منقذتي

مَنِقِذّتّيِّ(أّلَبِأّرتّ أّلحادي عشر)

منقـــذتـــــي(البارت الحادي عشر)💜🌸

"وقفنا البارت اللي فات لما هايدي راحت لقاسم القسم"

هايدي بقلق: انت كويس!؟
قاسم: ها ..اه اه انا تمام كنتي جايه ليه!؟
هايدي: كنت جاية اسألك الكافيه مكتوب بأسم مين
قاسم: مكتوب بأسم ابويا
هايدي: معاك ورق يثبت دا؟
قاسم: ايوه ....بس..
هايدي: بس اي!!
قاسم: بس يعني ...هو اصل..
هايدي: هو اصل اي!!!! في ايه!!
قاسم: بصراحه انا اصل بعين حاجتي المهمه في مكان محدش يعرفه غيري وبما ان انا في السجن فا مين هيجبلك الورق
انفجرت هايدي من الضحك: حرام عليك انا قولت دا الورق مش معاك خضتني
تأملها قاسم بهيام : ضحكتك حلوه اوي
ابتسمت هايدي: شكرا ...ثم تكلمت بجديه: ايوة الورق دا هجيبه ازاي انااا!!
قاسم بتفكير: بصي انا هقولك بس يفضل سر هاا
هايدي بابتسامه: اتفقنا
قاسم : في صندوق فوق الدولاب بتاعي فيه كل اسراري الصندوق دا انا مخبيه فيه كتب وحاجات ملهاش لازمه هتلاقي في الصندوق دا الورق اللي انتي عيزاه ورجعي الصندوق زي ما كان بس ياريت محدش يعرف عن الصندوق دا حاجه ولو شوفتي حاجه كدا ولا كدا ولا اكنك شوفتي حاجه ماشي
هايدي: محدش هيعرف حاجه متقلقش
قاسم بتفكير: ممكن اسأل حضرتك سؤال!
هايدي: اسأل!!
قاسم: انتي هتدخلي اوضتي ازاي!؟
هايدي: بسيطه كأني هدور علي دليل او حاجه
قاسم: هو انتي جيتي بيتنا قبل كدا؟
هايدي: مرتين
قاسم: نعم!!!
هايدي: اي في ايه
قاسم: مرتييين!!!! لا تمام تمام مفيش حاجه
هايدي: كنت هنسي ادهم عايز يدخلك
قاسم: ادهم!!
هايدي: اقصد حازم
قاسم: وانتي عرفتي ادهم منين دا كمان!!
هايدي: لا كان موصلني فا اتعرفت عليه
قاسم: موصلك!!!
هايدي: اه
قاسم: تمام تمام دخليلي حازم

"عند حازم وهند"

حازم: احم.. عامله ايه
هند: بخير وحضرتك؟
حازم: حضرتي !! اي حضرتي دي
هند: مهو بس...
حازم: مبسش اسمي حازم ...اسمي ايه؟!
هند بابتسامه: حازم
حازم : اول مره اعرف ان اسمي حلو كدا
"ابتسمت هند واحمرت وجنتيها ونظرت في الفراغ"
حازم بحب: وكمان بتتكسفي يا فراولتي
"في هذه اللحظه خرجت هايدي وسمعته "
هايدي وهي تحاول ان تخفي ضحكها: اسفه علي المقاطعه تقدر تدخل لقاسم ومتخفش فراولتك في عيني
"تنحنح حازم بحرج وقام ودخل لقاسم"

هايدي وهيا تضحك علي شكل اختها : فراولتي!!! بقا دي اخرت تربيتي فيكي حسابك في البيت

"نسيبهم شويه ونروح لحازم وقاسم"

دخل حازم واحتضن قاسم فور دخوله:-
حازم: قاسم انت كويس
قاسم: انا بخير
حازم: مال وشك !! مالك!!
قاسم: سيبك دا من اثر عدم النوم بس ..قولي امي عامله اي
حازم: بخير الحمدلله تخيل يا عم مردتش تاكل غير من ايد حبيبت القلب النهارده
قاسم: نعم!! مردتش اي!! واكلت من مين!!
حازم: اي مالك بقولك كانت زعلانه عشانك ومكنتش راضيه تاكل غير لما هايدي اجت واكلتها بنفسها
قاسم: واكلت!!!
حازم: اه
قاسم: من هايدي!!
حازم: اه ..في اي يابني
قاسم : مفيش قولي عمي وابن عمي وعاصم اخويا عاملين اي
حازم: كلهم تمام بس في حاجه كدا مش تمام
قاسم: في اي
حازم : ادهم
قاسم: مالو
حازم: نظرته لهايدي مش مريحاني
قاسم: بمعني!!!
حازم: مش عارف النهارده واحنا جاينلك كان عايز يجي معانا وكان بيبص لهايدي نظرات كدا مش طبيعيه
قاسم بجديه: حازم امي وهايدي واخويا في عينك ومسؤلين منك لحد ما اطلع من المخروب دا مش عايز غلطه
حازم: من غير ما تقول والله دول في عيني ...وهند في قلبي ..
قاسم: مش عايز ادهم يتعرض لهايدي نهااائي ماشي ياعم الحبيب
حازم: متقلقش
قاسم: هايدي اتعرفت علي ادهم ازاي
حازم: ابدا دا كان موصلها بس عشان....."قاطعه قاسم" وانت لزمتك اي
حازم:عمي مصطفي هوا اللي اصر ان ادهم يوصلها
قاسم بغضب: اللي حصل دا ميتكررش تاني مفهوم
حازم: مفهوم
قاسم: عندي طلب
حازم : اتفضل
قاسم: هايدي هتوصلك طبعا لحد بيتي عشان تطمن امي واخويا عليا
حازم: ايوه بس اي الطلب
قاسم: هايدي هتطلع معاك انا قولتلها تدخل اوضتي تجيب منها حاجه انت هتأمنلها المكان عما تخرج من اوضتي ومتخليش حد يدايقها
حازم باستغراب: طب مقولتليش انا ليه اجيب اللي هيا هتجيبه
قاسم: اهو اللي حصل
حازم: حاضر خلي بالك من نفسك
قاسم: وانت كمان
" عانق قاسم حازم وسلم عليه وخرج"
حازم وهو يتحدث الي هايدي وهند: مش يالا
هايدي: اه يالا