منار بدأت الخدمة و شتهدت في خدمتها بزاف منار بطبيعتها فتاة هادئة و غامضة
نوصفلكم منار شوي
منار سمراء و عينيها ماهمش كبار و ماهمش صغار و نيفها صغير و عندها خدود يهبلو و شواربها صغار مي منفوخين تحسوها دايرتلهم عملية تجميل و لاطاي تاعها مشي كيف لبنات هي قصيرة و معمرة مشي سمينة و مشي رشيقة شعرها طويل و رطب حواحبها ملقطين من عند ربي يديها و رجليها صغار
المهم بنت بمعنى الكلمة كان لي يشوفها يطمع فيها
منار ماخلطتش زملائها في العمل لأنو هي شخصية غامضة ، كانو يخدمو معاها زوج بنات و طفل مريم و ميسم و معاذ
هذو كانو يحسو منار جابدة عليهم
مريم : والله حبيتها من اول ماشفتها أيا نداسروها شوي بليييز
معاذ : خطينا بلاك ماهيش حابا حنا وش دخلنا فيها
ميسم : يازحي شحال سامطين وشفيها اذا حكينا معاها ولا نقلك دبرو على سوقكم أنا فوقت الإستراحة نروح نهدر معاها
معاذ: دبري راسك أنا اخطي راسي برك
مريم : ايه مام انا نروح معاك
معاذ : كملو خدمتكم قبل يعود يحاوزنا مسيو سعيد
مريم : ايه أيا نكملو
ميسم : أنا رح نحط هاذو لداخل
معاذ : اوك
دخلت ميسم لوين يطبخو لقات منار متغاشية تشوكات
و ولا ت تعيط مريييييييم معااااااااذ
مريم نتفضت هي و معاذ دخلو يجرو لقاو جماعة ترش في منار بلماء حتان فطنت قعدوها و مدولها الماء كملو خدمتهم و وصل وقت الإستراحة راحو في تلاثة ليها
منار : شكرا ليكم على مساعدتي
مريم : وشراكي تهدري راكي كيف ختنا
منار : ميرسي
معاذ : ظغطتي على روحك بزاف فلخدمة
ميسم : وي من بديتي لخدمة ماحبستيش علاش هاك
منار : لازم المدير قلي كل ما تخدمي أكثر كل مانزيدك دراهم وأنا لازملي دراهم باش نعالج بابا
معاذ : من نيتك ديري على ذاك ياو سي سعيد (المدير ) جامي يقعد عند كلمتو غير اخدمي خدمتك برك لا زيادة لا نقصان
مريم : اخي على ذاك بوكرش يظل ياكل مايشبعش
منار ضحكت و هوما فرحو بيها
ميسم : مانتعرفوش على أختنا الجديدة !؟؟؟
منار : ههههه أنا منار
ميسم : أنا ميسم
مريم : وأنا مريومة هههه
معاذ : و انا معاذ من اليوم حنا خاوتك
منار : ربي يحفظكم شكرا بزاف تشرفت بمعرفتكم خاوتي هههههه
منار كون صداقات لأول مرة كان حبهم كل يوم يزيد
معاذ : منار ارواحي
منار : وي
معاذ : روحي لذاك راجل شوفي طلبو
منار : اوك
ميسم : استناي أنا نروح باين انوش هههه
معاذ : ربك ارجعي وين كنتي منار روحي ديري وش قتلك
ميسم تشنفت و دخلت لداخل و ماعاودتش خرجت مريم و منار ستغرببو من تصرفات معاذ منار راحت لسيد لي قاعد
منار : وش تطلب مسيو
حسام : قهوة ☕ بلا سكر
منار : أمرك تطلب شئ آخر !؟
حسام : لا تقدري تروحي
منار راحت جابتلو طلبو و وصل وقت استراحاهم دخلو لداخل لقاو ميسم مكسرة وجهها و ساكتة علامات الغضب في وجهها
معاذ : وجبيكي مكشرة هاك
ميسم : تسقسي فيا وجبيا ؟ كانو ماعلابالكش وجبيا
