ناضت من فراشها مشطت شعرها لي عياها بطولو لبست حوايجها لقات باباها نايض دارتلو فطور و حطتلو دواه
عبد الرحمن ( بابات منار ) : يابنتي وجبيكي ليوم تقول راكي مريضة .
منار : لالا باباتي راني حمد لله ماتلهاش بيا و نتا كيفاش راك تحس في روحك اليوم ؟
عبد الرحمن: يابنتي وش نقلك الحمد لله على كل حال بصح سطر رآه قتلني
منار : خلاص وحد سمانة و نرجعك لطبيب و نشوفو وش يقلك
عبد الرحمن: يابنتي وشمن طبيب حنا عشا ليلة ما عندناش مين نجيبو دراهم طبيب
منار : ماتخممش باباتي راني مخبية شوي دراهم ، صحتك أهم من كلش وش عندي أنا من غيرك
عبد الرحمن: روحي يابنتي راني راضي عليك دنيا و آخرة و ربي يجيبلك زوج الصالح لي يسر خاطرك
منار : يابابا وشمن زواج ، اصلا شكون رح يتزوج بوحدة عايشا في خرابة ، حتى الورث تع ذاك الحوش صغير سرقوهلنا خاوتك
عبد الرحمن: حسبنا الله ونعم الوكيل فيهم
منار : خلاص باباتي ماتقلقش روحك كاين ربي
عبد الرحمن : سبحانو
منار : بابا كمل فطورك و كول دوا و انا نروح نحوس على خدمة
عبد الرحمن : علاش يابنتي حاوزوك من لخدمة ؟؟؟ 😨😨😨😨
منار : لالا بابا مالقيتش روحي ديت إستقالتي
ماتخافش دوك نحوس على خدمة
عبد الرحمن: نشا الله تلقاي يابنتي
منار : نشا الله باباتي أيا دعيلي باي ممممح 😘
خرجت منار
عبد الرحمن : يارب لوكان جيت عارف انو حبي لشافية رح يكون عاقبتو هاك والله ماكنت تزوجت بيها
ياربي نشا الله بنتي تلقى خدمة و تسقر و تلقى لي يحبها و يتهلى فيها
نتا راك قريب تدي أمانتك ياربي نطلب منك برك بنتي
منار قاعدة في الحديقة و تحوس في الجريدة على كش خدمة لقات مكتوب مطلوب نادلة في مطعم عيطت لرقم و راحت ليهم تفاهمو بلي من غدوة تبدأ الخدمة حتى و الراتب مشي كبير مي معليش خير من مكاش
#في الفيلا
داليا : والله تعبت وش ندير كرهههههت الخدامة لي تجي يحاوزهالي
حسام : بيناتنا لخدامة لي تجي طامعة في دراهم و حسبالها توقعوا في شباكها يحي ماشفتيش لبستهم ، يازح المعري أكثر من المغطي
داليا : علابالي بصح أنا وش ندير راني كرهت
تعرف شعور تعيش مع شخص مايحبكش ونتا دير المستحيل على جالو . رآها صعيبة يا حسام
حسام : داليا نعرفك مليح مليح ، في ثلاثة علابالنا بلي نتي قاعدة عندو في جال دراهم برك حبك ليه مات من وقت الحادث
داليا : 😑😑😑😑
حسام : أنا نروح نشوفو و نتي ديري إعلان على ممرضة لأمجد
داليا : اوك و أهدر معاه انصحو باش مايحاوزش الخدامة الجايا
حسام : اوك
خرج حسام متوجه لغرفة أمجد
# عند داليا
داليا : ألو مسيو علي
علي : اهلا مادام داليا
داليا : صفا ؟ .
علي : حمد لله مادام
داليا : واش حوال الشركة
علي : لباس حنا رانا نديرو لي علينا ، وشراه مسيو أمجد
داليا : على ذاك راني نعيطلك
علي : هههههه زعك الخدامة ول
داليا : وي كيف العادة ، حبيتك دير إعلان على ممرضة و دير خلاص مليح
علي : اوك مادام داليا ، حاجا أخرى ؟
داليا : لا باي
علي : باي
#عند أمجد
لباب يدقدق
أمجد : أدخل
حسام : بلا ما تعرف شكون !؟
أمجد : زعما شكون من غيرك وجه الطاوة
حسام : ممكن داليا
أمجد : داليا وشمن عام تجي ليا ، تجي نهار لي نحاوز الخدامة برك
حسام : هيييه وش حوالك
أمجد : كيما راك تشوف
ديجا أيا نخرجو شوي للحديقة نتنفس راني تخنقت
حسام : أيا نعاونك
أمجد : جيبلي لكرسي المتحرك برك
ايه أمجد صار معاق ماولاش يقدر يمشي هذي كانت صدمة ليه اول مرة عرف و صراتلو حالة نفسية حتى شوي شوي بدأ يتقبل الأمر و أهلو أصرو عليه انو داليا تقعد عندو تلتهى بيه مي صار العكس داليا طمعت في دراهمو و ماتشوفوش كامل حتى ماتخممش تشوف وش يسحق
حسام عاون أمجد باش يركب على الكرسي المتحرك خرجو للحديقة حسام يهدر يهدر و أمجد مش يسمع فيه كامل
حسام : أمجد راك معايا ؟
أمجد : _ _ _
حسام : اهووووووه با أمجد
تنقز أمجد
أمجد : واش
حسام : راك غايص غير الخير
أمجد : نحوس على خطة باش نحاوز دالية من عندي كرهت منها
حسام : نعاونك ؟
أمجد : أكيد
حسام : عندي خطة مي هذي الخطة لازمك ما تحاوزش الممرضة
أمجد : قول الخطة تشوف
حسام : رح نجيبو ممرضة و نتفاهمو معاها و لازم قدام داليا ديرو رواحكم عشاق و مبعدا أنا تسرق دراهم من عند داليا
نحط دراهم تحت مخدة الممرضة و نخلو داليا تقول بلي الممرضة سرقتهم و مبعدا حنا زعما نكتشفو بلي داليا من غيرتها على الممرضة حطت دراهم و قالت بلي تسرقولها وهاك نتا تحاوزها
أمجد : الفكرة ماقنعتنيش مي نجربو
حسام : نبدا نحوس على ممرضة ؟
أمجد : نظن بلي لآلة داليا دارت إعلان
حسام : ههههه خليها عليا
أنت تقرأ
أحببت مريضي
Romanceعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
