منقذتي

مَنِقِذّتّيِّ(أّلَبِأّرتّ أّلَثّأّمن)

(الباارت الثاامن)

✨(في آلگــــآفية)✨
قاسم:مالك
حازم: قلقان
قاسم: ليه
حازم: ....(فلاش بااك)....

حازم:خير يا بابا كنت عايزني!؟
عماد: مش خير خالص
حازم:ليه بس في اي
عماد: ماجد بقاله يومين مختفي لا سلام ولا كلام ومرنش عليا حتي يطمني حصل اي
حازم بقلق: قصدك اي!!
عماد: انا خايف يكون عامر عمل فيه حاجه
حازم: حاولت ترن عليه!؟
عماد:حاولت وبيديني مغلق
حازم: طب متقلقش انا هحاول اعرف اخباره وهاجي اطمنك
عماد:ياريت يا حازم انا قلقان عليه وعلي قاسم اووي
حازم: حاضر .......(عوده من الفلاش بااك)......

حازم: وبس يا سيدي دا كل ال حصل
قاسم بضياع:انا مبقتش فاهم حاجه
حازم:اهدي بس في اي
قاسم بشبه بكاء:انا تعبااان انا اتخنقت سنين وانا بعاني وبكتم في نفسي عشان خاطر امي واخويا بس انا تعبت مش بعد السنين دي كلها يجي واحد بورق مضروب ياخد مني تعبي وشقا ابويا
حازم: يابني اهدي مش كدا هتتحل والله هتتحل

#وفي أثناء حديثهم اقتحمت الشرطه المكان: -
الشرطي:فين المدعو قاسم امجد الهواري
قاسم : اناا!
الشرطي وهو يوجه حديثه الي العساكر: خدووه
قاسم: ممكن اعرف هتاخدوني ليه انا معملتش حاجه!!!!!
الشرطي: هتعرف لما تروح علي القسم
حازم بعد ان استوعب ما يحدث:انتوا وخدينوا علي فين؟
الشرطي: متدخلش انت
قاسم: حازم خلي بالك من نفسك ومن امي واخوياا يا حازم
حازم:انت بتقول اي متقلقش انت هتخرج اكيد في حاجه غلط انا هجيب محامي واجي وراك علطول
#وضع الشرطي الكلبش في يد قاسم وسحبه الي خارج الكافيه)..
................................✨
✨(عند مصطفي وادهم)✨
مصطفي: مرت الايام عادي كنت بصرف علي عمتك وامجد كان بيساعدني في المصاريف وكنا عايشين حياتنا لحد ما عمتك واحد اتقدملها وكانو ماشين تمام مفيش حاجه والفرح اتحدد
ادهم: كل دا وعمي في السجن
مصطفي: اه
ادهم: وبعدين
مصطفي بحزن: قبل الفرح بشهر عمتك تعبت فجأه و اغمي عليها
ادهم:وبعدين؟
مصطفي: خدناها و روحنا المستشفي وهناك الدكتور طلب شوية تحاليل و عملناها و الخبر ال وقع علينا زي الصاعقه انها كانت مريضه بنفس مرض ابويا الله يرحمه.. اطرينا نأجل الفرح لعل وعسي ربنا يشفيها مع العلاج فضلت تتعالج لمده شهرين وفي الشهر التالت ربنا رحمها من اللي كانت فيه واتوفت
ادهم بأسي: ربنا يرحمها
مصطفي: فضلت انا وعمك وحيدين كنا بناكل ونشرب عشان نعيش مش عشان جعانين كنا بنشتغل عشان كل واحد يبني مستقبله مر سنه بالظبط و عمك امجد قرر يتجوز وانا مكنش ينفع اعارضه مع انه الصغير بس ساعدته في قراره وكنت ليه معين اب واخ و صاحب وكل حاجه لحد ما جددنا عفش البيت وكلو بقا تمام وظبط ليا اوضه علي السطوح واتجوز عمك مرت الايام والشهور لحد ما كانت مجده مراته حامل كنا مبسوطين جداا ولأول مره نفرح من قلبنا عدي 4 شهور لحد ما جالي فرصه شغل في القاهره وانا متردتش ثانيه واحده و وافقت وصارحت امجد وقولتله اني عايز اسافر وابني مستقبلي ولانه كان متعلق بيا زعل جدا بس كان مرشح اني اعيش حياتي واختار ال تناسبني وجه يوم سفري وسافرت واخدت شقه ايجار كنت بشتغل الصبح وبليل كنت بنزل اجازه كل تلت شهور اسبوع وكانت مراته ولدت وسمت قاسم وعدت الايام لحد ما اتعرفت علي عزه
ادهم: مامتي!!؟
مصطفي: ايوه .....و اتقدمتلها واهلها الاول كان معارضين بس مع المحاولات بقت من نصيبي واتجوزنا وقررت استقر في القاهره بنيت الڤله بتاعتي بتعبي وشقايا ومخدتش مليم واحد من حد كنت بزور امجد كل فين وفين وفي كل مره كنت بحاول اقنعه يجي يعيش معايا لحد ما انت اتولدت وكان عندك سنه ومن وقتها مروحتش دمياط
ادهم: ياااه ..طب بالنسبه لعمي عامر
مصطفي: كنا بنزوره كل فين وفين لحد ما في مره روحنا قالو انه هرب
ادهم: هرب!!!!
مصطفي: ايوه دورنا عليه كتييير ملقنهوش فقدنا الامل في اننا ممكن نقابله تاني
ادهم: وبعدين
مصطفي: كنت علي اتصال بأمجد دايما لحد ما عرفت انه اتوفي من سنه
ادهم: سنه!!!!
مصطفي بحزن: ايوه ...مامتك كانت عارفه كان لازم انزل دمياط بأي شكل بس وقتها كنت مسافر في شغل مستعجل فا كان صعب اني انزل واسيب كل دا لحد ما رتبت نفسي وقررت اني انزل وادينا اهو موجودين
ادهم: حضرتك نازل بعد سنه من موت اخوك تعمل اي!!!
مصطفي: بما ان معدش ليهم حد هنا هعرض عليهم يعيشوا معانا
ادهم: معتقدش انهم هيوافقوا
مصطفي: الله اعلم
#قطع حديثهم رن هاتف مصطفي برقم مسجل بأسم امجد اخويا دمعت عيناه حين تذكر امجد واتصالاته العديده وحديثهم الذي لا يخلو من الضحك ....مسح عيناه سريعا ثم اجاب :الوو
الطرف الاخر: ...........
مصطفي بصدمه: امتي الكلام دا
الطرف الاخر: ...........
مصطفي: انا جاي حالا .....ثم اغلق الخط
ادهم بقلق: خير يا بابا
مصطفي: اخدو ابن عمك علي القسم
ادهم: قسم!!!
مصطفي: اه
ادهم: لييه!
مصطفي: هنعرف دلوقتي يالا بينا
................................✨
✨(عند هايدي)✨