معاذ : راني مرنك خطيك من دسارة
ميسم بلعياط : وشمن دسارة وشمن دسارة نتا وش دخلك فيا حتان تقلي ادخلي حاجا بيني وبين منار نتا وش دخلك راجلي و لا حبيبي حتان تقلي ارجعلي و زيد علاش تعيط عليا و تحشم فيا قدام الغاشي
معاذ ناض و شدلها يديها وقلها بزعاف اسكتي
ميسم بلعياط : لالا مانسكتش و ماتدخلش فيا
معاذ : ندخل ربك كفاش ماندخلش كفااااااااااش
ميسم باستغراب : تدخل ؟ عاود فهمني كفاش تدخل وأنا حتى صلة تربطنا من غير العمل
معاذ : هيه عندك الحق وشمن صلة بيناتنا بصح نوعدك من اليوم لا زدتي تسمعي صوتي
و هاهو وجهي
معاذ خرج متعصب لحقتو منار
منار : معاذ ياك أنا اختك و صديقتك
معاذ بغضب : ايه
منار : حكيلي علاش تعصبت على ميسم
معاذ : منار يرحم باباك والله ماني قادر نفسر حاجا
منار : أيا نروحو لشط و نحكو
معاذ : اوك
راحو معاذ و منار لشط لي مقابلهم
و قعدو ، معاذ يرمي فلحجر و منار تحوس تلقى تفسير مي مالقاتش
قعدو مدة ساكتين حتان هدر معاذ و كسر هذا الصمت
معاذ ': نحبها
منار : اه ؟
معاذ : ايه نحبها نعشقها من اول نهار شفتها عشقتها ادمنت عليها نهار لي تقلي خويا لوكان نصيب نقتلها و نقتل روحي
منار : هههه والله غير فقتلك
معاذ بإستغراب : كيفاش ؟
منار : احساسي ما يخيبنيش ، المهم ويكتا ناوي تعترفلها .
معاذ : مش رح نعترفلها
منار : اه علاش
معاذ : صيي حبي باين حب من طرف واحد
منار : نتا عترفلها وش خاسر
معاذ : نخاف نخسرها كصديقة
منار : و لوكان نقلك بلي هي تان تحبك
معاذ : مستحيل
منار : علاش مستحيل ، لوكان جات متحبكش كي قلتلها ادخلي كون رآها ما دخلتش
معاذ : مستحيل تحبني
منار : اديها من عندي تحبك
غير عترفلها هي ماتبقى في قلوبكم
معاذ : و كون تخرج ما تحبنيش
منار : اضربني كل يوم عشر كفوف مدة شهر
معاذ : اوووووف والله غير دخت
منار : أيا نروحو و اعترفلها
معاذ : اوك أيا نروحو
معاذ و منار رجعو غير دخلو لقاو ميسم تبكي و مريم تصبر فيها غير شافت معاذ قوات فلبكية راح ليها معاذ غمز مريم باش ابعد عليها عنقها و هي ولات تشهق و مبعدا هي تان عنقاتو
معاذ بهدوء و عينين ذابلين : نقلك حاجا و اوعديني ماتزعفيش
ميسم بلبكي : وعد
معاذ : أنا أنا أنا ياربي
ميسم : أهدر وش كاين قلقتني
معاذ : بففف ربي عاوني ، ميسم من الأخير أنا نحبك
مريم : يااااااااااااااي
ميسم : _ _ _
معاذ : ماكيش مظطرة تحبيني أنا حبيت نبررلك موقفي برك
جا نايض معاذ عنقاتو ميسم
ميسم بلبكي : و انا نموت عليك
معاذ مش مصدق يعنق و يعاود مريم و منار فرحانين
وصل وقت وين كل واحد يروح لدارهم
منار خذات شوي ماكلة لباباها فطريق حبستلها طونوبيل كحلة خرجو منها زوج باينين اغنياء هي قوات فلمشية و هوما شدوها كتفوها و داوها
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
