بدأ الجزء الأجمل في القصة رح نحاول نختصرلكم لأنو القصة قد ممتعة قد مافيها احداث طويلة
بعد أيام على يوم الخطوبة كل واحد من ابطالنا عايش حياتو بهدوء ميسم ومعاذ لي كل يوم يزيد عشقهم و شفاء ورحيم لي استقروا فالجزائر و أمجد لي والف منار وتعاملها وتبهليلها عليه و حسام لي صار عندو أمل يعاود يعيش الحب لي فقدو بكري و مريم لي رتاحت انو شرين معيطتلها ونسات حكايتها
ولكن كان هذا مجرد فاصل راحة ليهم وكيما نقولو كان الهدوء ماقبل العاصفة
ليوم رح يصرا حدث رائع
ترنننننننننن ترنننننننننن ترنننننننننن
منار : وجبيه هذا مش يرد على تليفونو وقيل تان حاسبني نردلو انا
ترنننننننننننننن ترنننننننن
منار : ياربي وش هذا الانسان لي نخدم عندو يارب العالي ياك مساميه وانا من تحت مشفى لشمبرتو غير باش نرد
ترنننننننننننننن
منار : ليوم تخلاص عليا برا نروح نرد على زهري
راحت منار تجري لشمبرتو دقدقت لباب قداش مرة مي مكاش جواب تقلقت عليه فتحت لباب وياريتها مافتحت
عينيها وساعو وقلبها محبش يحبس من الدق
كان أمجد راقد لحيتو وشعرو مكشردين و عريان من لفوق
منار:ياربي وش هذا قلبي الصغير لا يتحمل
أما فيسع ماغمضت عينيها واستغفرت
وقعدت باهتة حتان سمعت صوت تليفون مرة خدوخرا
ترررررررن ترررررررررررن
خرجت من سرحتها ورفدت تليفون باش تشوف شكون عيط حتان طاحت دمعتها كي لقات المتصل بإسم 🌺قمري🌺
أما لازم ترد
منار بغصة : الو
فريدة : أمجد حبيبي وينو
منار :راهو راقد نتي شكون
فريدة :انت لي شكون هذا تليفون أمجد وانا يماه
منار بفرحة : اهلا مدام فريدة فرصة جميلة حسام يحكي بزاف عليك وعلى طيبتك انا نكون مساعدة مسيو امجد وانا لي نتلهى بيه .
فريدة بحنية : اممم انت لي ماديا عقل وليدي ملي
منار بإيتغراب: ك ك ك ك كيفاش .
فريدة : ههه والو بنتي مي كي ينوض أمجد قلو راني عاملة عشاء فخم غدوى باش تجو تحضرو .
منار :اوك مدام يبلغ .
فريدة: ماتنسايش نتي تان تجي .
منار:اناااا
فريدة:طبعا نتشرف نتعرف بيك ايا الى اللقاء وفرصة جميلة ،
طنننننن
منار استغربت من فريدة كي عرضتها مي حبتها بزاف كانت هدرتها بزاااف حنينة وتبان متواضعة مش كيف وليدها لي كلو على بعضو غرور
حطت تليفون وجات خارجة حتان سمعت صوتو يعيطلها
أمجد : منار جيبيلي نغسل وجهي
منار :اوك
منار كانت بزاف مشوكية ماقلهاش علاش رديتي و زيد عيطلها بإسمها وهو لي مالف يقلها غير اسمعي نتي
راحت جابتلو غسل وجهو وعاونتو باش يبدل حوايجو وقالتلو بلي يماه عارضاتو وماقالتلوش بلي عرضتها هي تان باسكو تعرف ردة فعلو فهذي المدة حفظت كامل تصرفاتو .
أمجد :ماما عرضتني انا برك ؟
منار :لا نتا و حسام وو
أمجد : وشكون
منار: وبس 😳
أمجد :علابالك نعرفك كي تكذبي 🙄 سمعتك كي كنتي تحكي معاها
منار : 😔😔 علابالي بلي متخلينيش نجي معاكم
أمجد : شكون قال ، انتي رح تروحي معانا ولكن عندي شرط .
منار : يااااعمري ربي يفرحك ، مي وشنو هو الشرط تاعك 😅
أمجد :تمثلي قدام العائلة بلي نتي حبيبتي .
منار : مي ياك راك خاطب وهي بنت عمك
أمجد : وانا حاب نفسخ لخطوبة ونتي لازم تعاوني ولا نسيتي علاش جبناك
منار :😔 لا منسيتش حاضر امرك مسيو امجد
أمجد : رح نخلي كوافيرة و مصممة أزياء يجوك لدار و يوجدوك كوني مطيعة دوك تقدري تخرجي .
