أين ثقتك بي!

البارت الحادى و العشرين

#اين_ثقتك_بى! ♥️
#البارت_الحادى_والعشرين_والاخير..
بعد يومين.. قضتهم سلمى فى غرفتها.. و رفضت التحدث مع ساره حتى لا تؤنبها هى الأخرى..
وأخيرا قررت العوده لعملها..

سلمى :انا وخطيبي سيبنا بعض..
قالتها و هى تنظر لسليم  بحزن بادٍ على وجهها
تطلع إليها قليلا :انتى زعلانه انك سيبتيه..؟!
سلمى :مش عارفه..
سليم :انا محتاجك فى حياتى..و فى أقرب وقت هتقدملك.. و هتكونى معايا..
أومأت له سلمى بحزن..

بعد مرور اسبوع..
سلمى :انت مش قولت انك هتتقدملى؟!
سليم و هو يعبث بالاوراق أمامه :اه يا سلمى.. فى أقرب وقت ان شاء الله..
نظرت له نظرة مطوله قبل أن تخرج من مكتبه بحزن..
تركته يتطلع فى اثرها بابتسامه غريبه..

فى منزل مراد و ساره..
مراد :يا حبيبتى ما تتعبي نفسك.. انتى بقيتى فى السادس و اكيد هتتعبى.. قوليلي عايزة تجيبي اى.. و انا اجيبهولك..
ساره :عشان خاطرى يا مراد.. و بعدين سلمى هتكون معايا.. بس عايزة اجيب حاجات البيبي بنفسي.. عايزة انا اللى اختار..
مراد :بس انا خايف عليكى.. انتى بتتعبى باستمرار..
ساره :متخافش يا حبيبي.. و الله هكون كويسة ان شاء الله.. روح انت بس الشركة.. و خليك مع باسل.. لانه اتغير اووى بعد اللى حصل.. حتى سلمى اول مرة توافق تكلمنى انهاردة.. و اتهربت من الموضوع.. بس طلبت منها تيجى معايا و خلاص..
مراد :حاضر هروح.. بس ارجوكى خلى بالك من نفسك.. و السواق هيكون معاكوا.. و الحراسه مش هتسيبكوا ابدا..
أومأت له ساره بابتسامه.. مما جعله يسحبها إلى احضانه بخوف لا يعلم ما مبرره..

وصلت كلا من سارة و سلمى إلى المول التجارى..
ساره :تقدروا تستنوا انتوا هنا على ما نخلص..
الحارس :بس يا مدام..!
ساره :مش هنتاخر.. يلا يا سلمى..

وقفت ساره و سلمى فى إحدى المحلات بالداخل..
ساره :اى رايك فى دا يا سلمى؟!.. حلو صح..
لم تتلق رد فنظرت لسلمى لتجدها شارده.. كما عادتها هذه الفتره..
ساره :سلمى!.. سلمى!..
سلمى :ها.. نعم يا ساره..
ساره :مالك يا حبيبتى؟!..
سلمى :مفيش يا ساره.. تقريبا بس تعبانه شوية..
ساره :طب تحبى نروح و نبقى نيجى يوم تانى..!
سلمى :لا يا حبيبتى.. انتى تعبانه و مش هينفع تيجى و تمشى كدا كل شوية.. يلا نختار..
اومات لها ساره بهدوء قبل أن يشرعوا فى اختيار بعض الثياب..
بعد بعض الوقت..
كانت ساره و سلمى فى طريقهم للخروج من المحل و لكن استوقفتهم إحدى السيدات..
السيده :معلش يا حبيبتى.. ممكن بس تقوليلي الاقى محل للمجوهرات فين هنا؟!..
ساره : مش عارفه و الله دورى.. و اكيد هتلاقى..
السيده بخبث :طب معلش ممكن تيجى تختاريلى حاجه حلوه اجيبها لبنتى فى خطوبتها.. انتوا بنات و اكيد عارفين الذوق الحلو..
خجلت الفتاتان من الرفض و نظرت كلا منهما للاخرى.. قبل أن تومئ ساره لسلمى..
سلمى :تمام يلا بس عشان متأخرين..
سارت السيده فى مقدمتهم.. و استغربت كلا منهما انها حتى لم تسأل عن المحل بل توجهت اليه مباشرة..
السيده :تعالوا يا بنات..
امسكت ساره بيد سلمى و دلفت خلفها.. و ما كادوا يدخلوا.. و لاحظوا نظرات الرجل الموجود.. موجهة نحوهم بطريقة غريبة..
سلمى بهمس :تعالى نمشى يا سارة.. انا مش متطمنه..
ساره :و لا انا.. تعالى يلا..
التفتت الفتاتان لتخرجا من المحل و لكن فجأه أمسكت السيده ساره و كممت فمها.. و ما كادت سلمى تصرخ حتى كممت سيده أخرى فمها..