#الجزائر
داليا : ألو ماما
سهام : اهلا بنتي وشراكي
داليا : يما منيش مليحة كامل منيش حاملة روحي كامل
سهام : اياكي تكوني تخمي تتراجعي و تفسخي لخطوبة مستحيل نخليك ضيعي هذي الفرصة لي نستنى فيها من سنين
داليا : لالا ماما مش رح نتراجع مي صراو بزاف صوالح قلقوني
سهام (بغرابة): بنتي واش صرا حكيلي
داليا: يما جبت خدامة لأمجد
سهام : ايه حاجا مليحة تتهناي منو باش ميقلقكش بطلباتو
داليا : يما المشكل مش لهنا المشكل انو اني شاكة كاين علاقة بيناتهم
سهام : نن ماتتقلقيش بنتي امجد نهار و يحاوزها كيف غيرها
داليا : ماما هذي المرة مختلفة
سهام : كيفاش !
داليا : عندها 10ايام تخدم و لدوك ماحاوزهاش
طولت معناتها متوالمين ، علابالك بلي اطول مدة قعدتها وحدة من الخدامات هي يومين
سهام : بنتي شوفي مادام الحكاية هاك معناتها لازن تنفضي الغبار على روحك
داليا : كيفاش ماما
سهام : لازم تغصبو تتزوجو
داليا (بصياح) : اااااه مستحيل يما منقدرش نضيع مستقبلي مع واحد معاق
سهام : يا الجايحة هاك راكي تضمني في مستقبلك مشي تضيعيه علابالك بلي رانا عايشين من خير بيت عمك لازم تكوني كنتهم باش يبقى هذا الخير
داليا : ماما منقدرش افهميني ، وليت نعيفو ماولاش بوقوص كيف كان
سهام : تحبي تعيشي في العز ولا في الذل
داليا : باينا نحب العز
سهام : معناتها خمي بعقلك مش بقلبك
لازم يكتب كلش بإسمك و من تم ارميه و عيشي حياتك
داليا : ماما نخمم في الموضوع و نقلك
سهام : اوك بنتي تهلاي في روحك
غلقت سهام لبوختابل وجات خارجة من صالون ولكن تفاجئت بسليم وليدها قدام باب الصالون
سهام :😱😱😱😱😱 اهلا وليدي من ويكتا ونتا هنا
سليم : من بديتي تتفاهمي مع المجرم باش تقتلو الضحية
سهام :😨😨😨 ككيفاش ؟
سليم : اوووه ڨاد ههههه وجبيكي يما تشوكيتي نبسط معاك هدا وين جيت
سهام : 😌😌😌
سليم : ايه يما واش كاين فلغدا
سهام : ههههه روح سقسي مرت عمك وش تفاهمت مع الشيف انا علابالك خاطيني لكوزينة
سليم : اووو يما من بكري أنوشة 😂😂😂😂
سهام :😀😀😀😀
فجاءة دخل سي حسين
حسين : مشي إنوشة جايحة 😂😂😂😂
سهام : حوووسيين علابالك منحبش ريحة طياب تقعد فيا نعيف روحي
حسين : ههه في داركم كانو الخدم عندك !؟ 😕😕😕
مرت حسان خويا من بكري عايشة فالعز و الخدم ميخلوها دير والو في دارهم مي تحب لكوزينة و طيب
سهام : حبوبي كل واحد ونيفو العقل تاعو 😉
حسين : وي عندك الحق
سهام :😊😊😊😊
حسين : من هذا نستنتج نيفو تع عقلك 0000
سهام : وشنووو ؟؟ 😡😡😡
حسين : والو حبي قتلك ايا نروحو نتعشاو برا
سهام : ااااه ملي لازم نروح للاكوافيز نخدم شعري و الميكاب و نخدم لمنيكير ايييه قريب نسيت و نشري اينغوب سواغي ايا باي حبي نروح ندير شوبينغ
حسين : اووووف لي فيه طبيعة ماتتبدل ربي يصبرني
حسان : واش خويا لعزيز وش كاين مرتك وجبيها خرجت تجري
حسين : رايحا دير شوبينغ
حسان : كاين عرس ؟
حسين : ماديها نتعشاو
حسان : ههههه ولي يتعشى لازم يتكسى
حسين : تعرف عقلية نسا وتعرفها
حسان : اووواه مش كامل انا نوارتي بسيطة مديرش لكلش قيمة
حسين : هههه بدا نزار قباني يشعر عليا
حسان : واش كاش خبار على صحاب تونس
حسين : والله عندي مدة عليهم فليل ونحكي معاهم
حسان : بلاك وحد سمانة ونضرب دورة لتم عندي خدمة نشوفهم فطريقي
حسين : مدامك رايح متنساش افار زينة
حسام : ديجا رايح على جالها باش نفريلها امورها و تستقر مدة تم حتان ربي يجيبلها حل
حسين : ايا مريقلة شريك
.
.
.
.
.
تفاعل نكمل غدوة نشا الله
أنت تقرأ
أحببت مريضي
Lãng mạnعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
