منقذتي

مَنِـقِذّتّيِّ(أّلَبِأّرتّ أّلسابع عشر)

منقـــذتـــــي(البارت السابع عشر)💜🌸

هند وهيا تحاول تهدأتها: طب وافقتي ليه يا هايدي
ابتعدت هايدي عنها ونظرت في الفراغ: انا موافقتش ماما هيا ال اجبرتني اني اوافق لو مكنتش وافقت كانت هتقول عليا اني بحب حد تاني ..ولو عيلتي مبسوطه بالقرار دا فا انا هضحي بسعادتي عشانهم
هند بصدمه: انتي بتقولي ايه!!!!
هايدي بنظره إنكسار: زي ما سمعتي يا هند
هند بذهول: هايدي انتي في وعيك انتي عارفه انتي بتقولي اي
هايدي بصوت باكي ضعيف : هند انا قررت خلاص
هند: طلما مش مبسوطه تجبري نفسك علي قرار زي دا ليه داا جواز يا هايدي
هايدي: هند ارجوكي انا عايزه انام ..تصبحي علي خير
هند بيأس: وانتي من اهلو

"في صباح يوم جديد "
-لولولولولوليييي
"استيقظت هايدي بتكاسل علي صوت الزغاريد..فتحت عيناها ببطئ لتجد هند تجلس بجوارها تنظر لها بشفقه وقلة حيله"
هايدي بصوت ضعيف: اي الصوت دا
هند: دي ماما والجيران
هايدي: دا صوت ماما والجيران!!!
اشاحت هند وجهها عن هايدي: مبروك يا عروسه خطوبتك الخميس الجاي
هايدي وهيا تضع يدها علي رأسها: هو النهارده اي
نظرت هند لها: النهارده الاتنين
هايدي بصوت ضعيف : طب هما عملينها بدري ليه كدا
همت هند من مكانها: معرفش ...عن ازنك ..ثم ذهبت
هايدي : هند استني
اجابت هند وهيا مواليه ظهرها لهايدي: نعم
اعتدلت هايدي في جلستها ثم وقفت امام هند: في اي مالك
هند: ممليش
هايدي: في اي يا هند
هند بنظره حزن: هايدي ليه عملتي كدا انتي كدا هتدمري نفسك وهتدمريني معاكي
نظرت هايدي في الفراغ: انا قررت خلاص
هند: انا اختك يا هايدي وحاسه بيكي ارجوكي متأذيش نفسك وتأذيني معاكي
هايدي: ارجوكي انتي يا هند متفتحيش الموضوع دا تاني انا قررت وخلاص وماما لو سمعت اللي انتي بتقوليه دا الله اعلم رد فعلها هيبقا اي ...سيبهم مبسوطين يا هند عن ازنك ....ثم دلفت الي المرحاض...
"جلست هند علي حافة السرير تضع يدها علي وجهها ...ياربي اعمل اي ...في هذه اللحظه رن موبايل هند"
هند: الووو
- وليكي عين تقولي الوو دا انا هفرمك لما اشوفك
هند : تلي وحشتينيي اختك عامله اي
تلي: بخير المهم انتي
هند: اهو ماشي الحال
تلي: مال صوتك
هند: مش هينفع احكي في الفون
تلي: طب تعالي عندنا
هند: هحاول اجي
تلي: هنستناكي يا بيستي
هند: باي يا قلبي
"رجعت هند الي جلستها وهيا تفكر ماذا تفعل... في هذه الاثناء خرجت هايدي من المرحاض .."
هايدي: هو انتي مش ناوية تفكي بقا
هند بصرامه: لا
هايدي بضحكه خفيفه :خلاص براحتك
هند: انتي ليكي نفس تضحكي
هايدي: اعيط يعني
هند : هايدي لأخر مره هقولك ارجعي عن القرار دا لو مش عشان خاطرك يبقا عشان خاطري
هايدي بأبتسامه هادئه مليئه بالحزن: مينفعش ..ومتتكلمش في الموضوع دا تاني
"همت هند من مكانها لتخرج من الغرفه.."
هايدي: افردي وشك لماما تشك في حاجه
"نظرت هند لها بنظره لامبالاه وخرجت من الغرفه..."
...........................................
هند: ماما انا هروح لتلي شويه
هدير بأبتسامه: هو ينفع تخرجي وتسيبي جو البهجه دا
هند: معلش يا ماما
هدير: مالك يا هند
هند: مفيش يا ماما انا كويسه
هدير: طيب يا هند روحي ومتتأخريش
هند: حاضر .....ثم ذهبت

