أين ثقتك بي!

البارت السابع

#اين_ثقتك_بى! ♥️
#البارت_السابع..
و طلعت تجرى بسرعه.. سابته واقف بيطلع فى اثرها:مش هسيبك يا ساره.. مش هسيبك الا لما تسامحينى و ترجعى..

صار يظهر لها فى كل مكان تقريبا.. الجامعه.. الشارع.. حتى أمام منزلها..
تجتمع ساره مع سلمى و زهره فى أحد الكافيهات..
سلمى :بقا كل دا يحصل و انتى جايه تقوليلي دلوقت..!
ساره :و الله ماكنت عارفه اعمل اى.. بس انتوا اللى جيتوا فى بالى دلوقت.. قولولى بقاا اعمل اى..
زهرة :يعنى انتى مابتروحيش التدريب الفتره دى كلها!..
ساره :اهاا..
زهرة :و مستر مراد ماشى وراكى فى كل حته!..
ساره :اهاا..
زهرة :و بتقولى انه اعترفلك بحبه!..
ساره :اهاا.. هو انتى بتعيديلي كلامى ليه!..
زهرة بصراخ:عشان انتى هبلة.....
فجأه نظر لها كل من بالكافيه...
زهرة:احمم.. اسفه يا جماعه.. بس بنحل مشكله هنا.. كملوا كملوا..
وسط ضحك ساره و سلمى و معظم من بالكافيه..
ساره بضحك :انا اللى هبلة برضو.. اقعدى يا فاضحانا.. و بعدين هبلة ليه لامؤاخذه..!
زهره :بقاا الواد بيحبك و بتمنالك الرضا ترضى.. و انتى بقالك شهر مصدراله الوش دا و مازهقش برضو.. و جايه تسالى.. المفروض تعملى اى..
سلمى بحالميه :يااه يا بنتى لو الاقى حد يلف ورايا كدا عشان اسامحه.. لكن انا عارفه انى نحس م حوار..
ساره بغباء و هى تنظر لهم :انتم الفتوا لى قصة حب و انا قاعده!..
زهرة بحنق:لا ياختى و لا الفنا و لا نيلنا.. انا بقولك الواقع.. حد يلاقى واحد بيحبه كدا و يعمل اللى انتى بتعمليه..!
ساره بتردد:بس.. بس هو ماوثقش فيا.. و شك أن انا اللى سرقت الملف.. و لو ماكنتش جبتله الدليل ان كريم هو اللى سرقه كان فضل مفكرنى انا اللى عملت كدا..
زهره :كان سوء فهم.. حطى نفسك مكانه.. و هو عارف ان مفيش غيرك معاه الملف.. و كمان كنتى قافلة الخزنه بتاعتك و القفل مش مكسور.. يبقى من الواضح اووى ان محدش هياخده من الخزنه غيرك.. اديه فرصه.. فرصه واحده...
سلمى :ايوا يا ساره.. من الواضح انه بيحبك اووى.. أدى نفسك فرصه..
ساره :يعنى اعمل اى!..
زهرة و سلمى فى نفس الوقت :اسمعيه..
ساره بتردد:اما اشوف..
..
تانى يوم..
ساره كانت خارجه من الجامعه.. شافت مراد واقف برضو.. المرادى ممشيتش و بصتله.. هو خد باله منها.. فراحلها..
مراد :ارجوكى يا سارة.. ادينى فرصه اثبتلك حبى..
ساره :و بعدين!..
مراد :و بعدين هتتقبل قرارك اى كان.. ارجوكى..
ساره :و انا موافقه..
مراد :بجدد..
ساره:تقريبا كدا انت عايز تضيع فرصتك..
مراد :لا خلاص.. طب ممكن تيجى على العنوان دا كمان ساعه.. هستناكى..
ساره بتردد:اشمعنا!..
مراد برجاء :ارجوكى.. دا طلبى الوحيد..
ساره و قد تذكرت كلام سلمى و زهره :تمم هاجى..
مراد و هو يتركها و يذهب :هستناكى متتاخريش..

