أحببت مريضي

لقاء العائلة

نعم أنا تلك البنت الفقيرة انا تلك الوردة الذابلة انا المتأملة رغم كل كل اليأس الذي أعيشه انا اليتيمة ربما سبب همي هي امي لكن لاذنب لها فهي احبت اقول احيانا ان جدي قاسي جدا رغم انه يعلم بحالي لكن لا يساعدني
عن اي الم الناس تتحدث وانا لا اعرف امي و ابي لم يبقى له الكثير
ربما اعطاني القدر اياما افرح فيهم لكن هاقد بدأ يأخذ الفرح مني
تأملت أن حالي سيتغير أني سأعيش مثلي مثل كل الفتيات لكن قدر المنار أن تستغل و تخذل و أن تبقى في بؤرة الفقر و الكتمان
نعم أنا هي التي لم يرغب بي أحد لا اهل ابي ولا اهل امي فأمي حتى هي لم تستطع المقاومة من أجلي
.
.
.
.
كانت هذي كلمات منار في كراس يومياتها قبل ماترقد
رقدت منار
وكان يستنى في أبطالنا يوم جديد رح يكون بداية حلاوة القصة

فاقت صباح منار صباح وجدت روحها و راحت تعاون في ميسم ومريم
اما عند معاذ
معاذ : الو بابا وينكم طولتو
مراد : رانا فطريق
معاذ : صحا بصح ويما ياك معاك
مراد : ايه بسيف لل جات راك تعرفها
معاذ : جيتو غير نتوما ؟!
مراد : ايه علاش شكون حاب يجي وخاصة امك مش قابلة بهذا زواج من اساسو
معاذ : صاحا دوك نعيط لوليد خالي و صاحبنا يجو يوقفو معايا
مراد : منظنش وليد خالك يقدر يجي راك تعرف حالتو
معاذ : لا اكيد مش رح يردني ويجي ، ايا بابا لازم نوجد روحي ونتوما ماتبطاوش
مراد : ايا تربح وليدي
كمل معاذ الهدرة وعيط لوليد خالو وصاحبهم باش يقنعهم يجو بسيييف لا قبل مع انو حالتو ماتسمحش مي قلبو حنين ولازم يوقف مع وليد عمتو

عند البنات
منار : يااااااي ميسم خرجتي تهبلي
ميسم : 😳😳😳
مريم : ياعمري على الحشومة هههههه
منار : ههههه
ميسم : صيي اسكتو حشمتوني ، ايا البسو و وجدو رواحكم قبل مايجو
منار : انا منظنش ندخل ليهم معنديش وش نلبس
مريم : كيفاس معندكش وحنا علاه صحاباتك راني جبت بزاف من لبستي و خيري
ميسم : عيب عليك ولبستي وين راحت عندي لبسة جديدة والله مني لابستها
منار (بالبكى) : والله حسمتوني بلطفكم
ميسم : بففف اسكتي دوك نبكي
مريم : صيي انا بديت نبكي
راحو ميسم ومريم عنقو منار
منار : ميسم متبكيش صيي مكياجك
مريم : هههههههه نورمالمو منبكوش في يوم كيما هادا
ميسم : هههه ايا البسو
منار ومريم لبسو و جدو الضيافة مع أم ميسم

نروحو لأم معاذ و باباه
شيرين : ااااه منك يا معاذ اه وين راك جايبنا ، حنا بجاهنا و شانا نجو لأحياء قصديرية كيف هادي وفوقها نخطبو منها
مراد : اوووووووف ياشيرين اوف توبة ، الولد حب الطفلة وهي حباتو علاه تخمي فالمال
شيرين : انت سبب الطفل ، قال نخدم بعرقي خليتو يخدم في احياء كيف هذي و يتمرمد و قال نكري خليتو يتبهدل وانا ساكتة وتحوسني تان نسكت على هذي الخطبة والله مليحة
مراد: برافو شيرين برافو زيدي عيطي زيدي خلي ناس لي نفوتو عليهم يعرفو علاه جايين ووووووو
شيرين : بصح مرااد ...
مراد : صيي شيرين صيي منسحقكش تهدري خلي الطفل يدير لي يحلالو
شيرين : هاني سكتت هاني سكتت اسكتي ياشيرين ماتدخليش ياشيرين هاني ساكتة ونشوف آخرتها لوين
مراد : جميل وليدي زيد شوي سرعة باش نوصلو
جميل : امرك سي مراد
.
.
.
نروحو للبنات وش لبسو و كفاه خرجو
هذي كانت طلة ميسم