نرجعو لمنار لي طول العشوة وهي تخمم و مكتئبة
منار صار وقت تروح لدار و تشوف باباها لي توحشاتو
خرجت منار و قبل متروح طلبت الاذن من حسام انها غدوة متجيش لانو خطبة ميسم رفيقتها وكيما كان الحال منار راحت لدار طمنت على باباها مع انو مكانش بصحة جيدة بزاف حالتو تدهور يوم بعد يوم
منار كملت عشيا كومبلي راقدة لانو تعبانة ولكن الأصح هي انو رقدت هروبا من الواقع معادتش قادرة على استغلال و ظلم اكثر من هاك
.
.
.
.
ــــــــــــ. ــــــــــــــــــ.
محمد : ألو معلم
المعلم : قول وش عندك
محمد : معلم وصلت للأوتيل و جماعة متهليين فيها
المعلم : ادخل للأوتيل واخدم خدمتك
محمد : معلم مكاش كيفاه كاين حراصة مشددة عليها
المعلم : وش علمتكم ، الحراصة كامل على الناس إلا ؟؟!
محمد : إلا علينا معلم
المعلم : برافو محمد راني واثق فيك ، نحبك تجيبلي جميع الأخبار علاش جابوها لتونس بالظبط و زيد وشمن خطة راهم معولين عليها
محمد : معلم مادام جابوها لتونس اكيد كاين حاجا في بالهم ، مستحيل تكون صدفة
معلم : وانا حاب نعرف وش هي هذي الحاجة
محمد : كون مطمن معلم رجالنا في كل مكان والبنت مارح تتمس حتى شعرة منها و رح نخبرك بجميع المعلومات أول بأول كونك هاني
معلم : محمد. انا واثق من قدراتك
انتهت المكالمة
رياض : معلم مازالك مع هذي القضية ، ويقتاش تنساها
المعلم (يصبح ) : قدااااش مرة نقلك هذي حاجا مش نورمال هذو بناتي لازم نتبع أخبارهم و في اسرع وقت رح نجيبهم عندي و رح يتلم شملي معاهم ورح نعوضهم الحنان لي سرقوه عايلة السيلمان مني رح نطبق الأبوة لي تحرمت منها لسنين
رياض : معلم انا معاك بصح متنساش عايلة السيلمان مش ساهلين
المعلم : وقيل نسيت حنا وشكون ، والاتعاب لي تعبناها باش وصلنا لهنا
رياض : علابالي تعبنا و دربنا و رانا من اقوى المافيا في فرنسا بصح متنساش هوما تان مش ساهلين
المعلم : مهما كانو مش ساهلين مش رح يكونو اقوى منا القوة لي رانا فيها هدفها نرجع بناتي مستحيل نخليهم عندهم
رياض : و المدام
قطع عليه المعلم بصياح
المعلم : اااااااي مستحيل نسمحلك تخليني نزيد نسمع اسمها ، هي تزوجت و رضات بلي ختارتو عائلتها هي عدوتي كيما هوما
رياض : اوك معلم امرك
المعلم : مزالك متابع اخبار الأولى
رياض : ايه معلم مزال
المعلم : اعطيني المستجدات
رياض : مستقرة في منزل واحد من رجالنا هو انسان مليح و أتقن دور صاحب البيت وينفذ في اوامرك و تخدم عند ****** كان سيئ معاها ومع زملائها بصح متخافش احنا عملنا الواجب و دوك تريقل ومش يتعامل معاهم بسوء
معلم : عيط لريان وقلو يمدلي المستجدات على الثالثة
رياض : متخممش معلم قبيل عيطتلو و قلي انو هي مليحة و لكن كاين حاجا لازم نخبرك بيها على طبيعة خدمتها
معلم : علابالي بكلش
رياض : كيفاش معلم علابالك و ساكت !؟
معلم : كل حاجا فوقتها حلوة ، رح يلحق الوقت لي نحاسب فيه كل من ساهم في ظلم البنات التلاتة و نخليهم يندمو على دقيقة لي ولدو فيها وأنا المعلم *****
.
.
.
.