بعد ساعه كانت ساره ترتدى فستان ازرق على طرحه اوفوايت و صندل من اللونين.. بعد ما زهرة و سلمى أصروا عليها تلبسهم..و حطت ميكب خفيف جدا و راحت فعلا للعنوان بتاكسي..
السائق:وصلنا يا انسه..
تطلعت قليلا لخارج النافذه و حاسبت السائق و نزلت..
كان مكان جميل بكل معنى الكلمه.. كان الطريق ملئ بالورود الحمراء و البيضاء.. تقدمت بضع خطوات.. حتى وجدت بالون كبير باللون الأحمر.. امسكته و بدأت تقرأ المكتوب عليه..
"كنت تايه قبل منك
شوفتك انتي لاقيت حياة
قلبي دة كان شبه ميت
شافك انتي لاقى النجاة
وبنظره واحدة
نسيت سنيني قبل منك
وحياتي اللي بعيد عنك
شوفت فيكي بداية الحياة"
#منقول..
#ميار_ابو_العلا
ساره ابتسمت بدموع.. و بعدين كملت مشى وسط الورود..
لقت كمان بالون.. التفتت حواليها عشان تشوفه.. مالقتوش.. بدأت تقرأ..
" كنت أسمع أن شعور الحب من كثرة روعته لا يوجد له وصف، وجميع معلوماتي عنه كانت تجارب البعض ولأنني لم أخض التجربة بعد كنت أظن أن كلام بعضهم عن الحب لا يوجد له أساس على أرض الواقع، حتى رأيتك وتغيرت برؤياك كل معلوماتي، كل شيء بداخلي تغير حتى نبضات قلبي أصبحت تنبض بك ولك، حياتي كانت مثل مشهد من فيلم قديم و بوجودك تلونت بجميع الألوان، وأصبح للهواء معنى، أنا وأنت أصبحنا كيان واحد، أصبحنا نعلم أشياء عن بعضنا أكثر منا، كنت بمثابة الأمان في وسط النزاعات المستمرة أو ربما كنت الشعور بالراحة بعد إنتهاء الحرب، وجدت بك السلام التام، وتلقيت من عينيك الحنان،  وأصبح جفناك منبعًا للأحضان، وشعرت معك بالدفء في يناير، وتأكدت أن الكلام الذي كنت أسمعه عن الحب بالفعل صحيح،  وأيقنت أن بالفعل الحب من كثرة روعته من الصعب إيجاد وصف له مهما قال عنه العاشقون."
#منقول..
#خواطر
#ميار_ابو_العلا
انهت القراءه و دموعها تهبط ببطء.. رفعت عيونها لتجده يقف أمامها بحلته السوداء.. ينظر لها بحب.. :بحبك.. بحبك من اول مرة شوفت عيونك.. و توهت فى غاباتهم الخضرا.. و نفسي تكملى معايا حياتى.. انا اسف انى ماوثقتش فيكى.. صدقينى ندمان.. تقبلى تكونى شريكة حياتى يا ساره..
هزت راسها بمعنى نعم و هى تبكى بشده..
اقترب منها قليلا.. و دلوقت معاد المفاجأة التانيه..
ساره بتفاجؤ :لسه فى مفاجأت!..
مراد :واحلى مفاجأه.. تعالى..
مشيت وراه شويه.. بصت لقت أجمل منظر شافته بحياتها.. كان شاطئ مزين بالورود.. و الانوار الجميله و نهايتها البحر وقت الغروب.. و فجأه لقت باباها و مامتها و سلمى و زهرة و باسل.. و الكل موجود و بيصقفوا..
بصتله و هى مش مصدقه اللى بيحصل.. :دا حقيقي..!
مراد بحب :كل حاجه حقيقه يا ساره.. و اجمل حقيقه.. هى اللى هناك دى..
بصت على المكان اللى بيشاور عليه لقت المأذون و ابوها قعد جمبه..
عيطت من فرحتها.. :انت بجد كتيير علياا..
مراد :خدى بالك انا كدا هتهور.. فهروح كدا على السريع أكتبك على أسمى و اجى..
ضحكت ساره..
مراد :لا دانتى مصرة..
و سابها بسرعه و راح عند الماذون.. وسط ضحكتها و ضحكات الجميع على استعجاله..
بعد دقائق..
"بارك الله لكما وبارك عليكما وجمع بينكما في خير"
باسل راح بسرعه و سحب المنديل..و اكمل بمرح :اى يا جماعه انا عايز اتجوز..!
ضحك الكل عليه..
مراد :وانت لاقى عروسه تستحمل اصلا..
باسل :اذا كان انت يا بارد لقيت واحده تستحملك.. انا القمور مش هلاقى .. طير انت و اسكت..
ضحك الكل عليهم.. بعد التهانى و المباركات لساره و مراد..
الاتنين قاعدين على ارجوحه بعيده عن البقيه نسبيا..
ساره باستغراب بعد أن تذكرت :بس انت ازاى عرفت انى هوافق..!
مراد بغرور مصطنع :هو انا اى حد والا اى!..
ضحكت ساره و هو تاه فى ضحكتها.. حتى انتبهت هى فنظرت للجهة الأخرى بخجل..
مراد و هو يدير وجهها :كنت عارف انك هتوافق لانى عارف ان قلبك طيب و مش هتشيلي منى كتيير.. و اكمل بضحك.. و كمان لانى عارف ان زهرة و سلمى عيال جدعه و هيعرفوا يقنعوكى..
ساره :يا ولاد ال.. انتوا كنتوا متفقين علياا بقاا..!
مراد :احمم.. مش اووى يعنى.. هو فى شوية حاجات كداا.. لا بصراحه حاجات كتير...جدا انتى ماتعرفيهاش.. و لازم تعرفيها..
ساره بفضول :مخبى اى تانى.. قول..
مراد :انا ليه حاسس انى فى استجواب.!..
ساره ببسمه سمجه :لأنك فعلا فى استجواب يا قلبى.. اخلص..
مراد :لا مادام فيهاا قلبى فلازم اتكلم..
ساره :ماتخلص يا عم انت..
مراد بحنق و صدمه :فين ساره البنت الرقيقه الكيوت ال..
ساره :الرقيقه دى تبقى امك.. قصدى مامتك..
#يتبع....
#Nourhan_Sabri♥️
جبتلكوا بارت رومانسي اهو عشان تنسوا النكد 😂♥️
كومنت لطيف بقاا و تفاعل بلييز 🌚♥️♥️♥️