❤️ ဟန်ဆောင်ကောင်းတဲ့မမ ( ၃ )❤️
ရှင်းသန့်ကြည်ဖြူဆိုတဲ့ကောင်မလေးဟာတွေ့လိုက်တိုင်း တစ်ခုမဟုတ်တစ်ခုဖြစ်နေတော့တာပဲ။အခုလဲကြည့် ဦး မိန်းကလေးဖြစ်ပြီး ယောကျ်ားလေးသူငယ်ချင်းတွေနဲ့ဘီယာတွေသောက်လို့မူးနေတာ မြင်မကောင်း။မင်းဘယ်လိုမိန်းကလေးလဲရှင်းသန့်ကြည်ဖြူ။
ဆုလေးက ငါးကင်နဲ့ဆာဖြယ်စားချင်တယ်ဆ်ိုပြီး သူမကိုပူဆာတာကြောင့် လာဝယ်ပေးရင်း အမြင်မတော်တာတွေ့ရပြန်ပြီ။အိမ့်သူမမျက်စိရှေ့မှာမြင်နေရတော့ မသိချင်ဟန်ဆောင်လို့ လဲမနေနိုင်။အချိန်ကလဲညဘက်ကြီးဆိုတော့ ယောကျ်ားလေးသူငယ်ချင်းတွေနဲ့စိတ်ချထားလို့လဲမဖြစ်။ပြီးတော့ ရှင်းကကိုယ့်ကိုယ်ကိုမထိန်းနိုင်လောက်အောင်မူးနေတာ...အိမ့်စိတ်ပူတာကြောင့် သူတို့တွေရှိရာကိုထွက်ခဲ့လိုက်သည်။
"ရှင်းသန့်ကြည်ဖြူ "
ခေါ်သံကြားလို့ ရှင်း မျက်လုံးကိုသေချာဖွင့်ကြည့်တော့မမအိမ့်ဖြစ်နေသည်။
"ဘယ်သူလဲ...ဟင်...သြော်...မမအိမ့်ပဲ"
ပြောရင်း သူမပေါ်ယိုင်ကျလာတော့ အိမ့်ဖမ်းဆွဲထားရသည်။အနံ့တွေကမွှန်ထူနေတာပဲ။
"ဒီလောက်ထိမူးပြဲနေအောင်သောက်ရလား..."
"မင်းကိုယ်မင်းမိန်းကလေးဆိုတာရောသိသေးရဲ့လား"
မူးနေတဲ့ကြားက မမအိမ့်ရဲ့ဆူပူသံကိုကြားလိုက်တော့ ရှင်းရင်ထဲလှိုက်ခနဲဖြစ်သွားသည်။မမကရှင်းကိုဆူတာ ရှင်းကိုဂရုစိုက်လို့ စိတ်ပူလို့လား...။တစ်ကယ်ဆိုရှင်းက မေမေ့ဆီကဒီလိုဆူတာမျိုးကိုကြားချင်ခဲ့တာ။
"မမ...ရှင်းက"
"ရှင်းကအခုမှပထမဆုံးသောက်ဖူးတာမို့ ခုလိုဖြစ်သွားတာပါ အစ်မ"
၀င်ပြောလိုက်သူကဟိန်းထက် ။
"ဒါဆိုလဲဘာလို့ဒီလိုအခြေနေဖြစ်အောင်ဘာလို့လွှတ်ထားရတာလဲ"
မဆီမဆိုင် ရှင်းရဲ့သူငယ်ချင်းတွေကို အိမ့်စိတ်ဆိုးမိသည်။
"ရှင်းကိုတို့ပဲအိမ်ပြန်ပ်ို့ပေးလိုက်တော့မယ် "
"အစ်မက..."
