أسر بارتباك : كنت عايز اقولك حاجه
حنان : حاجه اي
أسر : حنان انا.....انا
حنان : انت اي
أسر : بصي انا انا كنت عايز اقولك يعني
حنان : حضرتك شكلك هطول وانا ورايا محاضره فبعد اذنك
لتهم بالوقوف ليوقفها ماقاله
أسر : حنان انا بحبك
لتنظر له بصدمه قائله : اي
أسر : انا بحبك مش عارف أمتي وازاي بس انا بحبك ، كل اللي عارفه ان دا ( وهو يشير إلي قلبه ) بيبقا هيخرج من مكانه من كتر دقاته لما يشوفك ، انا بحبك لا انا بعشقك بحب ضحكتك وعيونك وطبتك وروحك بحب كل حاجه فيكي ، لما شوفتك بتكلميه حسيت بنار جوايه بتحرقني ولما كان عايز ياخدك غصب عنك كنت هتجنن ، انا بحبك ي حنان
حنان بهدوء وهي تحاول أن لا تجرح مشاعره : دكتور أسر انا فاهمه كل اللي بتقوله بس انا اسفه انا منفعكش انت تستاهل حد احسن مني
أسر بحزن : متنفعنيش، وانتي اي اللي عرفك عشتي معايا وشوفتي أننا مننفعش لبعض ( ليصمت قليلا ليتنهد ويكمل ) انتي في حد فحياتك
حنان : لا مفيش
أسر : اومال ليه رافضاني لدرجادي مش عاجبك ، لو في حاجه فيا مش عاجباكي قوليلي وانا هحاول اتغي...
لتقاطعه حنان قائله : انا مش رافضاك عشان شخصك انا رافضه فكرت الجواز اصلا لاني انا اللي منفعش لاي حد
أسر : ليه ، ليه متنفعيش
حنان : دي حاجه تخصني ومش ملزومه اني اقولك ودلوقتي بعد اذنك
لتقف وتغادر ليتنهد هو بحزن وألم فما كان خائف منه حصل
_____________________________
يجلس ينظر إليها وهي تتجاهله ف منذ استيقاظها وهي لم تتكلم معه فهي قد أحضرت الفطار بهدوء وعندما قال لها تحيه الصباح تجاهلته ولم ترد والآن هي تقوم بأعمالها بهدوء ولم تتذمر علي اعطائها الكثير من العمل فقط لكي تتحدث معه وتتذمر ولكنها تجاهلته
ليقف ويتجه الي مكتبها ليقف أمامها لترفع نظرها ثم تعاود النظر للملف
ادهم : سمرا مش كفايه بقا اللي بتعمليه دا انا تعبت
لتظل هي تنظر للملف ووتتجاهل وجود
ليغضب هو ويسحب الملف منها لتنظر له
ادهم بغضب : كفايه بقا كفايه انا عارف اني غلط فحقك كتير وجرحتك بكل الطرق بس انا اتغيرت وبطلت كل حاجه وحشه كنت بعملها واللي حصل امبارح دا من غيرتي عليكي مقدرتش اشوفك بتحضني راجل غيري حتي لو انتي شايفه ان جوازنا مؤقت فانا شايف انك كل حاجه فحياتي ، انا اسف سامحيني ارجوكي
سمرا : اسامحك بسهوله دي بعد كل اهاناتك ليا وجرحك ليا وعايزني انسه بسهوله دي تبقا بتحلم دانا هخليك تندم علي اليوم اللي فكرت فيه تجرحني
ادهم : أنا موافق ع اي عقاب هتعقبيني بيه بس بلاش تتجاهليني ، تجاهلك دا بيقتلني
سمرا بسخريه : بعض مما عندكم ي ادهومتي (لتكمل بجديه) ودلوقتي بعد اذنك عايزه اكمل شغلي
ليتنهد ويدخل مكتبه
لتبتسم سمرا بسخريه : ولسه هتشوف كتيرر يا ...يا ادهومتي
___________________________
"كل شئ قسمه ونصيب يابني" كان هذا ما قاله الحج سالم لراجح الذي يجلس أمامه الان ليحاول الاخير فهم السبب ليقول
راجح : ليه يحج انا صدر مني حاجه غلط
سالم : لا يابني مفيش حاجه صدرت منك بس البت مش مرتاحه معاك
راجح بهدوء : طب انا هستأذن
ليرحل بعد أن أعطوه أغراضه لتنتهي هذه الصفحه
سليم بسعاده بعد أن رحل راجح : ياااه أخيراً مش هشوفه تاني دا كان خنيق
ليضحك الجميع وتقول ليلي
ليلي : ليه بس دا كان لطيف
سليم بغضب : نعم يعينياااا كان اي ؟! لطيف ، لطيف فعينك يشيخه
رانيا بضحك : بتغير ي سوسو ولا اي
فادي بضحك يتخلله بعض السخريه : سوسو علي اخر الزمن سليم الحفيد الأكبر لعيلة الهواري اللي الكل بيعملو حساب يتقله سوسو
سليم : اخرس ي حيوان (لينظر ل ليلي التي تكتم ضحكتها ليقول بغضب) كتماها ليه اضحكي اضحكي احسن تفطسي وتموتي
لتضحك هي ويسرح هو في ضحكتها التي خطفت قلبه
محمود : خلاص بعد اسبوع او اسبوعين نعمل الخطوبه
سليم : مفيش خطوبه هتتعمل احنا مش محتاجين نتعرف علي بعض عشان نعمل خطوبه ، بعد اسبوع الفرح علي طول
مصطفي : مش بدري اوي أنه بعد اسبوع قول بعد شهر يبقا ماشي لكن اسبوع مش هنلحق نجهز حاجه
سليم : لا هنلحق هي اصلا مش محتاجه حاجه غير الفستان هننزل انا وهي نشتريه بكره وانا اجيب البدله وكدا خلصنا
محمود : ليه انت مش هتغير الاوضه بتاعتك ولا عايز تدخل على القديمه
سليم : لا طبعا هغيرها
محمود : وهتلحق ف اسبوع
سليم : ايوا انا مظبط كل حاجه بس جدو يوافق
سالم : وانا موافق ربنا يسعدك يابني ويهنيك
ليبتسم سليم بفرح وينظر ليلي التي اخفضت رأسها بخجل محبب له
ليحمد الله بداخله شاكرا له ع نعمه
________________________
