أين ثقتك بي!

البارت السابع عشر

#اين_ثقتك_بى! ♥️
#البارت_السابع_عشر..
مع آخر كلمة نطقها الدكتور سأله باسل بسرعه :ممكن اشوف كاميرات المستشفى!..
الطبيب باستغراب :للأسف ما ينفعش..
باسل :و اذا جبتلك تصريح بكدا توافق..!
الطبيب :و الله اذا جبت التصريح بقا.. عن اذنك..

بعد ذهاب الطبيب سألته ساره باستغراب :عايز تشوف الكاميرات ليه يا باسل!..
باسل :انتى مش سامعه الدكتور بيقول اى!.. اكييد حصل حاجه فى الوقت دا و كانت السبب فى تعب مراد..
ساره :طب هتشوف الكاميرات ازاى!..
باسل :استنى..
رفع الهاتف على اذنه بضع لحظات قبل أن يتحدث.. :فهد باشا..
فهد :باسل!.. عاش من سمع صوتك..خير!
باسل :عايزك فى خدمه صغيره بس..
.....
فهد :يااه كل دا حصل.. وانت لسه جاى تكلمنى دلوقت.. طب مراد عامل اى دلوقت!..
باسل :الحمد لله بقاا كويس شوية.. لسه مانعرفش اى اللى هيحصل..
فهد :طيب انا هجيبلك التصريح و اجيلك..
باسل :تمام.. مستنيك..

بالفعل أتى فهد بالتصريح.. و كانت ساره عند مراد بالغرفه بعدما الحت على الطبيب لتدخل له قليلا..
باسل و هو يمد له يده :اخبارك يا فهد!..
فهد و هو يمد يده هو الاخر :بخير الحمد لله.. التصريح اهو..
باسل :تعالى معايا بقا اما نتأكد..
وصلوا لمدير المستشفى.. ليريه فهد هويته.. و كذلك التصريح..
المدير :معقوله يا باشا جاى بنفسك.. اتفضلوا.. اتفضلوا..
اتجهوا معه إلى غرفة الكاميرات.. و ها هما يراقبان التسجيل فى الفترة ما بين الفجر و الصباح..
باسل بسرعة و هو يشير للفيديو.. :بس.. وقف هنا.. بس مش ظاهر وشه.. كان عامل حسابه و لبس قناع..
و أشار لمهندس الكاميرات.. :عايزك تجيبيلى تحركاته من اول ما دخل المستشفى لحد ما طلع..
لم يستفد باسل من التسجيلات حيث كان الرجل مقنع.. منذ دخل المستشفى فى الخفاء و اتجه لغرفة مراد ليظل بها قليلا.. ثم خرج من الغرفه و من المستشفى كاملة...
خرج باسل من غرفة الكاميرات و بجانبه فهد فاقدين الأمل.. ليتجهوا نحو غرفة مراد.. و بينما هم على وصول آفاق باسل على جملة فهد :هو فى جمال كدا!..
انتبه باسل لما ينظر اليه فهد.. فيجد ساره التى تجلس أمام الغرفة و تقرأ القرآن..
:انت اتجننت.. انت عارف دى مين!..
فهد و هو لا يزال ينظر لها.. :هتكون مين..! دى قمر..
باسل :دى مرات مراد يا اخويا.. خلى بالك بقا..
فهد و هو يحمحم :ماكنتش اعرف.. انا مش مستغنى عن حياتى.. بس بصراحه هى جميلة اوى..
باسل :برضو!
فهد :اسف.. اسف.. خلصنا يا عم..
لينهوا كلامهم عند وصولهم لها..
باسل :شوفتى مراد يا ساره!
ساره و لم تنتبه لفهد :اها.. بس كلمته كتير و مفيش اى رد فعل.. انا خايفة اووى يا باسل..
باسل :متقلقيش.. إن شاء الله هيكون بخير.. اعرفك على حضرت الضابط.. فهد السيوفى.. صديق قديم لينا انا و مراد..
ساره و قد انتبهت له فابتسمت ابتسامه باهته :تشرفنا..
ليرد لها فهد الابتسامه بتوتر..
نظرت ساره مرة أخرى لباسل :عملت اى!.. لقيت حاجه فى الكاميرات!..
باسل :زى ما توقعت فى واحد دخل عند مراد.. و فضل شوية و بعدين خرج قبل ما يتعب على طول.. بس للاسف كان سابقنا بخطوة و لابس قناع..
ساره :يا ربى.. انا خايفة اوى على مراد.. مين تانى عايز ياذينا بالشكل دا!..
باسل :متقلقيش يا ساره.. انا هعين حراس خاصة بيا قدام المستشفى و قدام الطابق دا.. مش هسمح لأى حاجه انها تاذى مراد..
مرت فتره.. اخبرهم الطبيب ان مراد دخل فى غيبوبة.. و لا احد يعلم متى يفيق منها.. كانت ساره لا تترك المشفى تقريبا.. الا لتتجه للمنزل فتستحم و تحضر بعض الأشياء و تعود مرة أخرى..
و باسل يذهب للشركة طوال النهار..فالعمل تراكم عليه وحده..و يذهب للمستشفى مساء قليلا.. و أهل ساره يجلسون معها طوال النهار و يذهبوا اخر اليوم.. فتظل هى بجواره.. بعدما سمح لها الطبيب.. بعد اصرارها.. لتظل هى فقط بجواره..

