أين ثقتك بي!

البارت الثانى عشر

#اين_ثقتك_بى! ♥️
#البارت_الثانى_عشر..
عادت ساره من ذكرياتها و ابتسامه جميلة ترتسم على شفتيها..بينما تنهمر دموعها ببطء :معقولة تكون نسيت ذكرياتنا كمان!..
جائها صوته من خلفها :مستحيل انسى...
التفتت ساره بسرعه لتجده يقف و ينظر لها بحب..
ساره :مراد!..
مراد بحب :مستحيل انسى ذكرياتنا...
ساره بعتاب :بس انت نسيت يا مراد.. نسيت كل حاجه..
مراد :كان لازم اعمل كدا.. لو معملتش كدا كان الحقير دا هيقتل اهلك..
ساره و هى تتطلع له بصدمه :انت بتقول اى!..
مراد و هو يتنهد بعمق  :هحكيلك..
......
ساره بتفاجؤ :كل دا حصل وانت ماقولتليش!..
مراد :ماكنش ينفع احكيلك..
ساره :بس انت جرحتنى..
مراد :ماكنش قصدى..
ساره :سيبنى شوية يا مراد..سيبنى و انا هرجع لوحدى..
مراد :هعمل اللى انتى عايزاه.. بس عايزك فى كل تفكيرك تفتكرى حاجه واحده.. مراد ولا حاجه من غير ساره..
ساره بدموع :و ساره و لا حاجه من غير مراد.. بس عايزة ارتاح فترة.. عايزة ابعد..
مراد و هو يمسح دموعها :ارتاحى فى حضنى..
ساره :بلجأ لحضنك فى اخر الطريق..

تانى يوم..
ساره :يعنى هترجعى وتسيبينى انتى كمان..
سلمى :قصدك اى ب وانتى كمان هو فى حد غيري!..
ساره بتوتر :لا لا مش قصدى.. بس هترجعى دلوقت ليه..
سلمى :امتحانات قربت و ماذاكرتش لسه و مراد كلمنى و قالى انه هيخلى حراسه معايا للاحتياط على ما اخلص امتحانات..
ساره و هى تحضنها بدموع :طب خدى بالك من نفسك بالله عليكى..
سلمى :متقلقيش عليا يا حبيبتى.. اول ما اوصل هروح لمراد.. هو قالى انه هيدينى قلم تقريبا فيه GPS.. و بكدا هيعرف انا فين فى كل وقت..

بعد قليل ودعت ساره اختها لتظل وحيده فى هذا المنزل النائى..

فى مكان آخر.. بعيد قليلا عن التجمعات السكنيه.. يشبه المصانع القديمة.. كان كريم يجلس مع رجاله.. و هو يفكر بخطه جديده ليدمرهم.. امسك هاتفه ليهاتف احد الأشخاص.. انتظر قليلا ليتحدث..:المرادى الدور عليك انت تتحرك..
المجهول بسخرية :انا بقول انك تبدأ العد التنازلي لنهايتك.. لان مراد مش هيرتاح الا لما ينهيك..
كريم ببعض التوتر و الخوف :بس ماتنساش اننا شغالين سوا..
المجهول :و انا هفضل سر.. لحد الوقت المناسب..
قطع حديثهم دلوف الشرطه لمكان كريم.. الذى حاول الهرب بعدما آفاق من صدمته.. و لكنهم بالفعل كانوا امسكوا به و بجميع الرجال..
كل هذا و كان المجهول على الهاتف الذى وقع أرضا فتحدث فى سره :دى نهايتك يا كريم.. لكنها بدايتى.. لسه الحرب مخلصتش..

يجلس مراد أمام كريم فى غرفه موصده.. بعدما طلب مراد ان يقابله.. و أجرى اتصالاته ليتم الأمر بالفعل..
كريم :خير جاى تشمت فيا!..
مراد بسخرية و برود :لا جاى نلعب على المكشوف..
تعصب كريم من إعادته لنفس جملته الذى قالها له من قبل.. :و هو لسه فى لعب..!..
مراد :طبعا.. و خصوصى انى متأكد انك مستحيل تكون العقل المدبر لكل اللى حصل دا.. خصوصى انفجار المستشفى.. انت واحد لسه طالع من السجن.. لحقت تجمع رجالتك هنا و فى ألمانيا كمان..
كريم بابتسامة سخرية :يعجبنى فيك انك فاهم كل حاجه.. اوعى تفكر انك لما خلصت منى يبقى انت كدا خلصت من أعدائك.. أعدائك كتيير.. و كل ما هتخلص من واحد هتلاقى غيره.. بس هيفضل المجهول دا مستحيل تعرفه.. لانه ممشى الكل تحت أمره..

خرج مراد من المكان و هو لا يشعر بلذة الانتصار اطلاقا.. هو بالفعل استطاع إثبات كل جرائم كريم القديمة و الجديده.. و تدخل السلطات الألمانية سهل الأمر عليه.. هذا غير محاولة خطفه لساره و سلمى.. التى اثبتتها الكاميرات أمام شقة ساره حينما كسروا الباب ليتفقدوها..
و لكنه طوال الوقت كان متأكد ان كريم ليس وحده.. و الآن بدأت حرب جديده.. و لكن الفرق انه لا يعرف من عدوه.. و لن يبوح كريم باسمه مهما حدث..

رنات متتالية باسمه على هاتفها.. كانت متردده.. اترد ام لا.. ولكنها حسمت أمرها و وضعت هاتفها على وضع الصامت.. فاتحتها منه رسالة.. "مش عايزة تردى!.. براحتك.. انا بس كنت عايز اقولك ان فى مفاجأه هتعجبك اووى.. و لازم تيجى تشوفيها.. موجوده فى بيتكوا القديم.. هتلاقى عربية واقفة بسواق على بعد مناسب من البيت.. البسى و اركبى فيها.."
ساره و هى تحدث نفسها بصوت عالى :هو مفكرنى هسمع كلامه يعنى.. اكيد بيحاول يصالحنى.. و بيعمل كدا عشان ارجع.. بس انا برضو مش هسمع كلامه.. هه...
اتتها رسالة أخرى" ماتقعديش تكلمنى نفسك كتيير.. و صدقينى المرادى مش انا المفاجاه.. قومى بقا و انجزى "
ساره بخوف و هى تتلفت حولها :يا ماما.. هقوم هقوم..
اتتها رساله "ايوا كدا لما بتسمعى الكلام بتبقى شطورة و قمر"
ألقت ساره الهاتف بخوف و أسرعت فى ارتداء ثيابها و جمع باقى الأغراض التى وجدتها هنا حين وصلت ذاك اليوم..
بعد فتره ليست بكبيرة خرجت من المنزل بعدما اوصدته.. لمحت سياره بالفعل.. فشرعت فى الوصول إليها.. و سرعان ما انطلقت السياره بعد ركوبها بها..

بعد فتره كانت تفتح باب شقتها و تدلف.. اغلقت الباب و ما لبست ان تستدير حتى لمحت ما جعلها تتفاجأ بشده..
#يتبع...
#Nourhan_Sabri♥️
كنتوا مفكرين انى هخلص بقا و نهاية سعيدة و بتاع.. لا انتوا لسه ما شوفتوش حاجه خالص 😂♥️رايكوا بقا فى كومنت لطيف و تفاعل بلييز♥️♥️♥️♥️🌿