بعد خروج هند انار هاتف هايدي معلن عن وصول رساله فتحتهاا فوجدتها من رقم غريب مكتوب بها (لو فاكره انك لما متخرجيش من بيتكوا دا هيمنعني من اني انتقم منك فا انسي انا هجيبك حتي لو من تحت الارض) .....اغلقت هايدي الهاتف وهيا في صدمه لما سيحدث لها او لما سوف تلقاه قريبا!!

................................✨
✨(نرجع لقاسم ال اخدوه علي القسم) ✨

#وصل مصطفي وادهم الي قسم الشرطه وجد مجده جالسه تبكي :-
مصطفي بقلق: اي ال حصل اخدوه ليه؟
مجده ببكاء: لسه معرفش
مصطفي: متخافيش انا هكلم المحامي حاالا

................................✨
اما في مكان ما بعيد يجلس رجل علي كرسيه علي وجهه ابتسامه لا تفي بالخير ابدا يوجد حوله ظلام يمسك سيجار ويتذكر ما حدث :-
...........(فلااش بااك)..........
_ الورق جهز؟
ماجد: ايوه كله تمام
# رمي امامه حقيبه مليئه بالنقود:-
_ ودا شئ بسيط علشانك
ماجد: انا متشكر جداا
_ عاملك مفجأه
ماجد: مفجأه اي
_ انا حجزتلك علي اول طياره طالعه لندن
ماجد بصدمه: بس انا مش عايز اسافر
_ خلاص يبقا تموت
ماجد: اي!!!! امووت!!!! انا نفذت اللي قولتلي عليه اموت ليه
_ وجودك هنا خطر عليا
ماجد: انا مش ممكن اعملك حاجه
_ لا هتعمل ... ولا تحب افكرك بالي قولته لعماد عشان يخلي قاسم يسيب الكافيه
ماجد بصدمه: دااا دااا ...اناا بس كنت يعني....
_ مبسش هتاخد تذكرتك وتطلع وش علي المطار ولو شوفت خلقتك في مصر تاني اقرأ علي روحك الفاتحه
ماجد بيأس: حاضر.....كان يستدير ليذهب ...
_ لو عرفت انك اتواصلت مع حد هاجي بنفسي اموتك واظن مش صعب عليا اعرف
ابتلع ماجد ريقه وذهب ...
...........(عوده من الفلاش بااك)..........
قام من مكاانه واتجه الي النافذه وما زالت الابتسامه تزين ثغره وهو يتذكر باقي الاحداث: -

...........(فلااش بااك)..........
✨(في مركز الشرطه)✨
_انا عايز اقدم بلاغ
الظابط: هتشتكي مين ؟
_ قاسم امجد عصمت الهواري
الظابط: هويتك
_ اتفضل
الظابط: اي سبب الشكوه
_ اخد الكافيه بتاعي مني بورق مظور وانا كنت وقتها في غيبوبه ومحجوز في المستشفي ولما فوقت لقيته واخد الكافيه بتاعي ولما كلمته بالعقل رفض تماما وقولت مفيش غير القانون هيجبلي حقي ال اخده مني.....

................................✨
✨(عند قاسم)✨
مصطفي: ادهم المحامي مش بيرد
ادهم: طب والحل
حازم: لقيتهاا انا اعرف محاميه شاطره جداا
مصطفي: فيين ديي!!!
حازم: متتعبش نفسك انا هروح مكتبهاا
مصطفي: بسرعه يا حازم
✨(امام مكتب هايدي).✨
حازم في نفسه: كنت متوقع انك هتبقي قافله انا هاخد رقمها من علي اليفطه وارن عليها
حازم:الوو
هايدي: الوو مين؟!
✨✨................................✨✨
ودي كانت نهاية البارت الثامن لو عجبكوا البارت متنسوش تصوتوا وتقولوا رائيكوا ❤️😊
للكاتبه:رغـــــده حســـن ❤️✍️