منار بعد مقرات هذي الجملة حبت تجربها على امل انو يحس يلو بنغزة صغير
كملت قراية جزء من طريقة نغز و غلقت لكتاب راحت طلت على امجد لقاتو راقد و شعرو مغطي وجهو و لحيتو مطراسية في لحظة تاهت فيه و حبت تكون طول مقابلاتو و مبعد فاقت مع روحها شافت ساعة لقات بلي هذاك هو تقت فراغها تروح تشوف باباها اصلا توحشاتو و خايفة عليه اكثر من عمرها
راحت بدلت حوايجها و كي كانت رايحا لقات حسام سلمت عليه وخرجت
دخلت لدار وهي فرحانة لخاتش اول مرة تكون منار متأكدة انو باباها هذي لمرة تلقاها مليح و يضحك
دخلت مبتسمة حطت لقضيان لي شراتو فطريق من دراهم لي عطاهملها امجد كادفعة اولى وراحت على طول تعنق و تبوس في باباها كل ماتغيب عليه تتوحشو ايه هذاك معندها
عبد الرحمن : خهخخخخ يابنتي بشوي عليا علابالي تتوحشيني مي راكي تخنقيني هاك
منار: بعيد الشر عليك باباتي وش عندي من غيرك نتا كلش كفاش منتوحشك
عبد الرحمن: ايه يابنتي ليوم جيتي فرحانة ربي يدومهالك بصح وش فرحك
منار : ياعمري ياباباتي كفاش منفرحش وانا اول مرة في حياتي ندخل لدار نلقاك مليح و تضحك و دافي و شبعان و دواك واجد
عبد الرحمن بدا يبكي
عبد الرحمن : يابنتي ربي يحفظك ليا وراني راضي عليك دنيا و آخرة
منار كانت تبكي و مبعد ولات تضحك وقاتلو: هخخخخخ بابا اول مرة نفرحو هاك دورناها بكا نروح نوجدلك قهوة ونجي
عبد الرحمن: يابنتي كون ديريلنا مع قهوة سفنج
منار : من عيوني يا عيوني
عبد الرحمن : ربي يحفظلك عيونك هههه
راحت منار للكوزينة لي كانت مجهزة من كلش حسام وجدلها هذيك دار من كلش باش تقبل تخدم عندهم
منار خدمت سفنج الله الله و طيبت لقهوة وسقهوات هي و باباها
منار : باباتي
عبد الرحمن : قلب باباك
منار : انا عندي ايامات فلأسبوع نولي نخدم فليل
عبد الرحمن : بصح وانا و دوايا
منار : ايه انا على ذاك حبيت نجيبلك مرا تخدم عليك في الوقت لي نكون انا خدامة
عبد الرحمن : بصح منار بنتي علابالك دراهمنا يادوب يكفونا
منار : لالا بابا لي نخدم عندهم دارولي شهرية مليحة
عبد الرحمن : اوك بنتي ديري لي تريحك وليوم تخدمي فليل ؟
منار : لا ليوم ديت اذن مي غدوة منخدمش فنهار و نخدم فليل
عبد الرحمن : ربي يقويك بنتي
منار : اييييه وش رايك نخرجو ندورو و منها نعرفك على اصدقائي
عبد الرحمن : ايا ربي يسهل بنتي
خرجت منار هي و باباها لوحد لكافي زين شباب عيطت لمعاذ باش يجيب ميسم و مريم و يجي مطولش وكان جايبهم وجاي
منار : بابا راهم جاو
معاذ : اهلا عمي وباسلو راسو
عبد الرحمن : اهلا و سهلا ومرحبا بولادي
ميسم و مريم باسولو يدو وراسو
اهلا ربي يرضا عليكم
مريم : وشراك عمي لباس
عبد الرحمن قلها حمد الله و مبعدا دقق في وجها وفجأة صفار وجهو
ميسم : عمي وش حوالك ريحت ياك
عبد الرحمن : حمد الله يابنتي مادام منار معايا راني بألف خير
سي عبد الرحمن تعرف على اصدقاء منار و حبهم بصح وجه مريم جاه غريب و مرتاحلهاش
منار عرضتهم للعشا حضرتلهم عشا بزاف بنين و مريم و ميسم عجبتهم بزاااااف دارها تعشاو و راحو
ونهار تاني قضاتو مع باباها
لي عندها تقت مع قعدتش معاه قعدة مليحة و زهات
كملو نهارهم ضحك ولعب و طيبتلو كل ماطاب و لذ مي لحق ليل و لازم تروح للخدمة
مدولي رايكم فلحلقة في تعليقات
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
