منار وجدت روحها كالعادة ولكن هذي لمرة متأملة انو طريقة نغز لي قراتها بلاك تجيب نفع معاه طريق كومبلي وهي تدعي في ربي انو أمجد يقدر يرجع يمشي
بعد دقايق دخلت للفيلا ديال مسيو امحد و هي تقطر من الما راحت طول لغرفة سي امجد
منار : مساء الخير مسيو أمجد
أمجد : وليتي تجي فليل ماكفاكش تقلقي فيا فنهار ؟!
منار : والله انا كون عليا منجيش كامل مي الله غالب عذي لخدمة .
امجد : منا وجاي متجيش معفونة هاك منسحقش خدم معفونين .
منار : هذا يامسيو امجد لي تسميه عفن يسموه لعباد و ربي مطر ، مي معليش نعذرك ياك نتا تخاف من لمطر .
امجد : بلا هدرة زايدة بأمر مني راكي تموتي ، و منا وجاي منسحقكش تجي بهذا لعفن
منار رغرغو عينيها بدموع : مسيو أمجد نتوما الاغنياء مش كيفنا حنا لفقراء انا معنديش شيفور يجيبني و يديني كيفكم و اذا مش عاحبك الأمر تقدر تقول لمسيو حسام يمدلي الاستقالة
أمجد : اسمعي وقيل حسبالك راني قابل بوجودك هنا ، انا لوكان تبانلي دوك نقلع ربك
منار : إڨزاكتومو مسيو أمجد مادام رانا في زوج مظطرين لازم تقبل بالأمر الواقع كيما انا قابلة بيه .
أمجد : ربي صبرني على تطوال لسان هذي لمخلوعة ، وقيل رح نصدق بلي راكي مظطرة ؟؛
منار: كيفاش مسيو أمجد
أمجد : هههههه نعرفكم نتوما لمخلوعين ، جاتك خدمة غير ونتي قاعدة في فيلا والأكثر من هذا لي خدمك عازب و صغير ، ههههه تخمامكم غي فدراهم باغية طيحي حسام فشباكك و تخرجي من بؤرة الفقر .
منار : انا ......... مسيو امجد مكنتش رح نرد عليك مي زودتها ، صح انا فقيرة و صح جاتني لخدمة بلا ما حوست عليها مي ماتنساش انتم حطيتوني تحت امر الواقع هيرتوني بين حياة او موت وانا عمري ماخممت تخمام هذاك بلعكس انا مفتخرة بنفسي كيما راني صح فقير مي الحمد لله عندي كرامة
أمجد : 😶😶😶
منار : لهذا رح نحط بعض شروط لي لازم عليك تتقيد بيها
أمجد : اي وقيل تحسبي راكي في داركم تتشرطي عليا امشي ....
منار : اولا متسبنيش ماتنساش بلي راك عاجز عن لمشي متقدر درلي والو قادرة نموتك بلجوع نورمال لحاجا دوزيام منحبش لي يأمرني من فزق خدمتي ، عندي خدمة نخدمها مي حاجا فوق لخدمة لا منسحقش
لحاجا ثالثة منسحقكش تشنف في وجهي خاتش حتى انا منيش حابة نشوفك لهذا رح نظطرو نتبسمو في وجوه بعض
لحاجا رابعة هذي تع نأمرهم في دقيقة يقتلوك ، ماتمشيش معايا ذي لعقلية خاتش قادرة نقتلك دوك و جن مايسمعش بيك
داكور مسيو امجد
منار هدرت ذي الهدرة و حطت يديها على لبيرو تاعو
امجد تصدم من جرأتها كان دايرها ضعيفة و حنينة و خوافة مي لقى العكس
امجد : وشراكي تخلطي نتي لسع مخلقش لي يحطلي شروط
منار : والله مادام خدمتي مطولة هنا فالازم تتقيد بشروط غير هذا عنظي تصرف خدوخر بطريقة أخرى
امجد : 😠😠😠😠😠 وش هذي الجرأة
منار : مسيو امجد انت لي وصلتني نتصرف بهذي طريقة كنت جونتيمو معاك مي راك شفت حنيتي وين وصلاتك
أمجد : هذا مابقا خدامة تتشرط عليا
منار : مادموزال منار
أمجد : وشنو ؟
منار : اسمي مادموزال منار مش خدامة
أمجد : أنساي باش نعيطلك هاك
منار : معناتها رح يتبدل اسمك من مسيو امجد الي "م . مع . ب"
أمجد : وش معناتها "م.مع.ب"
منار : معاق معقد بغيض
أمجد : 😡😡😡😡
أنت تقرأ
أحببت مريضي
Lãng mạnعندما ترغمك الحياة على البكاء لايبقى لك مجال للابتسامة ، يقال في قانون الحياة لايجتمع قلبان من دون حب ولا يحق للمعاق ان يُحَب ولا الفقير ان يُحِب الحياة ترغمك احيانا على مواقف لا تريد الخضوع لها ولكن عندما لاتكون لك أسرة تحميك فلا مجال للهرب ومن نا...