في تونس
نروحو لشفاء لي تقريبا وجدت كل الحقائب ليها ولوليدها رحيم
ورحيم كان شوي غارق مع تحويلات الكلينيك وما الى ذلك و تعب بزاف في هذي الفترة
رحيم : الو امي شحوالك صفا !
شفاء : اهلا وليدي الغالي والله مليحة واليوم كملت تخمال القش لي رح ندوع
رحيم : يعيش أمي مش قتلك متحط شي فيدك خلي الخدم لي يلمو
شفاء : ياوليدي الخدم ميعرفوش وش ندو وش نخلو وديجا مهيش خدمة كبيرة لي تعبني
رحيم : اه منك امي اه ، تو ريح روحك شوي ونجي تقريبا كملت كل المعاملات و بربي غدوة بكري تكون الكرهبة تستنا فينا وطايرتنا على الساعة 14:00 باش متنساش امي
شفاء: يسلمك وليدي ماتبطاش
رحيم : أمرك أمي
كملت شفاء الهدرة مع رحيم و قعدة تتأمل في سما و تتفكر اللحظات لي جازو عليها و فقدانها لولادها لي أثر عليها بنسبة كبيرة خاصة بعد العذاب لي عاشتو مع منذر الزوج القاسي لي صب غضبو عليها الكل برك لأنو تزوجت بالشخص لي هي ختارتو وحبتو ومقيمتش حبو ليها
ايه شفاء من كانت صغيرة و منذر يحبها كانو قراب من بعض بحكم صحبة ابائهم رغم لي انو منذر وعايلتو توانسة الا انو هذا مامنعش منذر عن حبو لشفاء
شفاء تزوجت بالإنسان لي تحبو رغم انو عائلتها الكل رتفضينو بحجة فقره وانو مش من مستواهم في النهاية هوما عائلة كبيرة و سمعتهم لازم تبقى عالية وعظيمة
شفاء بعد زواجها من حبيب قلبها عائلتها تبرات منها طبعا ولكن حب زوجها ليها و اهتمامو واهتمام عائلتو كانو كافلين ينسوها كلش وخاصة بعد حملها ببنتها هالة عاشت حياة سعيدة ولكن يافرحة وماتمت بعد خمس سنوات شفاء حملت و و زوجها دخل الحبس بتهمة باطلة و شفاء داوها اهلها و قررو يعطو البنت لي في كرش شفاء لعائلة ثانية تربيها المهم يتخلصو منها و هالة ميقدروش يتخلصو منها خاتش كبرت شوي وقادر يصراو مشاكل شفاء بعد ماعرفت عائلتها وشراهم يخمو قررت تمد البنت لي في كرشها ولكن ماتمتش فكرة شفاء وكشفوها عائلتها وطبعا مدو البنت لعائلة معندهاش اولاد و بقاو متبعينهم حسابا لأي مشكل رح يصرا مستقبلا بعدا قررو اهل شفاء يزوجوها لمنذر لي كان مازال يحبها و يعشقها و كيما كان الحال شفاء تزوجت بمنذر بعد ما اهلها طلقوها من زوجها المحبوس ، شفاء كانت جسد بدون روح كانت تذبل يوم بعد يوم و منذر كان كل يوم يزيد حبو ليها اكثر ولكن لويكتا منذر نفذ صبرو وتحول حبو لغضب بعد ثلث سنين منذر قرر يتبنى طفل ليه ولشفاء وكيما كان الحال منذر جابلها رحيم لي كان اكبر من هالة بشوي برك و رباتو واعتنت فيه ومنذر كل يوم كرهو لهالة يزيد كل ما كان يشوفها يتفكر حب شفاء و زوجها كان يعذبها لكن هالة بعد ماكبرت وفهمت وصلت لحالة انو تهرب و هربت هالة و تهنات من عذاب منذر و هنا زاد عذاب شفاء مش رح نزيد نتفصل اكثر مع الايام تفهمو
شفاء ناضت كي سمعت رحيم جا لي هو مصبرها على كلش تعشاو و رقدو خاتش يستنى فيهم يوم رح تتغير فيه بزاف صوالح
..
.و
.
رايكم فالحلقة و توقعاتكم
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
