أحببت مريضي

الذكرى الأليمة

ـــ ـــ.                   
متكي كي العادة على سريرو وهرتو مازالها هي هي حاط يد تحت راسو و الأخرى فوق عينيه لابس شورت و الفوق عريان بكور تاعو  هايل يغري اي طفلة دارومة يخمم في نهار لي صرالو الحادث اليوم الأليم اليوم لي تبدل فيه كلش تغيرت حياتو رأسا عن عقب بعد هذاك الحادث  هو ماولاش كيف ماكان
نعرفكم على البطل تاعنا لي هو  أمجد إبن أكبر الأغنياء في دزائر أمجد رغم انو من أغنى الناس إلي أنو بنى نفسو بنفسو إمجد قرر يبني شركتو و مايحبش يحتاج دراهم بوه و نجح في هذا أمجد خلال فترة قصيرة صار من أغنى الأغنياء من غير دراهم بوه بنى شركة خاصا بيه و بعد مدة طور خدمتو بحيث ولات عندو شركة في أمريكا و أخرى في تونس و وحدة في باريس أمجد في عمرو  28 سنة  (نسيت ماقلتلكمش منار في عمرها 20 سنة ) أمجد يتفكر في وش صرالو قبل أربع سنين
#قبل4سنوات
أمجد قاعد في بيروه غارق في الأوراق غدوة عندو إجتماع مهم لازم يسوي وضعية هذو الأوراق قبل غدوة بعد دقيقة صونا تيليفون أمجد بقا بلي عيطلو بوه من لول مكانش رح يرد مي تراجع
سي حسان : اهلا بسي ولدي واش نسيت بلي عندك أب
أمجد : ونتا وش فكرك فيا اليوم ، أكيد كاين حاجا
سي حسان : ايه نحتاجك في موضوع مهم
أمجد : وش الحاجا المهمة ذي ، وش تستحق من عندي .
سي حسان : مزالت في عوايدك ترد فلهدرة ، ارواح عندي و نهدرو .
أمجد : مانجيش حتان تقلي وش كاين
سي حسان: علاش راسك خشين
أمجد : لمن خارج يعني من غير لبويا
سي حسان : رح ندير روحي ماسمعت والو المهم ليلة تكون عندي و تفهم كلش .
أمجد : ماتتأملش ممكن مانجيش و ممكن نجي
سي حسان (بغضب) : لازم تجي قتلك .
أمجد :  انا قلت وش عندي باي سي حسان اه قصدي الوالد ههههه .
فصل الخط
سي حسان : أمجد أمجد أمججججججججد
بففف الله يلعنو
عند أمجد ، نروح ولا لالا مانيش حاب نروح مي لازم
دخل عليه حبيبو حسام سمعو يهدر
حسام : فاش راك تخمم حبيب وين مكش حاب تروح
أمجد حكالو
حسام : لازم تروح و تعرف وش كاين
أمجد : مام انا نحوس نعرف وش يحوس مي علابالك أنا مانتفاهمش  معاه أكيد رح يقلي دير حاجا منحبهاش
حسام : روح و شوف وش يصير في النهاية ماراح تخسر والو
أمجد : نزيد نخمم و نقلك
حسام : هيه  وش درت في الملفات
أمجد : والله راني حاصل لازم نكملهم قبل الإجتماع
حسام : خلي داليا تعاونك
أمجد : مستحيل مش ناقصني تقحبين تاعها
حسام : هههه علابالك بلي ضاربة فيك عشقة
أمجد : و انا ماطلبتش عشق منها
حسام : ههههه اوك سكتنا مي في النهاية تبقى بنت عمك
أمجد : هذا لي مصبرني عليها
حسام : يجي نهار و تعشقها غير هي هههه دنيا دوارة ماشي بوزلوف ههههه
أمجد : هايا هايا اعطي ريح لرجليك اهداني نكمل خدماتي مش ناقصني كثرة الهدرة
حسام : تحاوز فلوجه هاني رايك مي خمم في هدرتي هههههههه
أمجد : روح خير ما نخرجك بطريقتي
