منقذتي

مَنِـقِذّتّيِّ(أّلَبِأّرتّ أّلثامن والعشريِن)

                 …{البارت ال28}…
قاسم بمزاح: مش تعرفي مين الاول
مجده بسعاده: من غير ما اعرف يا قاسم كل مجايبك حلوه يابني وانا معاك من ايدك دي لايدك دي وكمان عايزه اقولك علي حاجه كان لازم اقولهالك من زمان بس الفرصه مسمحتش
قاسم: قولي ياست الكل
مجده:قولي انت الاول كنت ناوي تقول لاهل العروسه هتسكن فين
قاسم بتلقائيه: هنعيش بالايجار لحد ما ربنا يفتحها عليا واشتري ارض وابنيها
مجده: طب واللي يجبلك الارض من دلوقتي
قاسم بتعجب: يجبلي الارض ازاي مش فاهم
"نهضت مجده من مكانها واتجهت الي غرفتها وعادت بعد خمس دقائق وهي تحمل بيدها بعض الاوراق ثم جلست مره اخري واعطت الاوراق لقاسم .."
قاسم بتعجب: اي دا
مجده بأبتسامه: دي حتت ارض بتاعتك انت واخوك ابوك الله يرحمه اشتراها قبل ما يموت بفتره وكان عايز يعملهالك مفاجئه ويفرحك بيها بس ربنا مأردش انو يعيش وانا محبتش اتكلم في الموضوع دا غير في الوقت المناسب واظن مفيش انسب من كدا وقت
قاسم بسعاده :انتي بتتكلمي بجد!!! يعني احنا دلوقتي لينا ارض بتاعتنا
مجده بأبتسامه: ايوه
"كانت سعادته لا توصف يشعر بأن تلك الايام هي اسعد ايام حياته مسكين لا يدري ما ينتظره ..نهض من مكانه والابتسامه لا تفارق وجهه واقترب من مجده وضمها بقوه وهو يقول ..
-انا بحبك اووي وبحب بابا الله يرحمه اووي
مجده بدموع : ياريته كان عايش عشان يشوف الفرحه اللي في عينك دي
قاسم بأبتسامه: لا لا مش عايزين دموع احنا داخلين علي ايام كلها سعاده عايزك تكوني فرحانه وبس وبعدين اي دا انتي لحد الان مسألتنيش انا رايح اخطب مين
"ليفاجئهم صوت عاصم يدلف من الباب ..
-وتطلع مين دي بقا اللي امها داعيه عليها
مجده بمزاح: بس يا ولد عيب سيب اخوك يكمل كلامه
قاسم بمزاح: لا ياخويا امها مش داعيه عليها ولا حاجه دي امها بتحبها جدا وبتدعيلها كمان وبعدين عيب يا بابا احترم نفسك انت بتتكلم علي مرات اخوك
عاصم بضحك: مرات اخويا انت خليتها مرات اخويا مش لما توافق الاول يا حيلتهاا
مجده: يا واد بس اسكت ان شاء الله هتوافق
قاسم بثقه: هتوافق
مجده: ماتريحنا يابني وتقول مين
قاسم بعد تفكير: انا كنت هقول بس لا خليها مفاجئه
عاصم: هتاخدنا علي عمانا كدا يعني
قاسم بمزاح: اه هاخدك انت بالزات علي عماك عشان متشمتش فياا لو حصل حاجه ...ثم ان تعالي هنا عايزك
عاصم: خير اللهم اجعلو خير
قاسم: لا مش هنا تعالي جوا ...عن ازنك يا مجده
مجده: ازنك معاك يا حبيبي

……………{نرجع لهايدي }……………
كانت ستغلق الهاتف ولكن وصلتها رساله اخره مضمونها "عايز اشوفگ"ولكن هذه المره لم تكن الرساله من قاسم ....!
هند: بعت اي تاني!
هايدي: لا مش هوا
هند : اومال مين
هايدي: ادهم
هند بتعجب: ادهم!! ودا عايز اي دا
هايدي: بيقولي عايز اشوفك
هند: نعم!!! وانتي ناويه تقابليه
هايدي: لا طبعا انا مش مرتحاله اصلا بس لو الموضوع مهم ويستحق هروح
هند: مع اني مش مطمنه بس ربنا يسترها
هايدي: انا هبعتله رساله اقوله فيها "خير في حاجه ولا اي"
"مر بعض الوقت حتي صدح في الغرفه صوت رساله من هاتف هايدي "
هند: هوا؟!
هايدي بقلق: اه ...بيقولي لازم نتقابل ضروري الموضوع مهم ومش هينفع تيلفون ومش هينفع يتأجل
هند: انتي مالك خوفتي ليه كدا اهدي انا ممكن اجي معاكي علي فكره
هايدي: لا متقلقيش انا هقوم باللازم وهعمل احتيطاتي وحاليا هبعتلو رساله يقولي امتي وفين
"مر خمس دقائق والنقاش لا يزال يدور بين الاختين حتي وصلت هايدي رساله كان مضمونها المكان والوقت الذي ستدور فيه المقابله.."
هند: هاا امتي وفين
هايدي: بكرا الساعه 4 في كافيه ****
هند: متأكده انك عايزه تروحي
هايدي بأبتسامه: متقلقيش ان شاء الله خير