دنيا شتاء ، المطر خيط من سما رياح فس كل بلاص الغيوم السوداء مغطية كامل المكان
في شوارع دزاير الفارغة مكان حتى واحد
تمشي وحدها و مهمومة قلبها يدق تخمم في واش راح يصيرلها صبرت بزاف و ليوم ضاقت بيها كفاش تشري دوا لباباها المريض و هي وحيدتو لا أم و لا أخ و لا أخت يعاونوها حتى عمومها تخلاو عليهم تقدرو تقولو ولات مقطوعة من شجرة ، مالقات وش دير ليوم تحاوزت من خدمتها لأنو رفضت أنو تكون عاهرة ايه المدير تاعها طلب منها انو يبات معاها مقابل مبلغ كبير لأنو يعرف حالتها المادية صعيبة و علابالو بلي باباها مريض و هو نتهز الفرصة مي هي رفضت ذلك و رفضت العهر وهو هددها بطردها من الخدمة و هي كرامتها فوق كل شي خذات قشها و خرجت ، تمشي و المطر طيح عليها حتى برابلوي (مظلة) ماعندهاش وصلت للدار أو بالأحرى للخرابة لي عايشا فيها لقات دنيا مشمخة من لمطر لخاتش سطح تاعهم يسيل منو الماء نشفت الما و راحت عند باباها لقاتو راقد غطاتو مليح و هزت دوا و شدت بلاصتها تستنى كيما كل ليلة نوم يجيها مي كي لعادة تبقى تخمم
تعريف البطلة :
منار طفلة مزيانة سمراء قصيرة شعرها طويل
منار قاسات في حياتها يماها تزوجت بـ باباها رغم عن اهلها و أهلها زعكوها بسبب فارق المستوى لي بيناتهم و حرموها من الورث تاعها ام منار تزوجت و رفدت بمنار مي لسوء الحظ قلها طبيب مالازمش ترفدي وماتت عند الولادة
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
