نروحو لمريم لي ضاق بيها الحال ومول الدار لي كاريتها يحوس على على دراهمو لي ثلث شهر مخلصاتوش فيهم
مريم : سمحلي والله مني واجدتهك ليوم اصبر عليا سيمانة برك
السيد : مادموزال عندك سبع سنين تكري عندي دايما نسامحك ونقول معنها اي واحد و نعاونك بصح انا تان راني نخدم على روحي و نسترزق من هذي الدار و كراها
مريم : ربي يعيشك والله ملقيت من عندمن نتسلف و السيد لي نخدم عندو يحقرني في الخلاص بيسك علابالو معندي حتى واحد
السيد : كيفاش ؟ مش يخلص فيك ؟!
مريم : اغلبية الوقت ميمدليش كام دراهمي دايما ينقصلي منهم مهما نخدم يحسملي
السيد : شكون هو هذا مول الحانوت .
مريم : السيد سعيد ********
السيد : اوك خليه عليا .
مريم : 😱😱😱
راح مول البيت و مريم شوي رتاحت مي خافت كشما يديرلو وفي نفس الوقت خايفة من صاحب البيت كون يدور عليها و يحاوزها وين تروح
بقات مريم افكار تجيها و افكار تديها حتان عيطتلها ميسم
ميسم : ألو ماشيغي حبي وكامل شاعندي
مريم : 😕😕😕 وقيل تحسابلك اكي تحكي مع معاذ
ميسم : لا حبي راني نحكي مع مريومتي ، وشراكي .
مريم : مليحة ونتي بلا ما نسقسيك وشراكي باينة في احسن حالك
ميسم : ويييي مي تخيلي علاش
مريم : علاش !! 😕😕😕
ميسم : ياك غدوة يجي معاذ مت دارهم يخطبوني ولا نسيتي
مريم : لا منسيتش مي هذي علابالك بيها قبل سمانة زعما اليوم نفحتلك تفرحي هاك ؟!
ميسم : ههههه وي ، ايا وجدي روحك نجيك و نروحو لمنار باش نشرو شوي صوالح
مريم : ههه اوك ، مي بلاك منار خدامة
ميسم : نخطفولها من وقتها ساعة برك
مريم : هههه مهبولة اوك
ميسم : تشاو حبي
مريم بعد ما كوبات ديراكتومو طاحت على الفراش و كيف العادة جا بين عينيها حبها الوحيد لي جامي نساتو رغم انو ماشافتوش عندها اكثر من سبع سنوات
مريم هذو السبع سنوات تبدلو فيها بزاف صوالح مثلا رزانت وولات تخمم بعقلها متنساوش لي هي صار في عمرها 25 سنة
كل يوم تتخيلو معاها كل يوم يزيد حبها ليه مي علابالها بلي جامي تكون ليه وجامي يكون ليها خاصة بعد الظروف لي عاشتها و خلاتها تفقد عايلتها
مريم مدمرة نفسيا ولكن متبينش خاترها قوية و متحبش تبين ضعفها ولكن لويكتا
مريم رغم انها عارفة صعوبة وضعها و استحالة زواجها بالانسان لي تحبو إلا انها عندها أمل ولو صغير انها تتلاقى بيه و تعترفلو
رقدت مريم على خيالها و بناء احلام وهمية
عند ميسم
ميسم : بقفففف ذي البقرة من قبيل ندقدق عليها وجبيها مش تفتح نعيط لمنار باش توجد روحها بيلاما فتحت لمعزة لباب
ميسم : الو منورتي
منار : اهلا وجه الخير
ميسم : وجبيكي تحكي بالعقل
منار : امجد راقد
ميسم : شكون امجد
منار : بففف بوطون هاهي ، امجد الانسان لي نخدم عندو هذاك لي قتلك سامط و عابس وشرير و ميعرفش الضحكة
ميسم : بخخخخخخ هههه صييي عرفتو اسكتي
مهم وجدي روحك رح نخطفك ساعة
منار : غير الخير
ميسم : رح نروح نشري صوالح انا ومريم لخطبتي ولازم تروحي معانا
منار : ااااه نسيت كامل بلي غدوة الخطبة ، مي اني خدامة كفاش نجي والله يزعف عليا المقلق تع امجد
ميسم : بليز بليز بلييييييييييييييز في خاطري احرقي غير ساعة في وجهي بليييييز يامنورتي ياحبوبتي
منار : اشششت خلاص دوك ينوض صيي دوك نشوف كيفاه نهرب
ميسيم : ميرسي بب قبلاتي موااااح
منار : ممممح
عند مريم لي فاقت بصياح ميسم عند الباب وجدت روحها وخرجت مع ميسم باش يروحو لمنار
نروحو لمنار لي تحوس على سبة باش تروح بيها
وبلا ما يفيقلها أمجد
ناض أمجد يتكسل و منار كالعادة تطل من الشباك تع غرفتو
بعد ماناض امجد منار جاتها خطة جهنمية باش تخدعو و تروح
منار : اااااااي يا يما يا يما كرشيييي اااااه لوجاع اااه مقدرتش
امجد : وجبيكي شاكاين
منار : مسسسيو امممجدد كرش اااااااه مغدرتش
امجد : ااه كسرتيلي راسي بلعياط روحي كشما تشري دوا
منار : اااه مي ملازمش اي نخليك وحدك يعاقبني مسيو حسام
امجد : لا دوك تجي فاطمة تقوم بيا غير روحي مطوليش برك
منار : ميرسي مسيو امجد
منار خرجت تجري فرحانة و امجد شابع عليها ضحك حسها بزاف ساذجة
امجد : هههه والله مهبولة حسبتلها خدعتني
امجد مع انو ميحبش لبنات و نظرتو مش مليحة من ناحيتهم الا انو حاس بفرحة كي ضحكت و حس روحو فرحان كي حسسها انو مافاقلها
مي مش عارف يوصف شعورو او بجملة خدوخرا مش حاب يعترف انو أثرت فيه و حولاتو من رجل جامد الى انسان
ياترى وش رح يصرا في الحلقات القادمة
انتظروني
.
.
.
.
رأيكم فالحلقة
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
