منقذتي

مَنِقِذّتّيِّ(أّلَبِأّرتّ أّلَسابع)

آلبآرت آلسـآبـــع ❤️

حل المساء وكان قاسم وحازم في طريقهم الي منازلهم: -
حازم:كان هوا صح
قاسم بغضب:اه
حازم: اي الحديث اللي دار؟
قاسم:الباشا عايزني اراقب هايدي
حازم: طب مهي سهله ومحلوله اديله معلومات غلط
قاسم: مش سهله زي مانت قولت لان دا هيبقا مراقبني زي خيالي ومش بعيد يعملي تتبع ويعرف مكاني لو حاولت اغدر بيه
حازم: والحل
قاسم: مش عارف بس ربنا يسترها
حازم: يااارب
..................................
✨(في بيت قاسم)✨
فتح قاسم الباب ودخل: -
قاسم: السلام عليكم
مجده:وعليكم السلام يا حبيبي
قاسم:اومال عاصم فين
مجده: في اوضته
قاسم: انا واقع من الجوع ممكن تجهزيلي الاكل
مجده: من عنيا حاضر

#قام قاسم بتبديل ملابسه الي ملابس مريحه وانتظر حتي تحضر والدته الطعام:-
مجده:اتفضل يا حبيبي
قاسم وقد بدأ في الاكل: حاسك عايزه تقولي حاجه
مجده بابتسامه:دايما فاهمني
قاسم بضحك:خير
مجده:عمك مصطفي جالنا النهارده
قاسم: عمي مصطفي!!! ليه!!!
مجده: مش عارفه هو جه قعد شويه ومشي وقالي هيجي تاني
قاسم:اممم هو فين دلوقتي
مجده: حاجز في فندق لي ولابنه
قاسم:ابنه!!!!
مجده: اه ....واد زي القمر مشاء الله كان اسمه ....كان اسمه اي يا مجده ....اه افتكرت ادهم
قاسم: طب لو حد منهم جه هنا تاني اديني رنه وهتلاقيني قدامك
مجده: ماشي يا حبيبي ...يالا عشان تنام
................................✨✨
✨(في منزل حازم)✨
طرق علي الباب ففتح له ادم (اخيه الاصغر) وجده يقف علي كرسي كي يصل الي مقبض الباب ..انزله حازم من علي الكرسي وانحني الي مستواه :-
حازم بضحك: يالهوي ادم بيه بيفتحلي بنفسه لا وكمان واقف علي كرسي
ادم: انا ديت اقول لتلي مس رضت وقايتيي لوح اتح انت
حازم وهو يضحك علي طريقة كلام ادم: هيا قالتلك لوح اتح انت
ادم:اه
حازم بضحك: تلي يا تلي
تلي: ايوه نعم
حازم وهو يقلد طريقه كلام اخيه: حقه انتي قولتي لأدم لوح اتح انت
تلي وقد انفجرت من الضحك: والنعمه ابدا دي تلين
تلين: بتجيبوا سيرتي في اي
حازم وهو ينظر لتلين: انتي اللي قولتي لأدم: لوح اتح انت
تلين وقد ابتسمت ابتسامه ابرزت اسنانها البيضاء: اه
حازم وهو يجري ورائها بضحك: لية والبعيده مكسحه
تلين بضحك: لا البعيده كانت بتذاكر ....ثم اشارت علي تلي.....والقريبه كانت ماسكه الوبايل
حازم: اممم يعني البعيده كانت بتذاكر ....نظر الي تلي....والقريبه كانت ماسكه الموبايل طب تعالي بقا ...ثم ركض وراها وهم يضحكون حتي اتت صابرين(الام)
صابرين بضحك: اي يا ولاد مالكوا خير في اي
حازم وهو يتنفس بسرعه اثار الركض: في ان البيه الصغير ال فاتحلي والبعيده كانت بتذاكر والقريبه كانت ماسكه الموبايل
صابرين بتفكير: طب البيه الصغير هو أدم انما مين البعيده والقريبه
تلين بضحك:انا البعيده يا مامتي
تلي:وانا القريبه يا مامتي
أدم: وانا البيه الصغيور يا ممتي
حازم بضحك: وانا الطويل الهايف اللي كان بيجري هنا من شويه يا مامتي
#في اثناء حديثهم اتي عماد(الاب)
عماد بضحك:وانا صاحب البيت يا ولية
صابرين بضحك: ولية!!!!
عماد: اسف اقصد يا زوجتي العزيره
انفجر الكل من الضحك: -
عماد: حازم عايزك في موضوع
حازم :حاضر
صابرين: يالا يا تؤام واحده تيجي معايا المطبخ و واحده تجهز السفره
تلي و تلين: حاضر
أدم: وانا محدس عايزني
ضحك الكل مره اخره: -
................................✨✨
✨(عند هايدي)✨
وقبل ان تغمض عينيها اتاها اتصال من رقم غريب؟ !
هايدي:الوو
الشخص: الوو
هايدي:مين حضرتك
الشخص: مش مهم انا مين المهم اني بحميكي
هايدي باستغراب : بتحميني من اي!!
الشخص:هتعرفي كل حاجه في وقتها عايزك تخلي بالك من نفسك ولو حسيتي انك في خطر رني عليا ارجوكي...ثم اغلق الخط..
"وضعت هايدي الهاتف بجانبها وهيا شارده فيما سمعته وتقول في نفسها: هو انا سمعت الصوت دا قبل كدا فين!!!