بعد مرور شهر .. فى الساعة الواحده بعد منتصف الليل تحديدا.. تجلس ساره بجوار مراد و هى تمسك يده..و تبكى :اصحى بقا.. معقوله موحشتكش.. طب.. طب مش عايز تقوم عشان خاطر ابننا.. عارف انا حاسه انه هيبقى ولد.. واخد كل ملامحك و صفاتك.. قوم بقا عشان خاطرى..
ظلت تبكى و هى تنام على بجوار يده.. :مراد انا مش هقدر اعيش من غيرك.. و الله ما هقدر.. ارجوك خليك جمبى..
مراد بتعب :و مراد مايقدرش يعيش من غيرك..
رفعت ساره عيونها المليئة بالدموع بسرعه لناظره بصدمه ممزوجه بالفرحه :مراد!.. مراد انت صحيت!..
مراد بسخرية و تعب :لا لسه نايم..
ساره بفرحه و هى تضمه :انا مبسوطه اووى.. انت صحيت بجد..
مراد بتعب :اههه.. يا مفترية انا لسه تعبان..
ساره و هى تبعد عنه بسرعه و ارتباك.. :انا.. انا اسفه.. بس انا مبسوطه اوى.. ه.. هروح انادى الدكتور..
اوما لها مراد بتعب..
لتخرج بسرعه و تجلب معها الطبيب
دخل الطبيب و الفرحه باديه على وجهه :حمدالله على السلامه يا بشمهندس..
مراد بتعب و هو يحاول الاعتدال :الله يسلمك..
الطبيب و هو يشير له بيديه :انا عايزك ترتاح خالص.. ماتبذلش مجهود.. انت فوقت لان كان عندك اراده انك تفوق و البركه فى المدام بقا.. ماسابتكش و لا لحظه و حاولت على قد ماتقدر.. لكن كان احتمال كبيير انك تدخل فى غيبوبة طويلة بسبب وقوف قلبك المتكرر..دانت غبت عننا شهر بحاله 
نظر مراد لساره و هو يبتسم بحب.. و بعض الغيره من هذا العجوز الذى يمدح زوجته..
الطبيب بعدما انهى فحصه لمراد :و الله انت بقيت عال العال.. بس هتفضل عندنا كام يوم بس عشان ماتحصلكش اى مضاعفات.. و بعدين تقدر تخرج.. عن اذنكوا..
مراد :شكرا يا دكتور..
خرج الطبيب من الغرفه و نظر مراد لساره التى تحاول كبت دموعها.. :ساره! مالك يا حبيبتى بتعيطى ليه!..
اندفعت ساره إلى احضانه و هى تبكى بشده  :مش قادره اتخيل انى ممكن اخسرك ابدا.. انا مقدرش اخسرك يا مراد.. مقدرش اعيش من غيرك و لا اربى ابننا من غيرك..
مراد باستغراب :ابننا!..
وعت ساره لما قالت فخرجت من احضانه بخجل :احمم.. اه ابننا
و أمسكت يده و وضعتها على بطنها..
مراد بصدمه و هو ينظر ليده الموضوعه على بطنها و يعاود النظر لعيونها.. :انتى.. انتى !..
ساره و هى تبتسم بفرحه و توتر :انا حامل..
صمت لوهله يستوعب ما تقوله.. حتى أن ساره احست انه غير سعيد بالخبر.. حتى قاطعها مراد بفرحه و هو يضحك و يحضنها :انتى حامل.. يعنى انا هبقى اب.. هبقى اب و اخيرا.. انا مش مصدق نفسي..
أخرجت من تفكيرها اى شىء سلبى و فرحت لفرحته.. فزادت من ضمته لها لتشعر بالأمان..

فى اليوم التالى طلبت ساره من باسل ان يأتى مع أهلها.. لأمر مهم و لم تذكر شىء.. بعد طلب مراد منها
كانت ساره تجلس أمام غرفته بتذمر بعدما طلب هو منها ذلك..
فرات الجميع يأتى ناحيتها و القلق بادى على وجوههم.. فرسمت الحزن ببراعه على قسمات وجهها.. باسل بقلق :خير يا سارة اى اللى حصل..
الاب :قلقتينا يا بنتى اتكلمى..
كانت صامته فقط و تتطلع إلى وجوههم بحزن حتى نطقت وأخيرا بنبرة باكيه :مراد.. مراد..
لم ينتظر باسل اكثر من هذا و اندفع إلى غرفته بسرعة البرق و خلفه الجميع.. ليتفاجئوا به و هو يضحك عليهم بشده.. لم يكد احد يستوعب الصدمه حتى دخلت ساره لتجلس بجواره و هى تضحك..
كان أول من خرج من صدمته هو باسل :اى اللى بيحصل هنا!..
#يتبع..
#Nourhan_Sabri♥️
انبسطوا بقا شوية عشان مش هخليكوا مبسوطين كتيير 😂♥️رايكوا فى كومنت لطيف بلييز و تفاعل ♥️♥️♥️♥️🌿