أحببت مريضي

إنه الحب

امجد بقى مقصر كيما العادة مع حسام تقدرو تقولو بلي حسام مقصر و امجد مكتفي بالسماع
نروحو لمنار لي حبت ترتاح بصح بقات في داخلها تغلي
منار متكسلة فوق السرير وتخزر في السقف
منار : زعما شكون حبيبتو ، متوقعتش كامل بلي هذا الانسان القاسي رح يحب في يوم ولا يتحب ، لا هو فلحقيقة يتحب علاش الكذب شباب و عندو شخصية و ذاك لاطاي يعني اي وحدة تقدر تحبو
وفجأة تنفضت منار وضربت روحها بكف
منار : اسكتي يامنار عندك تخمي فيه هذا انسان مايستاهلش الحب
حطت يدها على قلبها وقالت
منار : عندك ديرها ياقلبي و توقع فيه احسن اختيارك ياقلبي راني واثقة فيك ياقلبي مستحيل ديرها بيا ، ورجعت تكسلت
منار : قتلني الفضول شكون هي حبيبتو
ومبعدا خبطت جبهتها بكفها وقالت
ااااحاي يامنار نسيت قع خطيبتو داليا اكيد كان يقصد فيها
منار : شحال ظهرت غبية ، بصح ياك يحوس يتخلص منها😨😨😨 معناتها استغلني باش نخدمو اكيد الخدمات كامل هربو منو استغل ضعفي وطيبتي و خدعني وابتكر فكرو الخطة و الاتفاق 😭😭😭 ياربي علاش هاك علاش دنيا تختبر فيا هاك
صافي يحبها وتحبو  😢😢😢
منار حست بالخذلان و مشاعرها لي كانت في بداية مشوارها تحطمو صح عارفاتو قاسي ومغرور ولكن متخيلتش يستغلها لهذي الدرجة منار نفسيتها تحطمت لأنها ضعيفة لا أب يعاونها ولا أخوة يساندوها ولا أم تحط راسها على صدرها وتحسسها بالأمان منار كانت على وشك الإنهيار مهيش عارفة على واش راها تبكي على استغلالو ليها ولا على حبو لداليا
بقات منار في متاهة التفكير كل الأمان والفرح لي عاشتو في الفترة الأخيرة في لحظة إختفى ورجعت منار القديمة لي كل هموم دنيا فوق ظهرها
قررت منار تكمل هذي الخدمة باش تعالج والدها ولكن في قلبها قعدت خاتش حاجا تشد فيها لأمجد كاين حاجا مخليتها تبقى معاه مهيش عارفة اسكو شفقة على عجزو ولا ممكن تكون صيي وقعت في حبو
منار حبت تكمل ولكن مش كيف كانت حبت تكمل ولكن بطريقتها طبعا البرودة
نروحو لأمجد لي يخمم في منار مش عارف وش حاجا لي مسكتاتو رغم لسانها طويل وامثالها من الخدامات كان حاوزهم من نهار لول علاش منار صابر عليها بعيدا على الاتفاق ، علاش يخمم فيها علاش مش حاب يزعفها ، علاش حاب يديها معاه لدارهم
ممكن خاتش مهتمة بيه اكثر من مريضها ولا خاترو بدا يحس حاجا من ناحيتها ايه وعلاش لا وهي انسانة هادئة عينيها يخبو ألف حكاية وحكاية مجرد خزرة فشواربها تخلي الانسان يغمى عليه وعلاش لا وهي كلها رقة وحنان علاش لا وشعرها مغطي كامل جسمها
حسام : هلااااااااو ياعم وين راك تخمم
أمجد : 🙍🙍🙍🙍
حسااااام : اصاااااحبي وين غايص 👌👌👏👏
امجد تنفض
امجد : لا نخمم في روحي كفاش وليت وقبل كفاش كنت
حسام : اصاحبي نتا هو نتا متبدل فيك والو خادث كيما هذاك يزيدك قوة وهرتك مزالت و شخصيتها كل مرة تزيد تقويها وش حاب اكثر من هاك
امجد : حاب داليا تخرج من حياتي مش قادر ننسى الي هي سبب عجزي
فجأة جاز على أمجد سيناريو حياتو من دقيقة ارغامو على خطوبتو من داليا حتان دقيقة لي فطن فيها وعرف بلي هو عاجز
حسام : صاحبي اذا حاب تتخلص من داليا لازم نكملو الاتفاقية
امجد : مش حاب ندخل منار في مشاكل هي مش حملهم
حسام : أمجد بصح هي علابالها بكلش وقابلة
امجد : منار انسانة طيبة و شفافة واحنا استغلينا ضعفها لمصلحتنا
اتخيل هي نيتها صافية مش نيتها دراهم
حسام : كيفاش ؟
امجد : منار دايما تجيب معاها كتاب تقراه كي نولي راقد وحظ المرة رقدت وكان الكتاب مساميا فتحتو وقريتو لقيت هذا الكتاب فيه نصائح طبية لإعادة إحياء الأعصاب و عندو علاقة بالإعاقة النصفية كيكا حالتي حتى مرة كانت حاسبتني راقد ولات تنغز فيا بالدبابيس باش نحس
حسام :  لهذي الدرجة
امجد : ايه على ذاك راني حاس روحي غالط في حقها
حسام : أمجد لا تكون حبيتها
امجد : لا لا وشراك تقول طفلة غايضني حالها وعلابالك بلي خاطيني
حسام : وش رح نديرو فهذا الموضوع ، لازم نفذو الخطة
امجد : يما عندها خطة رح نفذها معاها ونبعد منار من هذو الحكايات ماتستاهلش ، خاتش داليا تقدر ديرلها كلش
حسام : اوك ، بصح حاب نسقسيك
امجد : انعم قول
حسام : تشفى كيما كنا صغار و كانو عماتك يجو شفاء ولخرى منعرفهاش و ولادهم
امجد : هههه اولا شفاء مش عمتي برك هي اقرب شخص ليا واكثر انسانة تفهمني ، ايه نشفى
حسام :  وكنا نلعبو انا ونتا وهالة وليد عمتك و داليا
امجد : ايه نشفى
حسام : من وقتها وأنا نحب هالة ليومنا هذا توحشتها حوست عليها فكل مكان ملقيتهاش
امجد : علابالي بلي تحبها
حسام : 15 سنة مشفتهاش ، ومزالني نحبها
امجد : بصح معلابالكش بلي هي تان كانت تحبك وكانت تبع اخبارك حتى ونتا مكنتش تشوفها هي كانت تتجسس على تحركاتك
حسام : علاش مقتليش
امجد : مندخلش في امور لا تعنيني
خسام : عاوني باش نلقاها
امجد : طفلة راحت في حال سبيلها مش موحال تزوجت ماتحبسش عندها كاين الف وحدة تتمناك انساها وعيش بلاها
حسام : 😿😿😿😿😿