................................✨✨
في صباح يوم جديد (تحديدا في غرفه مصطفي وادهم) :-
ادهم:صباح الخير يا بابا
مصطفي: صباح النور يا حبيبي
ادهم:مش هتكملي الحكاية بقا
مصطفي: طب استني لما نفطر حتي
ادهم: حاااضر هستني
(واثناء الفطور)
ادهم بنفاذ صبر:هااا مش هتحكي بقاا
مصطفي بضحك:هو انت طالع لمين كدا معندكش صبر
ادهم: يا بابا انت بقالك يومين بتقول هحكي حاضر هحكي حاضر ومش بتحكي حاجه
مصطفي:طب بص يا سيدي
ادهم:بصيت
مصطفي بضحك:بصيت فين
ادهم: يووووه بقااا
مصطفي بجديه: زي ما قولتلك احنا اتولدنا تلت ولاد وبنت كنا عايشين في بيت امجد الله يرحمه كان بيت العيله بس امجد هده وبناه من تاني لانه كان بيقع كنا فقره وعلي اد حالنا وملناش حد انا كنت اكبر اخواتي وبعدين عمتك هايدي الله يرحمها وبعدين عمك امجد الله يرحمه واخر عم ليك عامر
ادهم بدهشه:طب عمتي وعمي ماتو ازاي وعمي عامر دا فين؟
مصطفي:عمك امجد عمل حادثه من سنه واتوفي ودا سبب نزولي دمياط بس مكنتش عارف انزل دمياط في السنه دي عشان كنت مسافر اما بالنسبه لعمتك فا هحكيلك.....وفضلنا بحالنا الفقير دا ملناش حد منعرفش حد لحد ما في يوم اكتشفنا ان ابونا عنده مرض وحش كان بياكل في جسمه كان بيقطع فيه كان بيتألم ومكناش عارفين نعمل اي ولا نلجأ لمين ..........لمعت عيناي مصطفي بالدموع ...... لحد ما جه اليوم وربنا قرر يرحمه من اللي كان فيه واتوفي جدك عصمت الهواري
لمعت عين ادهم هو الاخر: ربنا يرحمه
مصطفي وهو يمسح قطره الماء التي سقطت من عينه رغما عنه: ومن يوم ما اتوفي وحالنا اتقلب خاالص ال مكنش فينا بيشتغل بدأ يشتغل ويصرف علي نفسه وكل واحد شاف حاله لحد ما كبرنا وبقينا رجاله يعتمد عليها انا وامجد
ادهم باستغراب:طب بالنسبه لعمي عامر
مصطفي:عمك عامر دا كان اكتر واحد بيجيب فلوس كتير فينا وبالتالي كان بيصرف علي البيت وهو اصغر واحد فينا الموضوع بالنسبالي كان غريب ازاي كان في السن دا وبيجيب المبلغ دا في مجرد شغلانه تعبت من كتر التفكير في الموضوع دا لحد ما قررت امشي وراه
ادهم:وعرفت كان بيشغل في اي
مصطفي :ويارتني ما عرفت
ادهم:ليه بس
مصطفي: كان بيشغل مع تجار اثار يعني بيتاجر في الاثار ودي شغلانه مش بتكسب فلوس دي بتكسب دهب
ادهم بصدمه: وبعدين!؟
مصطفي بتنهيده: ولا قبلين مقولتش لحد علي شغله ونصحته بيني وبينه مره واتنين وتلاته لحد ما جه في يوم جالنا خبر انه اتسجن الكل كان مصدوم يتسجن ليه تقريبا انا الوحيد ال كنت عارف ان اخر سكته دي وحشه ومن صدمة امي لما عرفت التهمه انه بيهرب اثار جالها سكته قلبيه وماتت من حسرتها بالتالي كدا معدش في البيت غيري وغير عمك امجد و عمتك هايدي الله يرحمهم
ادهم: وبعدين!؟
مصطفي: عامر خد 25 سنه سجن
ادهم بصدمه: ينهار اسود 25
مصطفي: اه ...مرت الايام عادي كنت بصرف علي عمتك وامجد كان بيساعدني في المصاريف وكنا عايشين حياتنا لحد ما عمتك واحد اتقدملها وكانو ماشين تمام مفيش حاجه والفرح اتحدد
ادهم: كل دا وعمي في السجن
مصطفي: اه
ادهم: وبعدين؟
................................✨
✨(عند هايدي)✨
شعرت هايدي بالتعب قليلاً فقررت عدم النزول :-
هند: يالهووي
هايدي: في اي
هند:يا مصبتي
هايدي: في ايييه
هند:يا حوستي
هايدي: في اي يابنتي
هند: اول مره متخرجيش من البيت في الوقت دا
هايدي:خضتيني ....وفيها اي يعني
هند: لا صدمتيني بجد
هايدي:اطلعي براا
هند بضحك: طيب بس متزقيش كدا
بعد خروج هند انار تيلفون هايدي معلن عن وصل رساله فتحتهاا فوجدت...!؟

✨✨................................✨✨
ودي كانت نهاية البارت السابع اتمني يكون عجبكوا البارت ❤️✨
تفتكروا اي الرساله ال جت لهايدي؟!
ال فاات كووم وال جاي كووم تاااني خاالص استنووني 😂🧡
لو عجبكوا البارت متنسوش التصويت ورائيكووا 💙
للكاتبهہ: رغــــــدة حــسـن 🖤✍️