..............{في بيت حازم}................
حازم: تلي مشوفتيش الشراب بتاعي
تلي: تعالي دور في جيبي يمكن تلاقيه
حازم: هاهاها يا خفه
تلي: هاهاها يا استظراف
حازم: امشي ابت من وشي
تلي: بقاا كدا
حازم: تليييين مشوفتيش الشراب بتاعي
تلين: تؤ تؤ
حازم: يا جماعه اتأخرت وربنا
ادم: السلاب اهو يا ابيه
حازم: ربنا يخليك يا ادم بيه بس اي داااا
ادم: متزعقس تدا عسان ودني بتودعني
حازم: ادم فين الفرده التانيه
ادم: مس عايف
حازم: مس عايف اييييه فين الفرده التانيه انت اكلتها ولا ايه
ادم: لاء انا مس دعان
حازم: يعني لو كنت جعان كنت هتكولها ولا اي
ادم: اه
"رن موبايل حازم وكان المتصل قاسم..."
حازم بمزاح: اتأخرت ليه يا قاسم انا مستنيك من بدري
قاسم: حازم قدامك تلت ثواني لو مجتش هاجي اجيبك بنفسي وبلاش اقولك هجيبك ازاي
حازم: وربنا انا صاحي بدري وفطرت وكنت جاهز لسه هدور علي ال...
"طرق الباب البيت فذهب حازم بأتجاه الباب وهو يكمل لقاسم ...."
حازم : ولسه هدور علي الشراب ملقتـ....
"فتح حازم الباب وجد هند ..."
حازم بسهتان: اي العسل دا
قاسم: عسل اي يا زفت انت
حازم بسهتان : هوا القمر بيطلع بالنهار وانا معرفش
"كانت تلي ذاهبه الي المطبخ ولكن رأت هند.."
تلي بصراخ: هنــد وحشتييينييييي
حازم بأستغراب: هند وحشتيني!!! انتو تعرفوا بعض
تلي وهيا محتضنه هند: دي ياسيدي هند صاحبتي بس لحظه هو الاستاذ بيسأل ليه
حازم: ابدا مفيش
تلي: تلين فرحت جدا لما قولتلها انك جايه تعالي هيا مستنياكي جوا
"ابتسمت هند لتلي ثم سارت معها نحو الغرفه فنظرت الي الوراء وجدت حازم ينظرلها ..."
هند بصوت منخفض: مين دا
تلي: حازم اخويا
هند: اخووكي!!
تلي: اه
هند: امممم
تلين: هنـــد اخيراً شوفتك وحشتيني
هند بأبتسامه: وحشتيني اكتر
..............{نرجع لحازم السهتان 😂}................
حازم: يابنت الأية وكمان صاحبت اختي
"تفاجئ حازم من صوت قاسم وتذكر انه لم يغلق الخط بعد..."
قاسم: لو خلصت سهتان تعالي
حازم بمزاح: بقولك ايه يابو الصحاب
قاسم: انت بتتكلم كتير وانا مش فاضي علي فكره
حازم: طب بما ان انت مش فاضي انا واخد اجازه النهارده
قاسم: اجازه اي ياروح امك الكافيه مقفول بقالو اربع تيام
حازم: ياسيدي اخصمهم من مرتبي بس ابوس ايدك سبني النهارده
قاسم: حازم لما هند تمشي الاقيك قدامي
حازم بسعااده: حبيبي يابو الصحاب سلام يسطا
قاسم: بتاع مصلحتك وربنا سلام

..............{نرجع لهند والتؤام}................
"بعد السلامات والاحضان والسؤال علي الاحوال.."
تلي: مالك بقا
هند: اختي هتتخطب الخميس الجاي
تلين: بجد الف مبروووك يا قلبي
هند: اتنيلي الف مبروك علي ايه
تلي: مش بتقولي اختك هتتخطب
هند: ايوة بس هتتخطب لواحد مش عيزاه ومبتحبوش
تلين: ازااي!!
"قصت هند علي تلي وتلين كل شئ ولم تدري ان كل هذا كان تحت مسامع حازم..."

✨✨..........................................✨✨
وبكدا دي تكون نهاية البارت ال17 لو عجبكوا البارت متنسوش تصوتوا 🧡
" ال متابع معايا الروايه يقول كومنت يشجعني بيه اني اكمل ❤️"
"اشوفكواا في باارت جديد وتكونوا بخير ياارب"
سلاام 🖤

للكاتبـــة: رغـــدة حســـن🖤