حسام خرج و أمجد كمل خدمتو و قرر يروح لدار بوه و يماه و يشوف وش كاين خرج من شركة و ركب سيارتو و راح ديغاكتومو لدارهم دخل لقا عمو و بوه و مرات عمو و يماه و بنت عمو داليا و وليد عمو سليم قاعدين مقصرين تم هو حار و عرف بلي كاين حاجا ورا كل هذا بعد و حط رجل فوق رجل وبدا يهدر ببرودة
أمجد : هيه هاني جيت وش تحوس
سي حسين ( عم أمجد ) : غير الخير وليدي
أمجد ستغرب وقال في نفسو : منين يجي الخير و نتوما مقابليني
هيه حكيلي وش كاين ياسي بويا
نطق سي حسان : وليدي قررت نزوجك
ضحك أمجد ضحكة صفرة : هههههه مليحة هذي لخاتش أنا نرضع في صبعي باش نتا تقرر عليا مليحة ذي
سي حسان : انا قررت و نتا لازم توافق
أمجد : في أحلامك و مانقبلش
خزر فيه عمو حسين و قلو صحتلك بنتي داليا و تزيد تتشرط
هنا أمجد طلعلو زبل
أمجد : وشنو ؟ والله مافهمت عاودولي
فريدة ( ام أمجد) بحنية : وش مافهمتش يا وليدي قرر بوك يزوجك لبنت عمك داليا
نطقت سهام مرات عمو : ولا مش مالية عينك بنتي خمس و خموس عليها
أمجد : قررتو تزوجوني من غير علمي و ب داليا من دون موافقتي والله صحيتو اعترف بأنكم أكبر عائلة مصلحجية أحترمك
ناض أمجد و بدا يسفقلهم و يضحك و في لحظة سكت و قلهم تزوجو نتوما و جا خارج حبسو عمو قلو دقيقة نهدرو أنا و انت على إنفراد
خرج أمجد مع عمو حسين للحديقة تع دار
هدرو بعد ربع ساعة خرج أمجد و زبد طالعلو العايلة كامل حارت فيه و مبعد دخل ليهم حسين فرحان و قلهم مبروك قبل داليا مش واسعتها دنيا فرحانة و بداو زغارت
أمجد يمشي بأقصى سرعة و يضرب في لفولو تع طونوبيل و يعيط يتجرأ يهدد فيا الفرخ
أنا في عمري 24 سنة يقررو عليا وش يسخيبو رواحهم و فجأة يلقى طفلة تكون في 16 سنة قدامو هاربة جا رح يحبس ماقدرش حتان تقلبت بيه طونوبيل و طفلة نضربت شوي
جاو الإسعاف و داوه دخل غيبوبة شهر و ذيك طفلة صرالها كسر في يدها و راحت
بعد مافطن تصدم بالخبر لي جاه
#عودة للحاضر 
قطن يعرق مع انو مكانش راقد مي مجرد التفكير في هذاك النهار يوجعو سمع صوت الباب تع غرفتو يدقدق
أمجد : تفضل
الخدامة : مممممسيوووو ااااااأمجد الفطور
أمجد بغضب  : حطيه و برا تشوفي
الخدامة: مي مسيو أنا المسسسؤولة عليك
أمجد : راكي مطرودة برا
الخدامة راحت حكات لدالية
بعد خمس دقائق جاتو دالية بغضب
أمجد : وش جايا تحاسبي فيا ! روحي قو .... نتي و هي
داليا : أمجد فوق لعمرك رآها هذي الخادمة الوحيدة لي طولت معاك راك للمرة الألف تطرد الخدامة (فرملية أو ممرضة )  لي نجيبهالك
أمجد : ماعندو مادخلك مش عاجبك الحال ماكيش مظطرة تبقاي خطيبتي ديجا وش الحاجا لي تخليك فرحانة بيا هاك و قاعدة عندي
داليا : أنا خطيبتك لازم نقوم بيك
أمجد : مي ماكيش تقومي بيا ظبي تجيبي الممرضات ليا كون عينك فيا كون راكي نتي ممرضة تاعي
داليا : وشراك تخلط أنا بجلالة قدري نولي ممرضة علاش أنا منحطة لهذي درجة ؟؟
أمجد : هههه و أكثر ، علاه وقيل تسخايبي روحك ملكة ههههه فوقي لروحك يابنتي نتي واااالو زيروووو
داليا : باي رح نشوفلك ممرضة خدوخرة على سعدي