منقذتي

مَنِقِذّتّيِّ(أّلَبِأّرتّ أّلعاشر)

منقـــذتـــــي(البارت العاشر)💜🌸

ـ وقفنا البارت ال فات لما هند كانت بتسأل هايدي مين ال كانت راكبه معاه دا!؟
هايدي:دا...!؟
هند: دا اي؟
جلست هايدي علي السرير: دا حكايه طويله
جلست هند مقابله لها: وانا معاكي للصبح احكي
ـ حكت هايدي لهند من بدايه الاتصال الذي وردها من حازم حتي مجيئها الي المنزل مع ادهم ..!
هند: طب اللي عايزه اعرفه بقا انتي كنتي واخده اجازه ليه؟
هايدي: مكنتش في المود
هند: هاهاها مش سبب مقنع
هايدي بضحك:اي يابت السخافه دي
هند بمزاح: مش عارفه المهم كملي
هايدي: دي مش قضيه واحده دا لغز كام قضيه في بعض
هند بتردد: هوا ...ااا...حازم كان هناك؟
هايدي: اه كان هناك طبعا دا صاحبه يابنتي بس بتسألي ليه ها؟!
هند وقد شعرت بالخجل : لا ولا حاجه
هايدي بضحك: لا مهو باين علي خدودك ان مفيش حاجه
هند وهيا تحاول تغير مسار الحوار: مقولتليش ادهم دا بقا يوصلك ليه؟
هايدي: عربيتي فيها عطل و باباه هو اللي طلب منه يوصلني وانا بصراحه كنت رافضه بس هو اصر انه يوصلني
هند: اه وبعدين
هايدي: كان عمال يبصلي في مرايه العربيه نظرات غريبه مش مريحاني
هند: اه وايه كمان
هايدي وهيا تضحك وتضربها بالوساده: تصدقي انا غلطانه اني بحكيلك اصلا
هند بضحك: خلااص خلاااص حرمت يا باشا
هايدي: مش يالا ننام بقا
هند: هتعمَلَيِّ اي مع قاسم؟
هايدي بتفكير: مش هسمح انه يتظلم ...بس في حاجه غريبه اووي في قاسم دا
هند: حاجه زي اي
هايدي: بصي هو اه قمر وشهم وراجل بجد لان اللي عرفته ان باباه متوفي وهو بيصرف علي اخوه ومامته وبصراحه طيب وميستهلش اللي بيحصله بس اللي مش فهماه بقا هو بيتعامل معايا كدا ليه
هند: بيتعامل معاكي ازاي؟
هايدي: نظرته لياا الحنيه القلق اللي كان باين في صوته لما قالي خلي بالك من نفسك انا بجد مش فاهمه
هند: طب قوليلي فهمتي اي من نظره عينه؟
هايدي: لما اتكلم عن اخوه وامه كان في حزن وكسره في عينه ولما اتكلم عن عمه نظره عينه كانت مليانه حقد وكراهيه لما قالي خلي بالك من نفسك نظرت عينه كان فيها خوف وقلق اللمعه اللي كانت في عنيه لما بصلي اخر مره كأنه بيودعني وبيقولي متتأخريش عليا ....اناا محتاره مش فهماه
وضعت هند يدها فوق يد اختها: هايدي اعملي اللي عليكي و ساعديه ...يالا عشان ترتاحي
ابتسمت هايدي ابتسامه باهته: تصبحي علي خير
ابتسمت هند: وانتي من اهله
ـ "قبل ان تغمض هايدي عينيها ظلت تفكر كيف تساعد قاسم وتكشف حقيقه عمه الكاذب امام الجميع حتي اغمضت عينيها ونامت"
✨.............................................✨
في صباح يوم جديد كانت هايدي تصلي وتدعي ربها ان يوفقها ويظهر الحق..
هدير(مامت هايدي): صباح الخير يا حبيبتي
هايدي بابتسامه: صباح النور يا اجمل ماما في الدنيا
هدير: اي دا انتي هتخرجي
هايدي: ايوه يا ماما ادعيلي
هدير:ربنا يوفقك يا حبيبتي بس مش هتفطري؟
هايدي: هشتري اي حاجه وانا ماشيه
هدير: متتأخريش يا هايدي
هايدي: حاضر ..عايزه حاجه يا ست الكل
هدير:عايزه سلامتك يا حبيبتي
كانت هايدي ستخرج ولكن رجعت مره اخره
هايدي:ماما
هدير:نعم
هايدي:لما هند تصحي خليها ترن عليا
هدير:حاضر
خرجت هايدي من بيتها واتجهت نحو سيارتها وكانت في طريقها لبيت قاسم ولكن توقفت حينما وجدت الكافيه غير مقفل بالكامل فهبطت من السياره واقتربت من الكافيه امسكت مقبض الباب وجدت الباب انفتح تسللت الي الداخل لتعرف ما يجري فسمعت: -
_ هنبدأ حفر من امتي
_ لما قاسم يتحكم عليه
_ ودا هيتحكم عليه امتي دا
_ هيتعرض علي النيابه بعد بكرا
اصدرت هايدي صوت بغير قصدها كانت ستذهب ولكن اوقفها صوت شخص لم تستدر له هايدي وحاولت اخفاء وجهها
الشخص: استني عندك انتي بتعملي اي هنا
هايدي: هوا مش دا كافيه بردو
الشخص:ايوه بس قافلين النهارده
هايدي: اسفه مكنتش اعرف ....ثم اسرعت خطواتها لتخرج من المكان بسرعه
_ مين كان هنا
_ دي واحده كانت جايه الكافيه
_ اممم