منقذتي

مَنِقِذّتّيِّ(أّلَبِأّرتّ أّلَأّوِلَ)

منقـــذتـــــي(البارت الاول)💜✨
"كالعاده راحه اقعد في الكافيه المفضل ليا وبطلب القهوه بتاعتي عشان اريح نفسي بعد يوم مرهق ومتعب جدا ، اي دا يا خبر انا نسيت اعرفكوا بنفسي...انا هايدي احمد محاميه كبيره مجتهده جدا في شغلي بقيت محاميه بناء لرغبه بابا هو كان حلمه انه يبقا عنده بنت محاميه وانا حققتله حلمه واتخليت عن حلمي اني اكون رسامه وادخل كيله فنون ،عندي 23 سنه، باجي هنا الكافيه كل يوم تقريباً بعد ما بخلص في مكتبي .."
" اندمجت هايدي بالرسم حتي قاطعها صوت النادل "
النادل: تطلبي اي يافندم!؟
هايدي: قهوه مظبوطه
النادل: امر حضرتك يا فندم ..انحني النادل قليلاً ثم ذهب في طريقه ليحضر القهوه
اندمجت هايدي بالرسم مره اخره حتي اتت قهوتها مر بعض الوقت حتي تركت القلم الرصاص من يدها وهي تنظر للرسمه بأعجاب شديد امسكت الكوب الموضوع امامها ورشفت منه رشفه وكانت في طريقها لوضع الكوب مره اخره لكنها انتبهت الي شئ ما كان موضوع اسفل كوب القهوه تحققت هايدي من هذا الشئ حتي علمت انها ورقه التقطتها وفتحتها لتجد مكتوب بها "ارحمي نفسك من شرب القهوه غلط عليكي وانتي في السن دا"
اغلقت الورقه بأهمال ثم القتها من النافذه بجانبها وحركت عيناها بتململ في المكان علها تجد احد يراقبها فتدرك انهو من يفعل ذلك دائما فهذه ليست المره الاوله التي تجد فيها تلك الورقه اسفل الكوب ...امسكت قلمها الرصاص واكملت رسمها بدون ان تكترث لأمر الورقه "
" اما من بعيد قليلاً لم تدرك ان هناك من يراقبها والغضب يعتلي وجهه ..
-بترمي الورقه من الشباك ماشي يا هايدي
اجابـه صديقه وهو يضحك بهستريه: محسسني انها اول مره ترميها من الشباك مهي دايما بترميها يا قاسم
قاسم : ممكن افهم ايه سبب الضحك الرهيب اللي مسيطر عليك دا
-اصل نظراتك ليها بتحسسني انها خانتك وهي اساساً متعرفكش
قاسم بأستهزاء : اغسل الكوبيات وانت ساكت
حازم ومازال يضحك: طيب طيب بس بلاش العنف دا
قاسم بغضب: لو مبطلتش ضحك حالا انا هرتكب جريمه قتل
حازم بضحك: يالا واهو بالمره محاميتك تنقذك وتترافع عنك وتقول قتل للدفاع عن نفسه من استهزاء صديقه الصدوق
قاسم بعصبيه: حاااازم
حازم: خلاص خلاص اهو هسكت
...........................
اما عن هايدي فلملمت اشيائها وذهبت الي منزلها حيث توجد عائلتها...تطرق علي الباب فتفتح لها والدتها
الام (هدير) : حمدالله علي سلامتك يا حبيبتي
هايدي بابتسامه: اي دااا لا مش معقول ست الحبايب اللي بتفتحلي الباب بنفسها لا مش مصدقه
هدير بضحك: اتلمي يا بت بلاش لماضه روحي غيري عما احضر السفره
هايدي بابتسامه: حاضر ياست الكل

.............(علي مائده الطعام).............
تجمعت عائله هايدي والمكونه من(احمد :الاب) (هدير:الام) (هند : وهيا اختها الاصغر سنها 16 وتدرس في الثانوي العام )
الاب: هاا قولولي حد وراه حاجه النهارده!
هند: لا ..
احمد: وانتي يا هايدي لسه هتخرجي النهارده
هايدي: غالبا لا هراجع قضيه وهنام شويه
هند: بقولك يا هايدي
هايدي: قولي!
...........................................
تفتكروا هند قالت لهايدي ايي!؟
مين قاسم وحازم؟!
كل دا هتعرفو البارت الجااي بأذن الله انتظرووني 🙂✌️

لو عجبكوا البارت متنسوش تصوتوا ورائيكوا يهمني جداا❤️