بعد مافطرت منار خرجت و داوها رجليها للفيلا تع سي أمجد دخلت بدلت حوايجها و راحت لسي أمجد
منار : صباح النور سي أمجد
أمجد إكتفى بسكات
منار : ايه . درك تشرب دوا و بعد نص ساعة ندرلك المرهم
أمجد : شربت دوا وبقات ربع ساعة على المرهم
منار : اه اوكي ، أنا نروح نجيبلك كشما حاجا تاكلها
أمجد : ......
منار: 😐😐😐😐😐
راحت منار للكوزينة و عطاتلها طباخة ديالهم شوي ماكلة ، طلعت ليه حطت الماكلة فوق المائدة و قدمتلو المايدة وين قاعد
أمجد : منكلش
منار : لازم تاكل على جال دوت
أمجد ( بزعاف ) : قتلك منكلش متفهميش نتي
منار : 😌😓😓😓😓 اوك
قعدت منار فوق كرسي و جبدت كتاب تع طرق علاج المعاقين و قعدت تقرا أما أمجد كيف العادة قاعد فلكرسي المتحرك و مقابل تاقة يخزر في الجو الممطر لي داير حالا
ومنار مكملة تقرا وعندها أمل أنو تلقالو حل باش يرجع يمشي
منار : سي أمجد وقت المهم
أمجد تلفت ليها بلاما يهدر
ناضت منار و مشاتو بلكرسي لجيهة السرير حاولت تهزو و تحطو فوق سرير مي ماقدرتش لكن بعد عناء و عدة محاولات حطاتو فسرير
أمجد : بشوي هلكتيني
منار: ديزولي مسيو أمجد
منار كسلتلو كرعيه وبدات تحط فلمرهم و تدلك مي والو مش يحس
حاولت توجعو بكل طرق مي مكانش حتى إستجابة كملت المرهم و غطاتو مليح و علقت الباب باش مايدخلوش الهوا لخاتش مذكور في لائحة تاعها بلي أمجد كون يصاب بربو رح يدخل سبيطار
قعدت فكرسيها و كملت قراءة الكتاب
أمجد رقد
أما منار و هي تقرا وصلت لجملة تقول
"الشوكة أو الدبوس : يغرز دبوس أو شوكة على الجهة المعاقة للمريض أملا للحصول على تنبيه للأعصاب"
..........
ياترا وش رح يصرا ممبعد
خلولي توقعاتكم
#الكاتبة maghima
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
