#اين_ثقتك_بى! ♥️
#البارت_التاسع_عشر..
سلمى و هى تركض ورائه للخارج :باسل!.. باسل استنى ارجوك..
و لكن لم تلحقه فقد ركب سيارته و انطلق بسرعه..
لتجد والدها خلفها و هو يتطلع باستغراب :اى اللى حصل و خلى باسل يمشى كدا!.. انتى عملتى اى تانى..!
لم تستطع سلمى الإجابة على هذا السؤال البسيط.. فهى تعرف انها مخطئة.. و لكن الى متى ستصمت.. فاجابته و هى تبكى.. :عشان ماقولتلوش انى عايزه اشتغل.. و روحت مقابلة شغل انهارده و اتقبلت..
الاب بهدوء :و لا قولتيله.. و لا قولتيلنا... ليه عايشه لوحدك!..
سلمى :يا بابا.. انا..
الاب :مادام انتى اعتبرتى اننا مش موجودين فى موضوع مهم زى دا.. اعتبرينا مش موجودين برضو دلوقت.. و اعملى اللى انتى عايزه تعمليه.. بس ماتجيش على خطيبك اكتر من كدا.. عشان هو استحمل كتيير.. و انا الوحيد اللى فاهمك..
نظر لها نظره اخيره قبل أن يتركها و يدلف للمنزل.. بينما هى ظلت تبكى بصمت..و ندم.. و لكن بما يفيد..
فى منزل مراد و ساره..
ساره بتذمر :كل دا بتعمل مكرونه يا مراد!.. امال لو قولتلك عايزه بيتزا..!
مراد و هو ينظر لما اعدّه بفخر :استنى بس.. دانتى هتاكلى صوابعك وراها..
ساره و هى تضع يدها على خدها و تستند بمرفقها على الطاوله بملل :ادينى مستنيه..
خرج مراد من المطبخ و هو يحمل الطعام ليرصه على الطاوله فنظرت له نظرة امل و اخيرا..
مراد :اياكى تمدى ايدك على حاجه قبل ما اخلص..
ساره و هى تذفر بتذمر :حاضر
اعد مراد الطاوله بعدما وزع عليها الشموع و رص الأطباق و بعض السلطات.. لينظر لها بحماس قبل أن يرفع الغطاء عن المكرونه لتقديمها :هاا مستعده!
ساره بحماس هى الأخرى :طبعا مستعده..
سرعان ما انطفأ حماسها ريثما رفع الغطاء لتنظر له ببلاهة
:اى دا!..
مراد بفخر :اى.. شكلها احلى من بتاعتك صح!..
مدت ساره يدها للشوكه بتحاول استكشاف ماهية ما صنعه.. و لكنها لم تجد مكرونه بالمره.. بل كانت اشبه للعجينه..
لتنظر له بملامح ممتعضه :انت عملت المكرونه دى ازاى!
لم يركز مراد على ملامحها او نبرتها و بدا بشرح ما صنعه بفخر :مش انتى قولتيلي اسلق المكرونه و بعدين احط الصوص عليها و اسويها شويه!..
ساره :اها..
مراد :بس يا ستى.. فسلقتها.. بس كانت لسه ماستوتش اووى.. ففضلت حاططها شوية زياده و بعدين حطيت عليها الصوص و زودت شوية ماية عشان تستوى حلو..
ساره بصراخ :حد بيطبخ المكرونه بالميه يا مفترى!..
و اخيرا شعر مراد انه أخطأ "شعر مش تأكد" لينظر لما اعده قليلا :طب استنى كدا اما ادوق يمكن يطلع طعمه حلو..
نظرت له ساره بمعنى "دوق يا اخويا دوق"..
ليمد يده بالشوكه.. و سرعان ماتبدلت ملامحه حينما وضعها فى فمه.. ليصمت قليلا و بعدها نظر لها :تقريبا كدا الملح زياده شوية بس.. قولتيلي كنتى عايزه بيتزا صح.. استنى اما اطلبلك.. مفيش احلى من البيتزا اصلا..
ضحكت ساره على ملامحه الجديه.. ليضحك مراد هو الاخر..
ساره و هى تكتم ضحكتها :يا خساره.. كان عامللى شموع و بتاع..
نظر لها مراد نظره اسكتتها قبل أن يطلب البيتزا لكليهما..
أنت تقرأ
أين ثقتك بي!
Romanceعندما تنعدم الثقة تبدأ المشاكل. رحلة من المشكلات التي تواجه أبطالنا، وإما المواجهة أو الفراق. بعض الحزن، وكذلك الفرح، هكذا هي الحياة.