في جهة أخرى لباب يدقدق بقوة و هي خايفة ضامة رجليها وتبكي وحاكمة لموس فيدها
كلها دقائق وتجرأت وراحت للباب تشوف من العين تاعو سكون لي يدقدق لقاتو سليمان سكران ورافد معاه موس
مريم بلبكى : ياربي احفظني واسترني ياربي مش ناقصني سليمان تع الحبوس يغتصبني ياربي انا عبدتك كون معايا .
سليمان دايخ ويهدر : افتحي رب لباب ليوم نفريها عندي وقت متشهيك ونتي مش حابة
(هذا سليمان خريج حبوس ومتهم بمئات قضايا القتل و الزطلة كان دائما عينو في مريم وهي طول تصدو )
هنا سمعت سليمان يعيط و شغل يتضرب فتحت لباب تجري لقات سليمان طايح وحسام مضروب فيدو بلموس قدام باباها
مشاعرها تخلطو و الحب❤️ لي كانت دافناتو عاود حيا🥰 وهو عينيه يبرقو 😍دمعة طاحتلو
حسام بحب وألم : مش رح دخليني 🥺وتعالجي القلب المجروح💔 قصدي اليد المجروحة 😳
مريم ماكانتش حاطة مع هدرتو ومعرفتش روحها كفاش جرات وحضناتو🤗 بكل قوتها وتبكي وتشهق
وهو مكانش افضل منها رغم لي هو مجروح حوطها🥺🥺 بيديه و زير عليها وهمسلها فوذنها
حسام : توحشتك🤩
مريم زادت فلبكا 😭ومبعد بعدت عليه و قاتلو : راك مليح يدك فيها دم 😱
دخلاتو وعلقت لباب و قعدت تعالج فيدو وهو مانحاش عينيه من عليها 😏
مريم : كفاش عرفت داري
حسام : كي نحب نعرف حاجا نوصللها
مريم : قد مانشكرك منقدرش نوفي اليوم انقذتني ربي يحفظك
حسام : متخافيش مادامني معاك حاجا ماقيسك
مريم حسن بالأمان ولأول مرة كائن أنسان حاب يسندها مي بقات تخبي في مشاعرها
حسام : مش رح يزيد يديرونجيك بعثت رجالي يعملولو قرصة وذن صغيرة
مريم : انت انسان مليح بزاف وساعدتني مش عارفة كفاش نردلك هذا الجميل .
حسام : تقدري ترديهلي
مريم : كفاش ؟
حسام : بأنك تحكيلي
مريم : وش نحكيلك ؟😳
حسام :علاش رحتي ؟
مريم :قصة طويلة رح نحكيهالك
مريم حكاتلو كلش
حسام : 🥺🥺🥺 علاش مجيتينيش علاش محكيتيليش علااااش كنت رح نردك مثلا مش رح نساعدك مثلا علاش يا هالة علااااش
(نظن انكم فهمتو وشكوكم في محلها ايه مريم هي هالة لي هربت وهي بنت شفاء الأسرار رح يبداو يتكشفو بلعقل)
مريم : حسام كنت صغيرة مكنت نعرف والو كان همي الوحيد نهرب من الجحيم لي كنت فيه كون مهربتش كون قتلت روحي
علابالي هروبي مكانش حل صحيح و خلاني نخسر بزاف حوايج أولهم ماما خويا اهلي احبابي واصدقائي مي هذا وش كنت قادرة ندير .
حسام : حوست عليك بزااااف مخليت حتى بلاصة هالة قلبي تحرق عليك 🥺
مريم :مكانش بساهل نروح ونخليكم بلاك انت الوحيد لي حوست عليا ماما وماسقساتش عليا
حسام : لالا متقوليش هاك يماك دارت المستحيل باش تلقاك ولكن تعرفي منذر راجلها انسان سيئ مخلاهاش تكمل حياتها بسلام
مريم : على كل دوك صرا لي صرا حسام اوعدني هذا الشي يبقى سر بيني وبينك مش حابة إنسان خلاف يعرف ومش حابة ميسم ومعاذ يتأثر زواجهم بمشاكلي
حسام : اوك وعد انا لي يهمني حاليا انك تكوني بخير وانو نبقاو على اتصال
مريم : اكيد انا مصدقت نلقى سند فحياتي
حسام : 🤩🤗
رأيكم فتعليقات و واش تتوقعو يصرا فعشاء السيدة فريدة
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
