم احسنلك ودا تنبيه المره الجايه هتلاقي نفسك بين ادينا وابقي قولي علي نفسك يا رحمان يا رحيم
هايدي:انا مبخفش علي فكره ومش هسيب القضيه وهطلعو منها غصب عنكوا
المتصل: قدامك فرصة لو روحتي الجلسه بكرا يبقا انتي اللي جنيتي علي روحك ...ثم اغلق الخط

"سمعت هند صوت اختها فا ذهبت سريعا اليها"
هند بقلق:كنتي بتزعقي ليه في اي
هايدي : في حد رن عليا وبيهددني اسيب القضيه
هند بقلق: طب هتعملي اي
هايدي وهيا تضع يدها علي وجهها: مش عارفه
هند: هايدي انا خايفه عليكي متخاطريش بحياتك ارجوكي
هايدي: مش هينفع اسيب القضيه
هند: ليه بقا
هايدي: من غير ليه مش هينفع اسيبها وخلاص
هند: طب انتي راحه فين دلوقتي
هايدي: مخنوقه هنزل افك عن نفسي
هند بقلة حيله :خلي بالك من نفسك
هايدي: حاضر...ثم ذهبت
"ركبت هايدي سيارتها وتوقفت امام الكافيه نزلت من سيارتها ونظرت الي الكافيه وتذكرت اللحظات التي كانت تقضيها كل يوم والورق الذي كان يأتي مع قهوتها ابتسمت ابتسامه باهته ثم نظرت حولها وجدت كاميرا بجانب الكافيه فخطرت لها فكره امسكت الموبايل واتصلت بأدهم
ادهم:الوو
هايدي: ادهم انت فين
ادهم: في الاوتيل ليه!!
هايدي: طب معاك رقم حازم
ادهم: مينفعش انا
هايدي:ادهم متهزرش معاك رقمه
ادهم: للاسف والله مش معايا غير رقم قاسم
تذكرت هايدي ان موبايل قاسم مع حازم : طب ممكن تعبتهولي مسدچ لو سمحت
ادهم: اه ممكن بس ليه
هايدي: شكرا ليك هستني المسدچ بااي
ادهم: باي ...اغلق الخط
"مرت لحظات ثم ارسل ادهم الرقم اخذت هايدي الرقم واتصلت به "
حازم: الوو
هايدي: حازم معايا؟
حازم: ايوه مين؟
هايدي: انا هايدي
حازم باستغراب: عرفتي رقم قاسم منين
هايدي:ادهم عطهولي
حازم: وانتي شوفتي ادهم فين؟
هايدي: لا هوا رن عليا النهارده
حازم: وجاب رقمك منين؟
هايدي: اييه يا حازم كل دي اسأله نستني كنت رنه ليه
حازم:ايوه صح كنتي رنه ليه
هايدي: الكاميراللي قدام الكافيه
حازم: مالها!
هايدي: تبع الكافيه ولا تبع حد جمب الكافيه
حازم: تبع حد جمب الكافيه
هايدي: تبع مين بقا
حازم: بصي انتي فين دلوقتي
هايدي: قدام الكافيه
حازم: طيب انا جايلك حالا
هايدي: هستناك بااي